ഇന്ത്യൻ ദമ്പതികളുടെ മരണം; പ്രതിയുടെ വധശിക്ഷ പരമോന്നത കോടതി ശരിവെച്ചു

ദു​ബൈ: മോ​ഷ​ണ​ശ്ര​മ​ത്തി​നി​ടെ ഇ​ന്ത്യ​ക്കാ​രാ​യ ദ​മ്പ​തി​ക​ളെ കു​ത്തി​ക്കൊ​ല​പ്പെ​ടു​ത്തി​യ കേ​സി​ൽ പ്ര​തി​യു​ടെ വ​ധ​ശി​ക്ഷ ശ​രി​വെ​ച്ച്​ ദു​ബൈ​യി​ലെ ഉ​യ​ർ​ന്ന കോ​ട​തി. കേ​സി​ൽ ദു​ബൈ​യി​ലെ വി​ചാ​ര​ണ കോ​ട​തി വി​ധി​ക്കെ​തി​രെ പ്ര​തി സ​മ​ർ​പ്പി​ച്ച ഹ​ര​ജി​ വ്യാ​ഴാ​ഴ്ച ദു​ബൈ​യി​ലെ പ​ര​മോ​ന്ന​ത കോ​ട​തി ത​ള്ളു​ക​യാ​യി​രു​ന്നു. ക്രി​മി​ന​ൽ ന​ട​പ​ടി​ക്ര​മം അ​നു​സ​രി​ച്ച് യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം വി​ധി അം​ഗീ​ക​രി​ച്ചാ​ൽ ശി​ക്ഷ ന​ട​പ്പാ​ക്കു​മെ​ന്ന്​ പ​ര​മോ​ന്ന​ത കോ​ട​തി വ്യ​ക്​​ത​മാ​ക്കി.

2020 ജൂ​ൺ 17ന്​ ​അ​ർ​ധ​രാ​ത്രി​യാ​ണ്​ ഗുജറാത്ത് സ്വദേശികളായ ഹി​ര​ൻ (48), ഭാ​ര്യ വി​ദ്യ ആ​ദി​ത്യ (40) എ​ന്നി​വ​ർ ക്രൂ​ര​മാ​യി കൊ​ല​ചെ​യ്യ​പ്പെ​ടു​ന്ന​ത്. അ​റേ​ബ്യ​ൻ റാ​ഞ്ച​സി​ലെ ‘മി​റാ​ഡോ​ർ’ പാ​ർ​പ്പി​ട സ​മു​ച്ച​യ​ത്തി​ൽ വെ​ച്ചാ​യി​രു​ന്നു​ ക്രൂ​ര​കൃ​ത്യം. നി​ർ​മാ​ണ​ത്തൊ​ഴി​ലാ​ളി​യാ​യ പാ​കി​സ്താ​നി പൗ​ര​നാ​ണ്​ പ്ര​തി. മോ​ഷ​ണ​ത്തി​നാ​യി വീ​ട്ടി​ൽ അ​തി​ക്ര​മി​ച്ചു​ക​യ​റി​യ പ്ര​തി ഉ​റ​ങ്ങി​ക്കി​ട​ക്കു​ക​യാ​യി​രു​ന്ന ദ​മ്പ​തി​ക​ളെ കു​ത്തി​ക്കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നാ​ണ്​ പ്രോ​സി​ക്യൂ​ഷ​ൻ കേ​സ്. തു​ട​ർ​ന്ന്​ അ​റ​സ്റ്റി​ലാ​യ പ്ര​തി​ക്ക്​ ദു​ബൈ വി​ചാ​ര​ണ കോ​ട​തി ക​ഴി​ഞ്ഞ വ​ർ​ഷം ഏ​പ്രി​ലി​ൽ വ​ധ​ശി​ക്ഷ വി​ധി​ച്ചി​രു​ന്നു. ഇ​ത്​ ചോ​ദ്യം ചെ​യ്ത്​ ന​ൽ​കി ഹ​ര​ജി​യാ​ണ്​​ ഉ​യ​ർ​ന്ന കോ​ട​തി വ്യാ​ഴാ​ഴ്ച ത​ള്ളി​യ​ത്. സം​ഭ​വ​ത്തെ കു​റി​ച്ച്​ ​പൊ​ലീ​സ്​ പ​റ​യു​ന്ന​ത്​: 2020 ജൂ​ൺ 17ന്​ ​രാ​ത്രി മോ​ഷ​ണ​ത്തി​നാ​യി അ​റേ​ബ്യ​ൻ റാ​ഞ്ച​സി​ലെ വീ​ട്ടി​ലെ​ത്തി​യ പ്ര​തി ദ​മ്പ​തി​ക​ൾ ഉ​റ​ങ്ങു​ന്ന​തു വ​രെ നാ​ലു മ​ണി​ക്കൂ​റോ​ളം വീ​ടി​ന്​ പു​റ​ത്ത്​ ഒ​ളി​ച്ചി​രു​ന്നു.

ര​ണ്ടു വ​ർ​ഷം മു​മ്പ്​ ഇ​തേ വീ​ട്ടി​ൽ അ​റ്റ​കു​റ്റ​പ്പ​ണി​ക​ൾ​ക്ക്​ വ​ന്ന​സ​മ​യം വീ​ട്ടി​ലെ സ്വ​ർ​ണ​വും പ​ണ​വും ഇ​യാ​ൾ ക​​ണ്ടു​വെ​ച്ചി​രു​ന്നു. ​വീ​ട്ടി​ലെ ലൈ​റ്റു​ക​ൾ ഓ​ഫാ​യ​ശേ​ഷം തു​റ​ന്നു​കി​ട​ന്ന ന​ടു​മു​റ്റ​ത്തെ വാ​തി​ലി​ലൂ​ടെ അ​ക​ത്തു​ക​ട​ന്നു. തു​ട​ർ​ന്ന്​ താ​ഴ​ത്തെ നി​ല​യി​ലെ വാ​ല​റ്റി​ൽ​നി​ന്ന്​ 1,965 ദി​ർ​ഹം മോ​ഷ്ടി​ച്ച​ശേ​ഷം മു​ക​ൾ നി​ല​യി​ലേ​ക്കു​പോ​യി. അ​വി​ടെ ദ​മ്പ​തി​ക​ളു​ടെ ബെ​ഡ്​​റൂ​മി​ൽ ക​ട​ന്ന്​ അ​ല​മാ​ര​യി​ലെ പ​ണം ക​വ​രു​ന്ന​തി​നി​ടെ ശ​ബ്​​ദം കേ​ട്ട്​ ഹിരൺ ഉ​ണ​ർ​ന്ന​തും പ്ര​തി ക​ത്തി​കൊ​ണ്ട്​ ഇ​രു​വ​രെ​യും ആ​ക്ര​മി​ക്കു​ക​യു​മാ​യി​രു​ന്നു. ആ​ദി​ത്യ​യു​ടെ ശ​രീ​ര​ത്തി​ൽ പ​ത്തു ത​വ​ണ​യാ​ണ്​ കു​ത്തേ​റ്റ​തെ​ന്ന്​​ ഫോ​റ​ൻ​സി​ക്​ റി​പ്പോ​ർ​ട്ടി​ൽ വ്യ​ക്​​ത​മാ​ക്കു​ന്നു. വി​ദ്യ​യു​ടെ ശ​രീ​ര​ത്തി​ൽ 14 ത​വ​ണ​യും കു​ത്തേ​റ്റു.

ബ​ഹ​ളം കേ​ട്ട്​ ഓ​ടി​യെ​ത്തി​യ 18കാ​രി​യാ​യ മ​ക​ളെ​യും പ്ര​തി ആ​ക്ര​മി​ച്ച​ശേ​ഷ​മാ​ണ്​ ര​ക്ഷ​പ്പെ​ട്ട​ത്. അ​നു​ജ​ത്തി​യു​ടെ സ​ഹാ​യ​ത്തോ​ടെ ഇ​വ​ർ വി​വ​രം അ​റി​യി​ച്ച​ത​നു​സ​രി​ച്ച്​ പൊ​ലീ​സ്​ സം​ഭ​വ​സ്ഥ​ല​ത്ത്​ എ​ത്തി​​യാ​ണ്​ കു​ട്ടി​ക​ളെ ര​ക്ഷ​പ്പെ​ടു​ത്തി​യ​ത്. മോ​ഷ​ണ​ത്തി​നാ​യി പ്ര​തി മു​ൻ​കൂ​ട്ടി ആ​സൂ​ത്ര​ണം ന​ട​ത്തി​യ​താ​യി കോ​ട​തി​ക്ക്​ ബോ​ധ്യ​പ്പെ​ട്ട​തി​നെ തു​ട​ർ​ന്നാ​ണ് പ​ര​മാ​വ​ധി ശി​ക്ഷ വി​ധി​ച്ച​ത്.