ഡിസംബറിലെ ഇന്ധന വില പ്രഖ്യാപിച്ചു

ദുബൈ: ഡിസംബർ മാസത്തെ ഇന്ധനവില പ്രഖ്യാപിച്ചു. നവംബറിനെ അപേക്ഷിച്ച്​ പെട്രോളിന്​ 13 ഫിൽസ്​ കുറഞ്ഞപ്പോൾ ഡീസലിന്​ ഒരു ഫിൽസ്​ കൂടി. ഡിസംബറിൽ സൂപ്പർ 98 പെട്രോൾ ലിറ്ററിന്​ 2.61 ദിർഹമാണ്​ വില. കഴിഞ്ഞ മാസമിത്​ 2.74 ദിർഹമായിരുന്നു. സ്​പെഷൽ 95 പെട്രോളിന്​ 2.50 ദിർഹമാണ്​ വില. നവംബറിൽ ഇത്​ 2.63 ദിർഹമായിരുന്നു.

ഇപ്ലസ്​ പെട്രോളിന്​ കഴിഞ്ഞ മാസ​ത്തെ നിരക്കായ 2.55 ദിർഹമിൽ നിന്ന്​​ 2.43 ദിർഹമായാണ്​ കുറഞ്ഞത്​. ഡീസൽ വില 2.67ൽ നിന്ന്​ 2.68 ദിർഹമായി നേരിയ രീതിയിൽ വർധിച്ചിട്ടുണ്ട്​. നവംബർ 30ന്​ അർധരാത്രി 12 മുതൽ പുതുക്കിയ വില പ്രാബല്യത്തിൽ വന്നു. അന്താരാഷ്ട്ര വിപണിയിൽ ക്രൂഡ്​ ഓയിൽ വില അടിസ്ഥാനമാക്കിയാണ്​ യു.എ.ഇ ഇന്ധന വിലനിർണയ സമിതി എല്ലാ മാസവും വില പുനർനിർണയിക്കുന്നത്​.