ദേര തീപിടിത്തം: കെട്ടിടം അടഞ്ഞുതന്നെ; താമസക്കാർ പുറത്ത്

ദു​ബൈ: ദേ​ര ഫ്രി​ജ്​ മു​റാ​റി​ലെ തീ​പി​ടി​ത്ത​മു​ണ്ടാ​യ ത​ലാ​ൽ ബി​ൽ​ഡി​​ങ്ങി​ലേ​ക്ക്​ താ​മ​സ​ക്കാ​​രെ പ്ര​വേ​ശി​പ്പി​ച്ചു​തു​ട​ങ്ങി​യി​ല്ല. കെ​ട്ടി​ടം ഇ​പ്പോ​ഴും പൊ​ലീ​സ്​ സം​ര​ക്ഷ​ണ​യി​ലാ​യ​തി​നാ​ൽ താ​മ​സ​ക്കാ​ർ പു​റ​ത്താ​ണ്. അ​ടു​ത്തു​ള്ള ഹോ​ട്ട​ലു​ക​ളി​ലും സു​ഹൃ​ത്തു​ക്ക​ളു​ടെ​യും ബ​ന്ധു​ക്ക​ളു​ടെ​യും മു​റി​ക​ളി​ലു​മാ​ണ്​ പ​ല​രും ത​ങ്ങു​ന്ന​ത്.

ബാ​ക്കി​യു​ള്ള​വ​ർ​ക്ക്​ അ​ധി​കൃ​ത​ർ താ​മ​സ സൗ​ക​ര്യം ഒ​രു​ക്കി​ന​ൽ​കി​യി​ട്ടു​ണ്ട്. കെട്ടിടത്തിന്‍റെ താഴ്​ഭാഗത്തെ വ്യാപാര സ്ഥാപനങ്ങളും അടഞ്ഞുകിടക്കുകയാണ്​. കെട്ടിടത്തിന്​ സമീപത്തെ റോഡും അടച്ചനിലയിലാണ്​. കെ​ട്ടി​ടം സു​ര​ക്ഷാ​മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്ത​താ​ണ്​ തീ​പി​ടി​ത്ത​ത്തി​ന്​ കാ​ര​ണ​മെ​ന്ന്​ ദു​ബൈ സി​വി​ൽ ഡി​ഫ​ൻ​സ്​ വ്യ​ക്ത​മാ​ക്കി​യി​രു​ന്നു. ഈ ​മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​വെ​ന്ന് ഉ​റ​പ്പു​വ​രു​ത്തി​യാ​ൽ മാ​ത്ര​മേ ഇ​നി തു​റ​ന്നു​കൊ​ടു​ക്കാ​ൻ സാ​ധ്യ​ത​യു​ള്ളൂ. ഇ​തി​ന്​ എ​ത്ര കാ​ല​താ​മ​സം എ​ടു​ക്കു​മെ​ന്ന്​ പ​റ​യാ​ൻ ക​ഴി​യാ​ത്ത അ​വ​സ്ഥ​യു​ണ്ട്.

കെ​ട്ടി​ട​ത്തി​ന്​ ഇ​പ്പോ​ഴും പൊ​ലീ​സ്​ കാ​വ​ലു​ണ്ട്. ആ​രെ​യും ഉ​ള്ളി​ലേ​ക്ക്​ ക​യ​റ്റി​വി​ടാ​ൻ അ​നു​വ​ദി​ക്കു​ന്നി​ല്ല. എ​ന്നാ​ൽ, അ​ത്യാ​വ​ശ്യ സാ​ധ​ന​ങ്ങ​ൾ എ​ടു​ക്കു​ന്ന​തി​നാ​യി താ​മ​സ​ക്കാ​രെ ഉ​ള്ളി​ൽ ക​യ​റാ​ൻ അ​നു​വ​ദി​ച്ചി​രു​ന്നു. മ​ല​യാ​ളി​ക​ള​ട​ക്കം നി​ര​വ​ധി താ​മ​സ​ക്കാ​രാ​ണ്​ ഈ ​കെ​ട്ടി​ട​ത്തി​ലു​ള്ള​ത്. ശ​നി​യാ​ഴ്ച ഉ​ച്ച​ക്ക്​ 12.35നാ​ണ്​ ദു​ബൈ​യെ ഞെ​ട്ടി​ച്ച തീ​പി​ടി​ത്ത​മു​ണ്ടാ​യ​ത്. അ​ഞ്ചു​നി​ല കെ​ട്ടി​ട​ത്തി​ലെ നാ​ലാം നി​ല​യി​ലാ​ണ്​ തീ​പി​ടി​ത്ത​മു​ണ്ടാ​യ​ത്. ഷോ​ർ​ട്ട്​ സ​ർ​ക്യൂ​ട്ടി​നെ തു​ട​ർ​ന്ന്​ ഒ​രു മു​റി​യി​ലു​ണ്ടാ​യ തീ​പി​ടി​ത്തം മ​റ്റു മു​റി​ക​ളി​ലേ​ക്ക്​ വ്യാ​പി​ക്കു​ക​യാ​യി​രു​ന്നു.