വ്യക്തി ജീവിതവും രാഷ്ട്രീയ ജീവിതവും സുതാര്യം

അ​ന്ത​രി​ച്ച മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യെ കു​റി​ച്ച് ഹൃ​ദ​യ​സ്പ​ർ​ശി​യാ​യ കു​റി​പ്പ്​ പ​ങ്കു​വെ​ച്ച്​​ ആ​സ്റ്റ​ർ ഡി.​എം. ഹെ​ൽ​ത്ത്​ കെ​യ​ർ സ്ഥാ​പ​ക​നും എം.​ഡി​യു​മാ​യ ഡോ. ​ആ​സാ​ദ്​ മൂ​പ്പ​ൻ. മു​ഖ്യ​മ​ന്ത്രി​യാ​യി​രി​ക്കെ പി​റ​വം മ​ണ്ഡ​ല​ത്തി​ൽ അ​പ്ര​തീ​ക്ഷി​ത​മാ​യി ഉ​ണ്ടാ​യ ഉ​പ​തെ​ര​ഞ്ഞെ​ടു​പ്പ്​ നേ​രി​ടാ​നാ​യി വാ​ങ്ങി​യ ​സം​ഭാ​വ​ന ഉ​മ്മ​ൻ ചാ​ണ്ടി തി​രി​ച്ചു ന​ൽ​കി​യ സം​ഭ​വം ഓ​ർ​മി​ച്ചു​കൊ​ണ്ടാ​ണ്​​ മൂ​പ്പ​ന്‍റെ കു​റി​പ്പ്​ ആ​രം​ഭി​ക്കു​ന്ന​ത്. പ​ല രാ​ഷ്ട്രീ​യ പാ​ർ​ട്ടി​ക​ളി​ൽ പ്ര​വ​ർ​ത്തി​ക്കു​ന്ന​വ​ർ​ക്കും ഇ​തി​നു മു​മ്പ് സം​ഭാ​വ​ന ന​ൽ​കി​യി​ട്ടു​ണ്ടെ​ങ്കി​ലും ഇ​തു​പോ​ലെ ഒ​രു അ​നു​ഭ​വം ആ​ദ്യ​മാ​യി​ട്ടാ​യി​രു​ന്നു​വെ​ന്ന്​ ആ​സാ​ദ്​ മൂ​പ്പ​ൻ ഓ​ർ​ക്കു​ന്നു.

ബ​ധി​ര​രാ​യ കു​ട്ടി​ക​ൾ​ക്ക് മിം​സി​ൽ​ കോ​ക്ലി​യ​ർ ഇം​പ്ലാ​ന്‍റ്​ ചി​കി​ത്സ ആ​രം​ഭി​ച്ച സ​മ​യം. ഏ​റെ പ​ണ​ച്ചെ​ല​വു​ള്ള ചി​കി​ത്സ​യാ​യി​രു​ന്നു അ​ത്​. പാ​വ​പ്പെ​ട്ട രോ​ഗി​ക​ൾ​ക്ക്​ താ​ങ്ങാ​വു​ന്ന​തി​ന​പ്പു​റം. പ​ക്ഷേ, ഉ​മ്മ​ൻ ചാ​ണ്ടി​യു​ടെ ഇ​ട​പെ​ട​ലി​ൽ പാ​വ​പ്പെ​ട്ട നി​ര​വ​ധി ​പേ​ർ​ക്ക്​ സൗ​ജ​ന്യ ചി​കി​ത്സ ല​ഭി​ച്ചു. സ​ർ​ക്കാ​ർ സം​വി​ധാ​ന​ങ്ങ​ൾ​ക്ക​പ്പു​റ​ത്തു​ള്ള ഒ​രു മ​നു​ഷ്യ​ൻ എ​ന്ന നി​ല​യി​ലു​ള്ള ഇ​ട​പെ​ട​ലു​ക​ളാ​യി​രു​ന്നു അ​തെ​ന്നും ആ​സാ​ദ്​ മൂ​പ്പ​ൻ പ​റ​ഞ്ഞു.

‘2015ൽ ​മ​ക​ൾ അ​ച്ചു ഉ​മ്മ​നെ കാ​ണാ​നാ​യി ഉ​മ്മ​ൻ​ചാ​ണ്ടി​യും കു​ടും​ബ​വും ദു​ബൈ​യി​ലെ​ത്തി​യ സ​മ​യം. മ​ക​ളു​ടെ അ​ടു​ത്ത സു​ഹൃ​ത്ത്​ എ​ന്ന നി​ല​യി​ൽ അ​ച്ചു ഉ​മ്മ​ന്‍റെ മ​ക​ളു​​ടെ പി​റ​ന്നാ​ൾ ആ​ഘോ​ഷ​ത്തി​ൽ ഞാ​നും പ​​ങ്കെ​ടു​ത്തി​രു​ന്നു. പി​റ​ന്നാ​ളു​കാ​രി​ക്ക്​ ഒ​രു വി​ല​യേ​റി​യ സ​മ്മാ​ന​വും ന​ൽ​കി​യാ​ണ്​ മ​ട​ങ്ങി​യ​ത്. പ​ക്ഷെ, പി​റ്റേ​ന്ന്​ രാ​വി​ലെ അ​ച്ചു ഉ​മ്മ​ന്‍റെ ഫോ​ൺ​വി​ളി കേ​ട്ടാ​ണ്​ ഉ​ണ​ർ​ന്ന​ത്. കാ​ര്യം അ​ന്വേ​ഷി​ച്ച​പ്പോ​ൾ വി​തു​മ്പ​ലോ​ടെ അ​ച്ചു ഉ​മ്മ​ന്‍റെ മ​റു​പ​ടി ത​ന്നെ വ​ല്ലാ​തെ അ​ത്ഭു​ത​പ്പെ​ടു​ത്തി.

പി​റ​ന്നാ​ളി​ന്​ ന​ൽ​കി​യ സ​മ്മാ​നം ദ​യ​വ്​ ചെ​യ്ത്​ തി​രി​കെ എ​ടു​ക്ക​ണ​മെ​ന്നും ആ​രി​ൽ നി​ന്നും ഒ​രു സൗ​ജ​ന്യ​വും സ്വീ​ക​രി​ക്ക​രു​തെ​ന്നാ​ണ്​ പി​താ​വ്​ പ​ഠി​പ്പി​ച്ചി​ട്ടു​ള്ള​തെ​ന്നു​മാ​യി​രു​ന്നു അ​ച്ചു ഉ​മ്മ​ന്‍റെ മ​റു​പ​ടി. ഇ​ങ്ങ​നെ ചി​ന്തി​ക്കു​ന്ന ഒ​രു മ​നു​ഷ്യ​നെ​തി​രെ പി​ന്നീ​ട്​ അ​ഴി​മ​തി ആ​രോ​പ​ണം ഉ​യ​ർ​ന്ന​ത്​ ഏ​റെ ഖേ​ദ​ക​ര​മാ​യി​രു​ന്നു. ത​ന്നെ പോ​ലെ ഒ​രാ​ൾ​ക്ക്​ അ​ത്​ വി​ശ്വ​സി​ക്കാ​നാ​യി​രു​ന്നി​ല്ല. പി​ന്നീ​ട്​ ഇ​ക്കാ​ര്യം കോ​ട​തി​ക്കും ജ​ന​സ​മൂ​ഹ​ത്തി​നും ബോ​ധ്യ​മാ​യി’.- ആ​സാ​ദ്​ മൂ​പ്പ​ൻ പ​റ​ഞ്ഞു. ജ​ന​ങ്ങ​ൾ​ക്ക്​ വേ​ണ്ടി മാ​ത്രം ജീ​വി​ച്ച അ​പൂ​ർ​വം ചി​ല നേ​താ​ക്ക​ളി​ൽ ഒ​രാ​ളെ​യാ​ണ്​ ന​മു​ക്ക്​ ന​ഷ്​​ട​പ്പെ​ട്ടി​രി​ക്കു​ന്ന​ത്. അ​ദ്ദേ​ഹ​ത്തി​ന്​ നി​ത്യ​ശാ​ന്തി ല​ഭി​ക്ക​ട്ടെ എ​ന്ന്​ പ്രാ​ർ​ഥി​ക്കു​ന്നു​വെ​ന്ന്​ പ​റ​ഞ്ഞാ​ണ്​ മൂ​പ്പ​ൻ കു​റി​പ്പ്​ അ​വ​സാ​നി​പ്പി​ക്കു​ന്ന​ത്.