ഡോ​ക്ട​റേ​റ്റ്​ വി​ൽ​പ​ന​ക്ക്​; വ​ല​യൊ​രു​ക്കു​ന്ന​തും വീ​ഴു​ന്ന​തും മ​ല​യാ​ളി​ക​ൾ

ദു​ബൈ: വി​ദേ​ശ സ​ർ​വ​ക​ലാ​ശാ​ല​ക​ളു​ടെ​യും വ്യാ​ജ സ​ർ​വ​ക​ലാ​ശാ​ല​ക​ളു​ടെ​യും പേ​രി​ൽ ഡോ​ക്ട​റേ​റ്റ്​ ത​ട്ടി​പ്പ്​ വ്യാ​പ​കം. ഡോ​ക്ട​റേ​റ്റി​ന്​ ഒ​രു അ​ർ​ഹ​ത​യു​മി​ല്ലാ​ത്ത​വ​രാ​ണ്​ പ​ണം ന​ൽ​കി ഏ​തെ​ങ്കി​ലും സ​ർ​വ​ക​ലാ​ശാ​ല​യു​ടെ ഡോ​ക്ട​റേ​റ്റ്​ വാ​ങ്ങു​ന്ന​ത്. ഡോ​ക്ട​റേ​റ്റ്​ ന​ൽ​കു​ന്ന​തി​നും വാ​ങ്ങു​ന്ന​തി​നും പി​ന്നി​ൽ മ​ല​യാ​ളി​ക​ളു​മു​ണ്ട്.

ഇ​ന്ത്യ ഉ​ൾ​പ്പെ​ടെ വി​വി​ധ രാ​ജ്യ​ങ്ങ​ളി​ൽ ശൃം​ഖ​ല​യു​ള്ള ത​ട്ടി​പ്പ്​ സം​ഘ​ത്തി​ന്‍റെ ഭാ​ഗ​മാ​യ​വ​ർ യു.​എ.​ഇ​യി​ലും പ്ര​വ​ർ​ത്തി​ക്കു​ന്നു. ഡോ​ക്ട​റേ​റ്റ്​ ന​ൽ​കാ​ൻ മാ​ത്ര​മ​ല്ല, പ​ഞ്ച​ന​ക്ഷ​ത്ര ഹോ​ട്ട​ലു​ക​ളി​ൽ ഡോ​ക്ട​റേ​റ്റ്​ വി​ത​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കാ​നും ഇ​വ​ർ മു​ൻ​പ​ന്തി​യി​ലു​ണ്ട്.

വി​ദേ​ശ​ങ്ങ​ളി​ലെ ഡീം​ഡ്​ യൂ​നി​വേ​ഴ്സി​റ്റി​യു​ടെ​യും വ്യാ​ജ വി​ദേ​ശ യൂ​നി​വേ​ഴ്​​സി​റ്റി​ക​ളു​ടെ​യും പേ​രി​ലാ​ണ്​ ത​ട്ടി​പ്പ്. സ​മൂ​ഹ​ത്തി​ലെ ഉ​ന്ന​ത​രാ​യ ആ​ളു​ക​ളും ബി​സി​ന​സു​കാ​രും ഇ​ത്ത​ര​ത്തി​ൽ ഡോ​ക്ട​റേ​റ്റ് ലോ​ബി​യു​ടെ കെ​ണി​യി​ൽ​പെ​ടു​ന്നു​ണ്ട്.

സാ​മ്പ​ത്തി​ക സ്ഥി​തി ഉ​ണ്ടാ​യി​ട്ടും സ​മൂ​ഹ​ത്തി​ൽ ശ്ര​ദ്ധി​ക്ക​പ്പെ​ടാ​തെ പോ​കു​ന്ന​വ​രാ​ണ്​ ഡോ​ക്ട​റേ​റ്റ്​ പ​ണം​കൊ​ടു​ത്ത്​ വാ​ങ്ങു​ന്ന​വ​രി​ൽ കൂ​ടു​ത​ലും. അ​ടി​സ്ഥാ​ന വി​ദ്യാ​ഭ്യാ​സ യോ​ഗ്യ​ത പോ​ലു​മി​ല്ലാ​ത്ത​വ​രും ഡോ​ക്ട​റേ​റ്റ് ല​ഭി​ച്ച​വ​രി​ൽ ഉ​ണ്ട്. ഗ്ലോ​ബ​ൽ ഡി​ജി​റ്റ​ൽ സാ​മൂ​ഹി​ക സേ​വ​ന ഡോ​ക്ട​റേ​റ്റ്, ഡി​ജി​റ്റ​ൽ ജീ​വ​കാ​രു​ണ്യ ഡോ​ക്ട​റേ​റ്റ്, സം​ഘാ​ട​ന മി​ക​വി​നു​ള്ള ഡോ​ക്ട​റേ​റ്റ് തു​ട​ങ്ങി പ​ല​രീ​തി​യി​ലാ​ണ് പ​ണം മാ​ത്രം മാ​ന​ദ​ണ്ഡ​മാ​യു​ള്ള ഈ ​ഡോ​ക്ട​റേ​റ്റു​ക​ൾ ന​ൽ​കു​ന്ന​ത്. അ​ടി​സ്ഥാ​ന വി​ദ്യാ​ഭ്യാ​സം പോ​ലു​മി​ല്ലാ​തെ ഗ​ൾ​ഫി​ലെ​ത്തി സാ​മ്പ​ത്തി​ക സ്ഥി​തി നേ​ടി​യ​പ്പോ​ൾ കാ​ശു​കൊ​ടു​ത്ത് ഡോ​ക്ട​റേ​റ്റ് നേ​ടി​യ​വ​ർ നി​ര​വ​ധി​യാ​ണ്.

കോ​വി​ഡ് കാ​ല​ത്ത് പ്ര​വ​ർ​ത്ത​നം ന​ട​ത്തി​യെ​ന്ന് അ​വ​കാ​ശ​പ്പെ​ട്ടും ഡോ​ക്ട​റേ​റ്റ്​ നേ​ടി​യ​വ​രു​ണ്ട്. പ​ഞ്ച​ന​ക്ഷ​ത്ര ഹോ​ട്ട​ലു​ക​ളി​ൽ ഡോ​ക്ട​റേ​റ്റ്​ വി​ത​ര​ണ ച​ട​ങ്ങു​ക​ളും സം​ഘ​ടി​പ്പി​ക്കാ​റു​ണ്ട്. വി​വി​ധ യൂ​നി​വേ​ഴ്​​സി​റ്റി​ക​ളു​ടെ മേ​ധാ​വി​ക​ൾ എ​ന്ന രീ​തി​യി​ൽ ഇ​വി​ടെ അ​വ​ത​രി​പ്പി​ക്കു​ന്ന​ത്​ വ്യാ​ജ​ന്മാ​രെ​യാ​ണെ​ന്നും ആ​രോ​പ​ണ​മു​ണ്ട്.

5000 ഡോ​ള​ർ മു​ത​ൽ 25,000 ദി​ർ​ഹം വ​രെ​യാ​ണ്​ ഡോ​ക്ട​റേ​റ്റി​ന് ചോ​ദി​ക്കു​ന്ന വി​ല. കൂ​ടു​ത​ൽ പേ​ർ ഉ​ണ്ടെ​ങ്കി​ൽ ഇ​ള​വു ല​ഭി​ക്കും. തി​യ​റി​യോ പ​ഠ​ന​മോ ഇ​ല്ലാ​തെ ഡോ​ക്ട​റേ​റ്റ് ക​ച്ച​വ​ടം ന​ട​ത്തു​ന്ന​വ​ർ​ക്കെ​തി​രെ അ​ന്വേ​ഷ​ണ​മാ​വ​ശ്യ​പ്പെ​ട്ട് ഇ​ന്ത്യാ ഗ​വ​ൺ​മെ​ന്‍റി​നും യു.​എ.​ഇ, സൗ​ദി, ഖ​ത്ത​ർ തു​ട​ങ്ങി​യ രാ​ജ്യ​ങ്ങ​ളി​ലെ വി​ദ്യാ​ഭ്യാ​സ വ​കു​പ്പി​നും സാമൂഹിക പ്രവർത്തകർ പ​രാ​തി ന​ൽ​കി​യി​ട്ടു​ണ്ട്. കൃ​ത്യ​മാ​യി പ​ഠി​ച്ച് പ​രീ​ക്ഷ​യെ​ഴു​തി യൂ​നി​വേ​ഴ്സി​റ്റി​ക​ളി​ൽ​നി​ന്നും ബി​രു​ദ​ങ്ങ​ൾ സ​മ്പാ​ദി​ക്കു​ന്ന​വ​രെ നോ​ക്കു​കു​ത്തി​യാ​ക്കി​യാ​ണ്​ ത​ട്ടി​പ്പ്.