ഡോക്യുമെൻററി പ്രകാശനം ചെയ്തു

അൽഐൻ: ഖുർആനിനേയും മുഹമ്മദ്‌ നബിയെയും അനുധാവനം ചെയ്യുന്ന യഥാർഥ വിശ്വാസിക്ക്‌ ഭീകരവാദിയോ തീവ്രവാദിയോ ആകാൻ സാധ്യമല്ലെന്നുംകാരുണ്യത്തി​​െൻറ മതമായ ഇസ്​ലാമിന്​ നേരെയുള്ള തീവ്രവാദ ആരോപണങ്ങൾക്ക്‌ പിന്നിൽ സാമ്രാജ്യത്വ-മുതലാളിത്ത ശക്തികളുടെ കച്ചവടക്കണ്ണ്​ മാത്രമാണെന്നും ഇന്ത്യൻ സോഷ്യൽ സ​െൻറർ ജനറൽ സെക്രട്ടറി ജിതേഷ്‌ പുരുഷോത്തമൻ അഭിപ്രായപ്പെട്ടു.

വിസ്ഡം ഗ്ലോബൽ ഇസ്​ലാമിക്​ മിഷൻ പുറത്തിറക്കിയ ‘ഭീകരവാദം മുഖംമൂടി അഴിക്കുന്നു’ ഡോക്യുമ​െൻററിയുടെ പ്രകാശനം അൽഐനിൽ നിർവഹിച്ച്‌ സംസാരിക്കുകയായിരുന്നു അദ്ദേഹം. മലയാള സമാജം ജനറൽ സെക്രട്ടറി ശിവദാസൻ, സലാഹുദ്ദീൻ കാശിഫി, അബ്​ദുൽ ജബ്ബാർ, ശമീർ അഹ്മദ്‌, അബ്​ദുസ്സമദ്‌ എന്നിവർ സംസാരിച്ചു.