ക​ട​ലി​ൽ സു​ര​ക്ഷ​ക്കാ​യി ഡ്രോ​ൺ ബോ​ട്ടു​ക​ൾ

ദു​ബൈ: സ​മു​ദ്ര​മേ​ഖ​ല​യി​ലെ സു​ര​ക്ഷ കൂ​ടു​ത​ൽ ശ​ക്ത​മാ​ക്കു​ന്ന​തി​ന്‍റെ ഭാ​ഗ​മാ​യി ആ​ളി​ല്ലാ​തെ പ്ര​വ​ർ​ത്തി​ക്കു​ന്ന ഡ്രോ​ൺ ബോ​ട്ടു​ക​ൾ രൂ​പ​ക​ൽ​പ​ന ചെ​യ്യാ​നും വി​ക​സി​പ്പി​ക്കാ​നും​ ട്രൈ​ഡ​ന്‍റ്​ എ​ൻ​ജി​നീ​യ​റി​ങ്​ ആ​ൻ​ഡ്​ മ​റൈ​ൻ ക​മ്പ​നി​യു​മാ​യി ക​രാ​ർ ഒ​പ്പു​വെ​ച്ച്​ ദു​ബൈ പൊ​ലീ​സ്. എ​മി​റേ​റ്റി​ലെ ജ​ല​മേ​ഖ​ല​ക​ളി​ൽ സു​ര​ക്ഷ പ​രി​ധി വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട്​ അ​വ​ത​രി​പ്പി​ച്ച ദു​ബൈ പൊ​ലീ​സ്​ സ്മാ​ർ​ട്ട്​ ബോ​ട്ട്​ (ഹ​ദ്ദാ​ദ്) പ​ദ്ധ​തി​യു​ടെ ഭാ​ഗ​മാ​യാ​ണ്​ പു​തി​യ ക​രാ​ർ.

സു​ര​ക്ഷ പ്ര​വ​ർ​ത്ത​ന​ങ്ങ​ൾ സ്മാ​ർ​ട്ട് സം​വി​ധാ​ന​ങ്ങ​ളി​ലേ​ക്ക്​ പ​രി​വ​ർ​ത്തി​പ്പി​ക്കു​ക, സു​ര​ക്ഷ ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി​ക​ളു​ടെ​യും പ്ര​വ​ർ​ത്ത​ന​ങ്ങ​ളു​ടെ​യും ചെ​ല​വ്​ കു​റ​ക്കു​ക, പ്ര​തി​ക​ര​ണ സ​മ​യം കു​റ​ക്കു​ക, ഫീ​ൽ​ഡ്​ സ​ർ​വേ​ക​ളി​ലൂ​ടെ ഡേ​റ്റ ബേ​സു​ക​ൾ ശ​ക്തി​പ്പെ​ടു​ത്തു​ക എ​ന്നി​വ​യെ പി​ന്തു​ണ​ക്കു​ന്ന​താ​ണ്​ ഹ​ദ്ദാ​ദ്​ പ​ദ്ധ​തി.

ദു​ബൈ പൊ​ലീ​സി​ന്‍റെ അ​ഭി​പ്രാ​യ​പ്ര​കാ​രം ഈ ​മേ​ഖ​ല​യി​ലെ ഇ​ത്ത​ര​ത്തി​ലു​ള്ള ആ​ദ്യ പ​ദ്ധ​തി​യാ​ണ്​ ഹ​ദ്ദാ​ദ്. ദു​ബൈ പൊ​ലീ​സി​ന്​ വേ​ണ്ടി ജ​ന​റ​ൽ ഡി​പ്പാ​ർ​ട്മെ​ന്‍റ്​ ഓ​ഫ്​ ഹ്യൂ​മ​ൺ റി​സോ​ഴ്​​സ​സ്​ ഡ​യ​റ​ക്ട​ർ മേ​ജ​ർ ജ​ന​റ​ൽ ഡോ. ​സാ​ലി​ഹ്​ അ​ബ്​​ദു​ല്ല മു​റാ​ദാ​ണ്​ ക​രാ​റി​ൽ ഒ​പ്പു​വെ​ച്ച​ത്.

പ്രാ​ദേ​ശി​ക, ആ​ഗോ​ള ത​ല​ത്തി​ൽ മു​ൻ​പ​ന്തി​യി​ലു​ള്ള മാ​തൃ​ക​പ​ദ്ധ​തി​യാ​യി മാ​റു​ന്നു​വെ​ന്ന്​ ഉ​റ​പ്പു​വ​രു​ത്തു​ന്ന​തി​നാ​യി വി​പു​ല​മാ​യ പ​ഠ​ന​ങ്ങ​ൾ, ഗ​വേ​ഷ​ണം, സ​ന്ദ​ർ​ശ​ന​ങ്ങ​ൾ, പ്ര​ധാ​ന സ്ഥാ​പ​ന​ങ്ങ​ളു​മാ​യു​ള്ള സം​യു​ക്ത ഏ​കോ​പ​നം എ​ന്നി​വ​യെ അ​ടി​സ്ഥാ​ന​മാ​ക്കി​യി​രു​ന്ന​താ​യും​ അ​ദ്ദേ​ഹം പ​റ​ഞ്ഞു. ദു​ബൈ പൊ​ലീ​സി​ന്‍റെ ന​യ​പ​ര​മാ​യ ല​ക്ഷ്യ​ങ്ങ​ൾ നേ​ടു​ന്ന​തി​ന്​ വൈ​ദ​ഗ്​​ധ്യം, അ​റി​വ്, പ്ര​ത്യേ​ക ശാ​സ്ത്ര​അ​റി​വു​ക​ൾ എ​ന്നി​വ കൈ​മാ​റു​ന്ന​തി​ൽ​ ഈ ​പ​ങ്കാ​ളി​ത്ത​ത്തി​ന്‍റെ പ​ങ്ക് അ​ദ്ദേ​ഹം​ എ​ടു​ത്തു പ​റ​ഞ്ഞു.