അറിയണം ഇൗ പട്ടിക്കുട്ടികൾ നൽകുന്ന സേവനം

ദുബൈ: സംശയാസ്​പദമായ നിലയിൽ  ബാഗുകളും പെട്ടികളും കാണു​േമ്പാൾ നമുക്കൊരു ഭയം ​േതാന്നാറില്ലേ. ആ ഭയവും ആശങ്കകളും ഇല്ലാതാക്കാൻ പൊലീസ്​ സംഘം നടത്തുന്ന പ്രയത്​നങ്ങളെക്കുറിച്ച്​ ആലോചിച്ചിട്ടുണ്ടോ. പൊലീസ്​ ഉ​േദ്യാഗസ്​ഥർക്കൊപ്പം   പരിശീലനം ലഭിച്ച മിടുക്കൻ നായ്​ കുട്ടികൾ കൂടി​ ചേർന്നാണ്​ ഇത്തരം സന്ദർഭങ്ങളിൽ നമ്മുടെ ജീവൻ സുരക്ഷിതമാക്കാൻ പ്രയത്​നിക്കുന്നത്​.

സംശയാസ്​പദ സാഹചര്യത്തിൽ പെട്ടികൾ കണ്ടുവെന്നും ബോംബാണെന്ന്​ തോന്നുന്നുവെന്നും പരിഭ്രാന്തി പൂണ്ട 74 വിളികളാണ്​ കഴിഞ്ഞ വർഷം മാത്രം അജ്​മാൻ പൊലീസിനെ തേടിയെത്തിയത്​.  അവിടെയെല്ലാം പൊലീസ്​ സംഘം പാഞ്ഞെത്തി. നായ്​ക്കളുടെ സഹായത്തോടെ സംശയാസ്​പദ വസ്​തു പരിശോധിച്ച്​ ജനങ്ങളെ സുരക്ഷിതരാക്കി. വിളികൾക്ക്​ പുറമെ കൂടുതൽ ആളുകൾ പ​െങ്കടുക്കുന്ന പരിപാടികളിലും ഇവയുടെ സേവനം ഉപയോഗപ്പെടുത്തുന്നു. കഴിഞ്ഞ വർഷം 212 സ്​ഥലങ്ങളിലാണ്​ അജ്​മാൻ പൊലീസി​​െൻറ ശ്വാന സംഘത്തി​​െൻറ സേവനം ലഭ്യമാക്കിയത്​. 

ഉയർന്ന സുരക്ഷ സമൂഹത്തിന്​ ലഭ്യമാക്കുന്നതിൽ പൊലീസ്​ നായ്​ക്കൾ മികച്ച പങ്കാണ്​ വഹിക്കുന്നതെന്ന്​ K9 സുരക്ഷാ പരിശോധനാ യൂനിറ്റ്​ ഡയറക്​ടർ ലഫ്​.കേണൽ സൈഫ്​ ഉബൈദ്​ അൽ ശംസി പറഞ്ഞു. 10 പരിശീലകരാണ്​ ഇവക്കുള്ളത്​. മയക്കു മരുന്ന്​ കടത്ത്​ ഉൾപ്പെടെ കുറ്റകൃത്യങ്ങൾ കണ്ടെത്തുന്നതിനും തടയുന്നതിനും ഇവയുടെ സേവനം വളരെ വലുതാണ്​.  

ജർമനി, ഹംഗറി, ​ബ്രിട്ടൻ എന്നിവിടങ്ങളിൽ നിന്നെത്തിച്ച മികച്ച ഇനം നായ്​ക്കളെയാണ്​ ഇവിടെ ഉപയോഗപ്പെടുത്തുന്നത്​. ബുദ്ധി സാമർഥ്യത്തിനും ഘ്രാണശക്​തിക്കും പേരുകേട്ട ജർമൻ ഷെപ്പേഡ്​ ഇനമാണ്​ ലോകമെമ്പാടും കൂടുതലായി പൊലീസ്​ സേനകളിലെ ശ്വാനസംഘത്തിലുള്ളത്​. യു.എ.ഇയിലും സ്​ഥിതി മറിച്ചല്ല. അവക്കൊപ്പം ലാബ്രഡോർ, മാലിനോയിസ്​ എന്നീ ഇനങ്ങളിലെ നായ്​കളെയും ഉപയോഗിക്കുന്നു.