ദാറുൽ ഹുദ ബിരുദദാന ചടങ്ങ്​

അൽ ഐൻ: സി.ബി.എസ്.ഇയുടെ സയൻസ്, കോമേഴ്സ് സ്ട്രീമുകളിൽ 12ാം ക്ലാസ് പൂർത്തിയാക്കുന്ന ദാറുൽ ഹുദാ ഇസ്‍ലാമിക് സ്കൂളിലെ വിദ്യാർഥികൾക്കുള്ള ബിരുദദാന ചടങ്ങ് സംഘടിപ്പിച്ചു.

പ്രിൻസിപ്പൽ മുനീർ ചാലിൽ നേതൃത്വം നൽകി. സ്കൂൾ ചെയർമാൻ വി.പി. പൂക്കോയ തങ്ങൾ, മാനേജിങ്​ ഡയറക്ടർ ഇ.കെ. മൊയ്തീൻ ഹാജി, വൈസ് പ്രിൻസിപ്പൽ അയ്യൂബ് ഖാൻ എന്നിവർ സംസാരിച്ചു.

സ്കൂൾ ഹെഡ് ബോയ് അബ്ദുല്ല യൂസുഫലി, സ്കൂൾ ഹെഡ് ഗേൾ ഫായിസ ബീവി എന്നിവർ മറുപടി പ്രസംഗം നടത്തി.

10,12 ക്ലാസ് പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിച്ചു. എസ്.ഡി.പി കോർഡിനേറ്റർ ദുൽകിഫിലി നന്ദി പറഞ്ഞു.