ദു​ബൈ-​അ​ബൂ​ദ​ബി യാ​ത്ര​ക്ക് പ​റ​ക്കും തോ​ണി വ​രു​മോ?

അമേരിക്കയിലെ ബോസ്​റ്റൺ ആസ്​ഥാനമായ റീജൻറ്​ എന്ന സ്​റ്റാർട്ടപ്പ്​ സ്​റ്റൈലിലും വേഗതയിലും ലോ​കത്തെ അമ്പരപ്പിക്കുന്ന 'പറക്കും തോണി'യുടെ നിർമാണത്തിലാണ്​. പുതിയ വാഹനം നിരത്തിലിറക്കാൻ ഈ ജലവിമാന കമ്പനി കണ്ണുവെച്ചിരിക്കുന്നത്​ തീരദേശപാതകൾ നഗരങ്ങളെ ബന്ധിപ്പിക്കുന്ന ദുബൈ-അബൂദബി, ന്യൂയോർക്​-വാഷിങ്​ടൺ, ബ്രിട്ടൻ-പാരിസ്​ പോലുള്ള സ്​ഥലങ്ങളെയാണ്​.

വൈദ്യുതോർജത്തിൽ പ്രവർത്തിക്കുന്ന, മണിക്കൂറിൽ 180 കി. മീറ്റർ വേഗതയിൽ സഞ്ചരിക്കുന്ന, എല്ലാ അത്യന്താധുനിക സജ്ജീകരണങ്ങളോടെയുമുള്ള ഈ വിമാനം വലിയ വിപ്ലമാവമാകും മെട്രോ നഗരങ്ങളുടെ ഗതാഗത രംഗത്ത്​ സൃഷ്​ടിക്കുകയെന്ന്​ കമ്പനി അവകാശപ്പെടുന്നു. ഒരേസമയം 50യാത്രക്കാർക്ക്​ വരെ ഈ വിമാനത്തിൽ യാത്ര ചെയ്യാനാവും. 2025ൽ യാത്രക്കാർക്കായി സേവനം തുടങ്ങുമെന്നാണ്​ അറിയിച്ചിട്ടുള്ളത്​.

ബില്ലി തൽഹമീറും മൈക്​ ക്ലിങ്കറും ചേർന്നാണ് റീജൻറ്​ എന്ന കമ്പനി ആരംഭിച്ചത്. ലോകപ്രശസ്​ത സാ​ങ്കേതിക വിദ്യഭ്യാസ സ്​ഥാപനമായ മെസാച്ചുസെറ്റ്​സ്​ ഇൻസ്​സിറ്റിറ്റ്യൂട്ട്​ ഓഫ്​ ടെക്​നോളജിയിൽ നിന്ന്​ പഠനം പൂർത്തീകരിച്ചതാണിവർ. ​തീരദേശ നഗരങ്ങൾ തമ്മിലുള്ള ഗതാഗതച്ചിലവും പ്രയാസങ്ങളും കുറച്ചെടുക്കുക എന്നതാണ് ഞങ്ങളുടെ ദൗത്യമെന്ന്​ ഇരുവരും പറയുന്നു.

ജലവിമാനം എന്നു വിളിക്കാവുന്ന ഒരു വിങ്​-ഇൻ-ഗ്രൗണ്ട്-ഇഫക്റ്റ് ക്രാഫ്റ്റാണ് നിർമിക്കുന്നത്​. ജലോപരിതലത്തിൽ നിന്ന് ഏതാനും മീറ്റർ മുകളിലൂടെ മാത്രമാണിത്​ പറക്കുക. ഒരു ബോട്ടി​നേക്കാൾ കുറഞ്ഞ പ്രവർത്തനച്ചെലവും ഒരു വിമാനത്തി​െൻറ വേഗതയും സമന്വയിപ്പിക്കുന്നതാണ്​ ഇതിനെ കുറിച്ച കാഴ്​ചപ്പാട്​ -ഇരുവരും വിശദീകരിക്കുന്നു. ആദ്യഘട്ടത്തിൽ ബോസ്​റ്റണിനും ന്യൂയോർകിനും ഇടയിൽ പ്രവർത്തിപ്പിക്കാനാണ്​ പദ്ധതിയിട്ടിരിക്കുന്നത്​. പിന്നാലെ ദുബൈ-അബൂദബി അടക്കമുള്ള നഗരങ്ങളിലേക്കും വ്യാപിപ്പിക്കും.

സാധാരണ ചെറുവിമാനങ്ങളുടെ പകുതി നിർമാണച്ചിലവാണ്​ പ്രതീക്ഷിക്കുന്നത്​. സധാരണ ബോട്ടുകളുടെ ശബ്​ദ ബഹളം ഇതിനുണ്ടാവില്ല. പുതിയ രൂപത്തിലുള്ള വാഹനമായതിനാൽ ജലവിമാനം എന്നിതിനെ വിളിക്കാൻ കമ്പനി ഉദ്ദേശിക്കുന്നില്ല. എന്നാൽ ഇതിന്​ പ്രത്യേകം നാമകരണം നടത്തിയിട്ടുമില്ല. ഈ വർഷം ആദ്യഘട്ടത്തിൽ കമ്പനിക്ക്​ 465മില്യൺ ഡോളറി​െൻറ ഓഡറുകൾ ഇതിനായി കിട്ടിക്കഴിഞ്ഞിട്ടുണ്ട്​. ഈ വർഷം അവസാനത്തോടെ ഇതി​െൻറ ആദ്യരൂപം പറത്താൻ കഴിയുമെന്നാണ്​ അവകാശപ്പെടുന്നത്​. സമുദ്ര ഗതാഗതത്തി​െൻറ കാര്യക്ഷമത ഇത്​ യാഥാർഥ്യമാകുന്നതോടെ നൂറ്​ മടങ്ങ്​ വർധിക്കുമെന്നും റീജൻറ്​ പറയുന്നു.

പദ്ധതി യാഥാർഥ്യമായാൽ സമീപ ഭാവിയിൽ ദുബൈ-അബൂദബി യാത്രക്ക്​ പറക്കും തോണി വന്നെത്തും. യാത്രാ സൗകര്യം വർധിക്കുമെന്ന്​ മാത്രമല്ല, റോഡ്​ ഗതാഗതത്തി​െൻറ കുരുക്കുകളിൽ നിന്ന്​ രക്ഷപ്പെടാനും ഇത്​ വഴിയൊരുക്കും. വിനോദ സഞ്ചാര മേഖലക്കും ഇത്​ കരുത്തായി തീരും.