ഡിസംബർ ലേഡി

ഡിസംബർ ആകുമ്പോൾ എല്ലായിടവും ഒരു ചുവപ്പ് കളറുകൾ ആണ് കൂടുതലും കാണുന്നത്. പോയിൻസിഷിയ ചെടികൾ ക്രിസ്മസിന്‍റെ ഒരുക്കങ്ങൾക്ക് പ്രധാനപെട്ട ഒരു ചെടിയാണ്. ഇതിന്‍റെ പല കളറുകൾ കിട്ടും. ഈ ചെടികളുടെ പൂക്കളെക്കാളും ഇതിന്‍റെ ഇലകൾക്കാണ് ഭംഗി.

യൂ​ഫോർബിയ ഇനത്തിൽപ്പെട്ട ചെടികളാണ് ഇതെല്ലാം. ഇതിൽ കുഞ്ഞു വെള്ള ഇലകളുമായി ഭംഗിയായി നിൽക്കുന്ന ചെടിയാണ് ഡിസംബർ ലേഡി.അധികം എവിടെയും കണ്ടിട്ടി​ല്ല ഇത്തരം ചെടികൾ. പെട്ടന്ന് നോക്കിയാൽ ഡിസംബറിലെ തണുപ്പിൽ മഞ്ഞു വീണ പോലെ തോന്നും. അത്രക്ക് മനോഹരമാണീ ചെടി. ഇതിനെ സ്​നോ ​ഫ്ലോക്സ്​, സ്​നോ ബുഷ്​, വൈറ്റ്​ ഫ്ലവർ പോയിൻസിഷിയ എന്നൊക്കെ അറിയപ്പെടും.

ഫെബ്രുവരി മുതൽ ഒക്ടോബർ വരെ നല്ല പച്ച കളറിലായിരിക്കും ഉണ്ടാവുക. ഒക്ടോബർ ആകുമ്പോൾ ഇലകൾ എല്ലാം കൊഴിയാൻ തുടങ്ങും. പിന്നീട്​ പുതിയ ഇലകൾ വരും. പുതിയ കുഞ്ഞു ഇലകൾ വെള്ളകളറിലാവും വരുന്നത്. ഡിസംബർ ആകുമ്പോൾ മുഴുവനും വെള്ളിയാകും. ജനുവരി വരെ ഇങ്ങനെ നിക്കും. ഈ ചെടിക്ക് ഒരു എട്ടു മണിക്കൂർ വെയിൽ വേണം. നമുക്ക് വലിയ ചെട്ടിയിൽ വളർത്താവുന്നതാണ്​. ഗാർഡൻ സോയിൽ, കുറച്ചു ചകിരിച്ചോറ്, പെരിലൈറ്റ്​, ചാണകപ്പൊടി, എല്ലുപൊടി ഇതൊക്കെ ചേർത്ത് മണ്ണ് തയാറാക്കാം. ഡ്രൈനേജ് ഉള്ള ചെട്ടി വേണം. ആറു മാസം കൂടുമ്പോൾ വീണ്ടും വളം കൊടുക്കാം. ഒന്നിടവിട്ട്​ നനച്ചാലും മതി. നന്നായി പ്രൂൺ ചെയ്തു കൊടുക്കാം. ഇത്​ ഒരു കുറ്റിച്ചെടി പോലെ വളരും. സ്റ്റെം കട്ട്​ ചെയ്ത്​ കിളിപ്പിക്കാവുന്ന ചെടിയാണിത്​.

ഇതിൽ ഒരു വെള്ള നിറത്തിലുള്ള കറയുണ്ടാകും. കൈകളിൽ ആകാതെ സൂക്ഷിക്കണം. നമ്മൾ ഇതിന്‍റെ ചെറിയ ചെടി വെക്കുമ്പോൾ അതിന് ഒരു സപ്പോർട്ട് കൊടുക്കുന്നത് നല്ലതാണ്. അങ്ങനെ ചെയ്തില്ലെങ്കിൽ പൊക്കം വെക്കുമ്പോൾ അത് ഒടിഞ്ഞു പോകാൻ സാധ്യതയുണ്ട്. ഈ ഡിസംബർ മാസത്തിലെ നമ്മുടെ പൂന്തോങ്ങൾ മനോഹരമാക്കാൻ പറ്റിയ ഒരു ചെടിയാണ് ഡിസംബർ ലേഡി.