ഡോ. ​എ​ഞ്ചി. സു​ആ​ദ്​ അ​ൽ ശം​സി​ ഇ​മാ​റാ​ത്തി​ന്‍റെ മി​ടു​മി​ടു​ക്കി

'നിനക്ക്​ സ്വപ്​നം കാണാമെങ്കിൽ, അത്​ എത്തിപ്പിടിക്കാനും കഴിയും. വലിയ കിനാവുകൾ കണ്ട്​ ആകാശത്തോളം വളരുക. നീയാരാണെന്ന്​ ലോകത്തെ കാണിക്കുക' ഉന്നത പഠനത്തിന്​ ബ്രിട്ടനിലേക്ക്​ പോകു​േമ്പാൾ സുആദ്​ അൽ ശംസി​ക്ക്​ ഉമ്മ നൽകിയ ആശംസ ഇങ്ങനെയായിരുന്നു. കേവലമൊരു ആശംസമാത്രമായിരുന്നില്ല അത്​, ഒന്നാം വയസ്സിൽ പിതാവ്​ നഷ്​ടപ്പെട്ട പുത്രിയുടെ വളർച്ചയെ അത്രമേൽ ആഗ്രഹിച്ച മാതാവി​െൻറ ഹൃദയരക്​തത്തിൽ ചാലിച്ച പ്രാർത്ഥനകൂടിയായിരുന്നു. മാതാവി​െൻറ പിന്തുണ ഏറ്റവും വലിയ പ്രചോദന കേന്ദ്രമായി സ്വീകരിച്ചാണ്​ യു.എ.ഇയിലെ ആദ്യത്തെ എയർക്രാഫ്​റ്റ്​ എഞ്ചിനീയറായി ഇമാറാത്തി​െൻറ ഈ മിടുമിടുക്കി വളർന്നത്​.

സ്വപ്​നങ്ങൾ നെയ്​ത കാലം

സമപ്രായക്കാർ ചുറ്റുവട്ടത്തെ കാഴ്​ചകളിലേക്ക്​ കണ്ണുകൾ പായിച്ച കാലത്തും, കുട്ടിയായ സുആദി​െൻറ കണ്ണുകൾ ആകാശത്തായിരുന്നു. നീലാകാശവും മേഘഭംഗിയും കീറിമുറിച്ച്​ പറക്കുന്ന വിമാനങ്ങളെ നോക്കി അവർ സ്വപ്​നങ്ങൾ നെയ്​തു. വിമാനങ്ങളോട്​ അസൂയപ്പെട്ട, അഡിക്​റ്റഡ്​ ആയ കുട്ടിക്കാലത്ത്​ മണിക്കൂറുകൾ 'യന്ത്രപ്പറവ'കൾ വരുന്നത്​ കാത്ത്​ മട്ടുപ്പാവിൽ ഇരിക്കാറുണ്ടായിരുന്നു. പിന്നീട്​ ആദ്യമായി വിമാനത്തിൽ കയറിയപ്പോൾ അവൾക്ക്​ ഇരിക്കപ്പൊറുതിയുണ്ടായില്ല.

ആകാശവാഹനത്തി​െൻറ ഓരോ ഭാഗങ്ങളും തൊട്ടുംതലോടിയും നോക്കി, ജനലിനപ്പുറത്തെ കാഴ്​ചകൾ കൗതുകത്തോടെ കണ്ടിര​ുന്ന്​, ആയിരം ചോദ്യങ്ങളുമായി കാബിൻ ക്രൂവിനെ ബുദ്ധിമുട്ടിച്ച്​, അവസാനം പൈലറ്റിനെ കാണാനും തിക്കിക്കയറിയവൾ. കൂടെയുണ്ടായിരുന്ന ഉമ്മക്ക്​ അന്ന്​ പലതവണ കാബിൻ ക്രൂവിനോട്​ ക്ഷമ ചോദിക്കേണ്ടി വന്നു. ഒരുപക്ഷേ അന്നുതന്നെ മകളുടെ കിനാവി​െൻറ ഗതി അവർ തിരിച്ചറിഞ്ഞിരിക്കണം.

പിന്നീട്​ ഏവിയേഷൻ എഞ്ചിനീയറിങ്​ പഠിക്കാൻ തീരുമാനിച്ച​ുറച്ചപ്പോൾ എല്ലാവരും പിന്തുണച്ചില്ലെന്ന്​ സുആദ്​ പറയുന്നു. പല കോളേജുകളും പെണ്ണായതിനാൽ അപേക്ഷ നിരസിച്ചു. ആണുങ്ങൾക്ക്​ പറ്റിയ പണിയാണിതെന്നതായിരുന്നു അവരുടെ ന്യായം. തോറ്റുകൊടുക്കാൻ മനസ്സില്ലായിരുന്നു. തീരുമാനത്തിലുറച്ച്​ പോരാടി അവർ സ്വപ്​നങ്ങളെ തേടി. പെണ്ണിന്​ എന്തൊക്കെയാകാമെന്നും എന്തൊക്കെ ചെയ്യാമെന്നും കാണിച്ചുകൊടുക്കാൻ പ്രതിജ്ഞചെയ്​ത കാലമായിരുന്നു അത്​. യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമിനെ അക്കാര്യത്തിൽ നന്ദിയോടെ അവർ സ്​മരിക്കുന്നു.

ഏറോനോട്ടിക്കൽ എഞ്ചിനീയറിങ്​ പഠിക്കാൻ ആഗ്രഹിക്കു​ന്നുവെന്നും എന്നാൽ പുരുഷൻമാർക്ക്​ യോജിച്ച മേഖലയാണെന്ന ന്യായത്തിൽ പിന്തുണ ലഭിക്കുന്നില്ലെന്നും ശൈഖ്​ മുഹമ്മദിനെ അറിയിച്ചപ്പോൾ 'യു.എ.ഇയിൽ അസാധ്യമായതായി ഒന്നുമില്ല' എന്ന മറുപടിയാണ്​ കിട്ടിയത്​. അതൊരു വലിയ ബലമായിരുന്നു. പിന്നീട്​ ഒരോ ചുവടുകളും ധൈര്യത്തോടെ നടന്നുകയറി. ആദ്യമായി ഏറോനോട്ടിക്കൽ എഞ്ചിനീയറിങ്​ പഠിക്കാൻ ബ്രിട്ടനിലേക്ക്​ പറക്കുന്ന ഇമാറാത്തി സ്​ത്രീയായി. എവിയേഷൻ മാനേജ്​മെൻറും ഏറോനോട്ടിക്കൽ എഞ്ചിനീയറിങും പഠിച്ചെടുത്തു​.

നേട്ടങ്ങളിലേക്ക്​ ഉറച്ച ചുവടുകൾ

പരിശീലനം കൂടി പൂർത്തീകരിച്ച്​ യു.എ.ഇയിൽ തിരിച്ചെത്തിയ സുആദ്​ എമിറേറ്റ്​സ്​ എയർലൈനി​െൻറ ആദ്യ വനിതാ ഇമാറാത്തി എയർക്രാഫ്​റ്റ്​ എഞ്ചിനീയറായി ജോലിയിൽ പ്രവേശിച്ചു. പത്തു വർഷത്തെ ജോലിക്കിടയിൽ വിവിധ തസ്​തികകളിൽ നേതൃപരമായ ചുമതലകൾ ഏൽപിക്കപ്പെട്ടു. എല്ലാം ഭംഗിയായി പൂർത്തീകരിച്ചു. കഴിഞ്ഞ ആറു വർഷമായി യു.എ.ഇയുടെ അതിസുപ്രധാന പദ്ധതികളിലൊന്നായ അബൂദബി അന്താരാഷ്​ട്ര വിമാനത്താവളത്തി​െൻറ ഏവിയേഷൻ ഉപദേശക സ്​ഥാനത്താണുള്ളത്​. ലോകത്തെ ഏറ്റവും വലിയ മൂന്നാമത്തെ ഏറ്റവും വലിയ വിമാനത്താവളമാണ്​ ഒരുങ്ങുന്നത്​. ഇതി​െൻറ അടിസ്​ഥാന സൗകര്യങ്ങൾ ഒരുക്കുന്നതിൽ തുടങ്ങി, ആവശ്യങ്ങൾ കണ്ടെത്തി എത്തിക്കുകയും വികസനം നിരീക്ഷിക്കുകയും എല്ലാം ചെയ്യുന്നത്​ സുആദ്​ ആണ്​.

വുമൺ ഇൻ ഏവിയേഷൻ എന്ന കൂട്ടായ്​മയുടെ പശ്​ചിമേഷ്യൻ ചാപ്​റ്റർ സ്​ഥാപകയാണ്​ സുആദ്​. നിരവധി പുസ്​കാരങ്ങളും ആദരവുകളും നേടിയ ഇവർ നിരവധി ആഗോള വേദികളിൽ ഇമാറാത്തി സമൂഹത്തെ പ്രതിനിധീകരിച്ചിട്ടുണ്ട്​. സ്​ത്രീകളെ കരിയറിൽ ഉയർത്തിക്കൊണ്ടുവരുന്നതിനുള്ള എൽടുഎൽ എന്ന കൺസൾടേഷൻ കമ്പനിയും​ സ്വന്തമായുണ്ട്​. കരിയറിനപ്പുറം എഴുത്തിലും വായനയിലും തൽപരയായ നിശ്​ചയദാർഢ്യത്തി​െൻറ ഈ ആൾരൂപം, അഞ്ച്​ നോവലുകൾ ഇതിനകം എഴുതിയിട്ടുണ്ട്​. രണ്ടെണ്ണം ഇംഗ്ലിഷിലേക്കും ഫ്രഞ്ചിലേക്കും മൊഴിമാാറ്റപ്പെടുകയും ചെയ്​തു.

പിന്തുണയായി എന്നും കുടുംബം

ത​െൻറ സ്വപ്​നങ്ങൾക്ക്​ ഒരിക്കലും വിലങ്ങിടാത്ത സ്​നേഹപൂർണമായ കുടുംബത്തെ ലഭിച്ചത്​ ഭാഗ്യമാണെന്ന്​ സുആദ്​ പറയുന്നു. ജീവിത പങ്കാളിയും മാതാവും സഹോദരിയും കുട്ടികളും എല്ലാവരും എന്നും പിന്തുണച്ചു. രണ്ട്​ മക്കളുടെ മാതാവായി തന്നെ കഴിഞ്ഞ 16വർഷക്കാലത്തെ തൊഴിൽ ജീവിതത്തിൽ തിളങ്ങാൻ സാധിച്ചതിൽ ഇവർ അഭിമാനിക്കുന്നു. സ്​ത്രീകൾ തങ്ങളുടെ മുൻഗണനകൾ സ്വയം തീരുമാനിക്കണമെന്ന അഭിപ്രായമാണ്​ സുആദ്​ പങ്കുവെക്കുന്നത്​. ത​​ന്‍റെ അനുഭവങ്ങളുടെ അടിസ്​ഥാനത്തിൽ വ്യോമ​യാന മേഖലയിലെ സ്​​ത്രീ ജീവിതത്തെ വരച്ചിടുന്ന പുസ്​തകത്തി​​െൻറ പണിപ്പുരയിലാണ്​ ഇന്നിവർ. ത​െൻറ ജീവിത​ത്തിലൂടെ ആർക്കെങ്കിലും സ്വപ്​നങ്ങളിലേക്ക്​ പറന്നുയരാൻ പ്രചോദനമായെങ്കിൽ എന്ന ആശയിലാണ്​ ഇത്തരമൊരുദ്യമം.