മ​രു​ഭൂ​മി എ​ഴു​തു​ന്ന ഹ​ദ്​​വ ക​വി​ത​ക​ൾ

നി​ലാ​വു​ള്ള രാ​ത്രി​ക​ൾ പാ​രി​ജാ​ത​ങ്ങ​ൾ​ക്ക് തി​രു​മി​ഴി​തു​റ​ക്കു​വാ​ൻ മാ​ത്ര​മു​ള്ള​ത​ല്ല. രാ​ജ്യ​ങ്ങ​ളു​ടെ വൈ​വി​ധ്യ​ങ്ങ​ൾ നി​ലാ​വി​നെ പ​ല​ത​ര​ത്തി​ൽ രാ​ഗി​ല​മാ​ക്കു​ന്നു. നി​ലാ​വ​ലി​ഞ്ഞ ഇ​മാ​റാ​ത്തി​ന്‍റെ മ​ണ​ൽ​പ​ര​പ്പു​ക​ളി​ൽ നി​ന്ന് ക​വി​ത​യു​ടെ കു​ളി​ർ​കാ​റ്റ് ചൂ​ളം വി​ളി​ക്കു​ന്ന​ത് കേ​ൾ​ക്കു​മ്പോ​ൾ, ഗാ​ഫ് മ​ര​ച്ചോ​ട്ടി​ൽ ഒ​ട്ട​ക​ങ്ങ​ൾ ന​ശീ​ദു​ക​ൾ ആ​ല​പി​ക്കു​ന്ന​താ​യി തോ​ന്നും.

കു​ളി​രും നി​ലാ​വും വി​രി​ച്ചി​ട്ട മ​രു​ഭൂ​മി​യു​ടെ ആ​ഴ​ങ്ങ​ളി​ലേ​ക്ക് സ​ഞ്ച​രി​ച്ച് നോ​ക്കൂ, നി​ലാ​വി​നെ ഇ​ഴ​പി​രി​ച്ച് ക​വി​ത നെ​യ്യു​ന്ന ബ​ദു​വി​യ​ൻ സം​ഘ​ങ്ങ​ൾ രാ​ഗ​ങ്ങ​ളാ​യി പെ​യ്യു​ന്ന​ത് കാ​ണാം.

അ​ൽ ഹ​ദ്​​വ എ​ന്ന കാ​വ്യ സ​മ്പ്ര​ദാ​യം ബ​ദു​ക്ക​ളു​ടെ സം​ഭാ​വ​ന​യാ​ണ്. ജൈ​വീ​ക​മാ​യ വൃ​ത്ത​ങ്ങ​ളി​ൽ നി​ന്ന് മാ​ന​വി​ക​ത​യു​ടെ അ​ല​ങ്കാ​ര​ങ്ങ​ൾ നെ​യ്യു​ന്ന രീ​തി​യാ​ണ് ഇ​തി​നു​ള്ള​ത്. അ​തു​കൊ​ണ്ടു​ത​ന്നെ ക​ട​ലും മ​രു​ഭൂ​മി​യും ഹ​ദ്​​വ​യി​ൽ വൈ​വി​ധ്യ​ങ്ങ​ൾ കോ​ർ​ക്കു​ന്നു. കേ​ട്ടു​മാ​ത്രം പ​ഴ​കി​യ ക​ഥ​ക​ളു​ടെ യ​ഥാ​ര്‍ഥ പൊ​രു​ളു​ക​ള്‍ ചി​ക​യാ​തെ, ഊ​തി​വീ​ര്‍പ്പി​ച്ച് പ​റ​ഞ്ഞ് ന​ട​ന്നാ​ണ് സ​മൂ​ഹ​ങ്ങ​ള്‍ ന​ല്ല​വ​രും ക്രൂ​ര​രു​മാ​യ ക​ഥാ​പാ​ത്ര​ങ്ങ​ളെ സൃ​ഷ്ടി​ച്ച​ത്. അ​ത്ത​ര​ത്തി​ല്‍ ഏ​റെ ക്രൂ​ശി​ക്ക​പ്പെ​ട്ട ജ​ന​വി​ഭാ​ഗ​മാ​ണ് അ​റ​ബ് നാ​ഗ​രി​ക​ത​യു​ടെ ആ​ദി​മ​വാ​സി​ക​ളാ​യ ബ​ദു​ക്ക​ള്‍. ഇ​വ​രു​ടെ ജീ​വി​ത രീ​തി​ക​ള്‍ പോ​ലും നേ​രാ​വ​ണ്ണം മ​ന​സി​ലാ​ക്കാ​തെ അ​ടി​ച്ചി​റ​ക്കി​യ ഊ​ഹാ​പോ​ഹ​ങ്ങ​ള്‍ക്ക് ക​ണ​ക്കി​ല്ല. ബ​ദു​ക്ക​ള്‍ സ​ഞ്ചാ​രി​ക​ളാ​ണ്, കാ​ര്‍ഷി​ക മേ​ഖ​ല​യി​ല്‍ നി​ന്ന് കാ​ര്‍ഷി​ക മേ​ഖ​ല​യി​ലേ​ക്ക് മൃ​ഗ​ങ്ങ​ളു​മൊ​ത്ത് യാ​ത്ര പോ​കു​ന്ന​വ​ര്‍. ഇ​വ​ർ ന​ട​ന്ന് തീ​ര്‍ത്ത പാ​ത​ക​ളാ​ണ് ആ​ധു​നി​ക ഗ​ള്‍ഫി​ന്‍റെ വ​ള​ര്‍ച്ച​യു​ടെ പ്ര​ധാ​ന ഉ​റ​വി​ട​ങ്ങ​ളി​ലൊ​ന്ന്. ബ​ദു​ക്ക​ളു​ടെ യാ​ത്ര സം​ഘ​ത്തെ​യൊ, അ​വ​രു​ടെ പ​ര​മ്പ​രാ​ഗ​ത ആ​ഘോ​ഷ​ങ്ങ​ളി​ലൊ ഒ​രു​വ​ട്ട​മെ​ങ്കി​ലും പ​ങ്കെ​ടു​ത്ത​വ​ര്‍ ഒ​രി​ക്ക​ലും ഇ​വ​രെ കു​റി​ച്ച് കേ​ട്ട ക​ഥ​ക​ള്‍ പി​ന്നെ മ​റ്റൊ​രാ​ളോ​ട് ആ​വ​ര്‍ത്തി​ക്കി​ല്ല. യാ​ത്ര​ക​ളി​ല്‍ ബ​ദു​ക്ക​ള്‍ നെ​ഞ്ചി​ലേ​റ്റി ന​ട​ക്കു​ന്ന ക​വി​ത​യാ​ണ് അ​ല്‍ ഹ​ദ്​​വ. ഏ​ഴു​വ​രി​ക​ളു​ള്ള ഈ ​ക​വി​

ത​ക​ള്‍ രേ​ഖ​പ്പെ​ട്ട് കി​ട​ക്കു​ന്ന​ത് പ്ര​ധാ​ന​മാ​യും മ​ന​സു​ക​ളി​ലാ​ണ്. യാ​ത്ര സം​ഘ​ ങ്ങ​ള്‍ക്കും മു​ങ്ങ​ല്‍ വി​ദ​ഗ്ധ​ര്‍ക്കും ഊ​ർ​ജം പ​ക​രാ​നും ആ​ഘോ​ഷ​ങ്ങ​ള്‍ അ​നു​ഭൂ​തി​യാ​ക്കാ​നും ഈ ​ബ​ദു​വി​യ​ന്‍ ക​വി​ത​ക​ള്‍ക്കു​ള്ള ഊ​ര്‍ജ്ജം അ​നു​ഭ​വി​ച്ച​റി​യ​ണം. യു.​എ.​ഇ​യി​ല്‍ ന​ട​ക്കു​ന്ന പ​ര​മ്പ​രാ​ഗ​ത ആ​ഘോ​ഷ​ങ്ങ​ളി​ലെ​ല്ലാം കൂ​ട്ടം കൂ​ടി​യി​രു​ന്ന് ക​വി​ത ആ​ല​പി​ക്കു​ന്ന ഒ​രു കൂ​ട്ടം വ​യോ​ധി​ക​രെ ക​ണ്ടി​ട്ടു​ണ്ടാ​കും. ന​മ്മു​ടെ അ​ക്ഷ​ര​ശ്ലോ​ക സ​ദ​സു​ക​ള്‍ക്ക് സ​മാ​ന​മാ​ണ് അ​ല്‍ ഹ​ദ്​​വ കാ​വ്യ​ലാ​പ​ന രീ​തി. ഒ​രാ​ള്‍ അ​വ​സാ​നി​പ്പി​ക്കു​ന്ന ഭാ​ഗ​ത്ത് നി​ന്ന് മ​റ്റൊ​രാ​ള്‍ തു​ട​ങ്ങു​ന്നു. ഇ​തി​ല്‍ നി​മി​ഷ ക​വി​ത​ക​ളും പി​റ​ക്കു​ന്നു.

യു.​എ.​ഇ​യി​ലെ മു​ത്ത​ശ്ശ​ന്‍മാ​രും മു​ത്ത​ശ്ശി​ക​ളും പു​തി​യ ത​ല​മു​റ​ക്ക് പ​റ‍ഞ്ഞും പാ​ടി​യും കൊ​ടു​ക്കു​ന്ന പ​ര​മ്പ​രാ​ഗ​ത ത​നി​മ​യി​ല്‍ നി​ന്ന് അ​ല്‍ ഹ​ദ്​​വ ഇ​ന്നും പൂ​ത്തു​ല​യു​ന്നു. ഹ​ദ്​​വ ക​വി​ത​ക​ൾ കൂ​ടു​ത​ലും സാം​സ്കാ​രി​ക പൈ​തൃ​ക​മാ​ണ്. അ​തി​ന്‍റെ ര​ച​യി​താ​ക്ക​ള്‍ ഏ​റെ​യും അ​ജ്ഞാ​ത​മാ​ണ്. ത്രി-​റി​ഥ​മി​ക് ഗാ​ന​മാ​യ ഇ​തി​ന് എ​ല്ലാ ഗ​ൾ​ഫ് രാ​ജ്യ​ങ്ങ​ളി​ലും വ്യ​ത്യ​സ്ത പ​തി​പ്പു​ക​ളു​ണ്ട്.

ക​ല്യാ​ണം, ഗോ​ത്ര, ദേ​ശീ​യ ഉ​ത്സ​വ​ങ്ങ​ൾ, പ്ര​ത്യേ​കി​ച്ച് ഒ​ട്ട​ക മ​ൽ​സ​ര​ങ്ങ​ൾ എ​ന്നി​വ​യി​ൽ ക​വി​ത​ക​ൾ ചൊ​ല്ലു​ന്നു, കൂ​ട്ടാ​യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​മ്പോ​ൾ സ്ത്രീ​ക​ൾ ക​വി​ത​ക​ള്‍ ര​ചി​ക്കു​ക​യും​ചൊ​ല്ലു​ക​ക​യും ചെ​യ്യു​ന്നു വാ​ക്യ​ങ്ങ​ളു​ടെ വാ​ക്കാ​ലു​ള്ള കൈ​മാ​റ്റ​ത്തി​നി​ട​യി​ലു​ള്ള സാ​മൂ​ഹി​ക ബ​ന്ധ​മാ​ണ് ഏ​റ്റ​വും പ്ര​ധാ​ന​പ്പെ​ട്ട വ​ശം. പ്രി​യ​പ്പെ​ട്ട​വ​ർ, ബ​ന്ധു​ക്ക​ൾ, സു​ഹൃ​ത്തു​ക്ക​ൾ അ​ല്ലെ​ങ്കി​ൽ ഗോ​ത്ര​ത്ത​ല​വ​ന്മാ​ർ​ക്ക് സ​ന്ദേ​ശ​ങ്ങ​ൾ അ​യ​യ്ക്കു​ന്ന​ത് തീ​മു​ക​ളി​ൽ ഉ​ൾ​പ്പെ​ടു​ന്നു. സാ​മൂ​ഹി​ക വി​ഷ​യ​ങ്ങ​ളി​ൽ ക​വി​ക്ക് അ​ഭി​പ്രാ​യം രേ​ഖ​പ്പെ​ടു​ത്താ​നു​ള്ള ഒ​രു മാ​ധ്യ​മം കൂ​ടി​യാ​ണി​ത്. വ്യ​ക്തി​ക​ൾ അ​ല്ലെ​ങ്കി​ൽ ഗോ​ത്ര​ങ്ങ​ൾ ത​മ്മി​ലു​ള്ള ത​ർ​ക്ക​ങ്ങ​ൾ പ​രി​ഹ​രി​ക്കു​ക, ച​രി​ത്ര​പ​ര​മാ​യ നേ​ട്ട​ങ്ങ​ൾ ഉ​യ​ർ​ത്തി​ക്കാ​ട്ടു​ക, ആ​രോ​ഗ്യ പ്ര​ശ്ന​ങ്ങ​ൾ എ​ന്നി​വ പോ​ലു​ള്ള സ​മ​കാ​ലി​ക തീ​മു​ക​ൾ എ​ന്നി​വ​യാ​ണ് മ​റ്റ് വി​ഷ​യ​ങ്ങ​ൾ. പു​തു​ത​ല​മു​റ​ക്ക് മു​ൻ​കാ​ല ച​രി​ത്ര​ത്തെ​ക്കു​റി​ച്ച് അ​റി​യാ​നും അ​വ​രു​ടെ പ​ര​മ്പ​രാ​ഗ​ത ജീ​വി​ത രീ​തി​യെ​ക്കു​റി​ച്ച് അ​റി​യാ​നും അ​വ​സ​ര​മൊ​രു​ക്കു​ന്നു. ക​വി​ത​ക​ൾ ര​ചി​ക്കാ​നും ചൊ​ല്ലാ​നു​മു​ള്ള ക​ഴി​വ് കു​ടും​ബ​ത്തി​ലൂ​ടെ​യും ഗോ​ത്ര മൂ​പ്പ​ന്മാ​രി​ലൂ​ടെ​യും കൈ​മാ​റ്റം ചെ​യ്യ​പ്പെ​ടു​ന്നു. പ​ര​മ്പ​രാ​ഗ​ത നൃ​ത്ത​മാ​യ അ​യാ​ല​യി​ലും ഈ ​ക​വി​ത​ക​ള്‍ ഉ​പ​യോ​ഗി​ക്കാ​റു​ണ്ട്.