സ്വകാര്യ സ്കൂളുകളുടെ ഫീസ്​ വർധനക്ക്​ കടിഞ്ഞാൺ

അബൂദബി: സ്വ​കാ​ര്യ സ്കൂ​ളു​ക​ളി​ലെ ട്യൂ​ഷ​ൻ ഫീ​സ്​ വ​ർ​ധ​ന​ക്ക്​ പ​രി​ധി നി​ശ്ച​യി​ച്ച്​ അ​ബൂ​ദ​ബി വി​ദ്യാ​ഭ്യാ​സ വ​കു​പ്പ്. അ​സാ​ധാ​ര​ണ സാ​ഹ​ച​ര്യ​ങ്ങ​ളി​ല്‍ പോ​ലും 15 ശ​ത​മാ​ന​ത്തി​ല്‍ കൂ​ടു​ത​ല്‍ ട്യൂ​ഷ​ന്‍ ഫീ​സ് വ​ര്‍ധി​പ്പി​ക്കാ​ൻ പാ​ടി​ല്ലെ​ന്ന്​ അ​ബൂ​ദ​ബി വി​ദ്യാ​ഭ്യാ​സ വി​ജ്ഞാ​ന വ​കു​പ്പ് (അ​ഡെ​ക്) വ്യ​ക്ത​മാ​ക്കി. അ​ത്യ​പൂ​ർ​വ സാ​ഹ​ച​ര്യ​ങ്ങ​ളി​ൽ ഫീ​സ്​ വ​ർ​ധ​ന​ക്ക്​ അ​നു​മ​തി ല​ഭി​ക്കാ​ൻ നി​ര​വ​ധി നി​ബ​ന്ധ​ന​ക​ൾ പാ​ലി​ക്കേ​ണ്ടി​വ​രും.

വി​ദ്യാ​ഭ്യാ​സ ചെ​ല​വ് സൂ​ചി​ക അ​ടി​സ്ഥാ​ന​മാ​ക്കി​യാ​വും ഫീ​സ് വ​ര്‍ധ​ന അം​ഗീ​ക​രി​ക്കു​ക. കൂ​ടാ​തെ ക​ഴി​ഞ്ഞ ര​ണ്ടു​വ​ര്‍ഷ​ത്തി​നി​ടെ സാ​മ്പ​ത്തി​ക ന​ഷ്ട​മു​ണ്ടാ​യ​താ​യി സ്‌​കൂ​ളു​ക​ള്‍ ബോ​ധ്യ​പ്പെ​ടു​ത്തു​ക​യും ഓ​ഡി​റ്റ് റി​പ്പോ​ര്‍ട്ട് ഹാ​ജ​രാ​ക്കു​ക​യും വേ​ണം. മൂ​ന്നു വ​ര്‍ഷ​മാ​യി പ്ര​വ​ര്‍ത്തി​ക്കു​ന്ന​താ​വ​ണം സ്‌​കൂ​ള്‍, സാ​ധു​വാ​യ ലൈ​സ​ന്‍സ്, 80 ശ​ത​മാ​ന​മെ​ങ്കി​ലും ഹാ​ജ​ർ എ​ന്നീ വ്യ​വ​സ്ഥ​ക​ളും പാ​ലി​ക്ക​ണം. ഫീ​സ് വ​ര്‍ധ​ന അ​നു​മ​തി ല​ഭി​ച്ചാ​ലും അ​ക്കാ​ദ​മി​ക് വ​ര്‍ഷ​ത്തി​ല്‍ ഒ​രു ത​വ​ണ മാ​ത്ര​മേ വ​ര്‍ധി​പ്പി​ക്കാ​നാ​കു.

മൂ​ന്ന് ത​വ​ണ​ക​ളാ​യോ വ​ർ​ഷ​ത്തി​ൽ 10 ത​വ​ണ​ക​ളാ​യോ ഫീ​സ്​ ഈ​ടാ​ക്കാം. അ​ധ്യ​യ​ന വ​ര്‍ഷം ആ​രം​ഭി​ക്കു​ന്ന​തി​ന് ഒ​രു​മാ​സം മു​മ്പ് ര​ജി​സ്​​ട്രേ​ഷ​ൻ ഫീ​സി​ന്‍റെ ആ​ദ്യ ഘ​ഡു വാ​ങ്ങാ​വു​ന്ന​താ​ണ്. ട്യൂ​ഷ​ന്‍ ഫീ​സി​ന്‍റെ അ​ഞ്ചു​ശ​ത​മാ​നം വ​രെ​യേ ര​ജി​സ്‌​ട്രേ​ഷ​ന്‍ ഫീ​സാ​യി വാ​ങ്ങാ​വൂ. അ​ധ്യ​യ​ന വ​ര്‍ഷം തു​ട​ങ്ങു​ന്ന​തി​ന് നാ​ലു മാ​സം മു​മ്പ് വ​രെ ര​ജി​സ്​​ട്രേ​ഷ​ൻ ഫീ​സ്​ വാ​ങ്ങാം. ഈ ​തു​ക അ​വ​സാ​ന ട്യൂ​ഷ​ന്‍ ഫീ​സി​ൽ നി​ന്ന്​ കു​റ​ക്ക​ണം.

ഫീ​സി​നു പ​ക​ര​മാ​യി ര​ക്ഷി​താ​ക്ക​ളി​ൽ​നി​ന്ന് സാ​മ്പ​ത്തി​ക​മാ​യ മ​റ്റ്​ ഈ​ടു​ക​ൾ ആ​വ​ശ്യ​പ്പെ​ട​രു​ത്. വി​ദ്യാ​ര്‍ഥി​ക്ക് സ്‌​കൂ​ളി​ല്‍ അ​ഡ്മി​ഷ​ന്‍ എ​ടു​ക്കു​ന്ന​തി​നു മു​ന്നോ​ടി​യാ​യി ര​ക്ഷി​താ​ക്ക​ളി​ൽ നി​ന്ന്​ മു​ന്‍കൂ​ര്‍ പ​ണം വാ​ങ്ങാ​നോ ആ​ദ്യ ത​വ​ണ​ത്തെ ര​ജി​സ്‌​ട്രേ​ഷ​ന്‍ ഫീ​സ് അ​ട​ക്കാ​നോ ആ​വ​ശ്യ​പ്പെ​ട​രു​ത്.

ജീ​വ​ന​ക്കാ​രു​ടെ മ​ക്ക​ളെ സ്‌​കൂ​ളി​ല്‍ ചേ​ര്‍ക്കു​ന്ന സ​മ​യ​ത്ത് പ്ര​ത്യേ​ക ഫീ​സ് ഇ​ള​വ് ന​ല്‍കു​ന്നു​ണ്ടെ​ങ്കി​ല്‍ ഇ​ക്കാ​ര്യം തൊ​ഴി​ല്‍ ക​രാ​റി​ല്‍ ഉ​ള്‍പ്പെ​ടു​ത്തി​യി​രി​ക്ക​ണം. ആ​റ് വി​ഭാ​ഗ​ങ്ങ​ളാ​യാ​ണ്​ ട്യൂ​ഷ​ൻ ഫീ​സ്​ ത​രം തി​രി​ച്ചി​രി​ക്കു​ന്ന​ത്. ട്യൂ​ഷ​ന്‍ ഫീ​സ്, എ​ജു​ക്കേ​ഷ​ന​ല്‍ റി​സോ​ഴ്‌​സ് ഫീ​സ്, യൂ​നി​ഫോം ഫീ​സ്, ട്രാ​ന്‍പോ​ര്‍ട്ടേ​ഷ​ന്‍ ഫീ​സ്, എ​ക്‌​സ്ട്രാ ക​രി​ക്കു​ല​ര്‍ ആ​ക്റ്റി​വി​റ്റി ഫീ​സ്, മ​റ്റു ഫീ​സു​ക​ള്‍ എ​ന്നി​വ​യാ​ണ് ഇ​വ. ബോ​ര്‍ഡ് പ​രീ​ക്ഷ​ക​ൾ​ക്കാ​യി അ​ഡ്മി​നി​സ്‌​ട്രേ​റ്റി​വ് ഫീ​സ് ഈ​ടാ​ക്കാ​ന്‍ പു​തി​യ ന​യം അ​നു​മ​തി ന​ല്‍കു​ന്നു​ണ്ട്.

രേ​ഖ​ക​ളു​ടെ പൂ​ര്‍ത്തീ​ക​ര​ണം, മേ​ല്‍നോ​ട്ടം, മെ​യി​ലി​ങ് തു​ട​ങ്ങി​യ ചെ​ല​വു​ക​ള്‍ക്ക് തു​ല്യ​മാ​യി​രി​ക്ക​ണം ഈ ​തു​ക. എം​ബ​സി അ​ഫി​ലി​യേ​റ്റ​ഡ് സ്‌​കൂ​ളു​ക​ള്‍ എം​ബ​സി​യി​ല്‍ അ​ഫി​ലി​യേ​ഷ​ന്‍ ഉ​ള്ള സ്വ​കാ​ര്യ സ്‌​കൂ​ളു​ക​ള്‍ക്ക് അ​സാ​ധാ​ര​ണ​മാ​യ ഫീ​സ് വ​ര്‍ധ​ന​ക്ക് അ​നു​മ​തി ന​ല്‍കു​ന്നു​ണ്ട്. കൂ​ടാ​തെ സ്‌​കൂ​ളു​ക​ള്‍ ഫീ​സ് ഷെ​ഡ്യൂ​ള്‍ വെ​ബ്‌​സൈ​റ്റി​ല്‍ പ്ര​ദ​ര്‍ശി​പ്പി​ക്ക​ണം.

സ്കൂ​ൾ റേ​റ്റി​ങ്​ പ​രി​ശോ​ധ​ന​ക​ളെ അ​ടി​സ്ഥാ​ന​മാ​ക്കി​യാ​ണ്​ സാ​ധാ​ര​ണ സാ​ഹ​ച​ര്യ​ങ്ങ​ളി​ൽ ഫീ​സ് വ​ര്‍ധ​ന ന​ട​ത്തേ​ണ്ട​ത്. ഔ​ട്ട്‌​സ്റ്റാ​ന്‍ഡി​ങ് റേ​റ്റി​ങ്ങി​ന്​ ട്യൂ​ഷ​ന്‍ ഫീ​സി​ന്‍റെ 3.94 ശ​ത​മാ​നം വ​രെ​യും വെ​രി​ഗു​ഡ് റേ​റ്റി​ങ്ങി​ന്​ 3.3.8 ശ​ത​മാ​ന​വും ഗു​ഡ് റേ​റ്റി​ങ്ങി​ന്​ 2.81 ശ​ത​മാ​ന​വും അ​ക്‌​സ​പ്റ്റ​ബ്ള്‍, വീ​ക്ക്, വെ​രി​വീ​ക്ക് റേ​റ്റി​ങ് ല​ഭി​ച്ച സ്‌​കൂ​ളു​ക​ള്‍ക്ക് പ​ര​മാ​വ​ധി 2.25 ശ​ത​മാ​ന​വും ഫീ​സ് വ​ര്‍ധ​ന ന​ട​ത്താം.