ഗതാഗതം നിരീക്ഷിക്കാൻ  ഡ്രോണുകളുമായി ദുബൈ പൊലീസ്​

ദുബൈ: തിരക്കേറിയ സമയങ്ങളിലുണ്ടാകുന്ന ഗതാഗതക്കുരുക്ക്​ തൽസമയം നിരീക്ഷിക്കുന്നതിന്​ ദുബൈ പൊലീസ്​ ഡ്രോണുകളെ നിയോഗിക്കുന്നു. ഏത്​ ഭാഗത്താണ്​ തടസം കൂടുതൽ എന്ന്​ കണ്ടെത്തി പെട്രോളിങ്​ സംഘങ്ങളെ അയച്ച്​ ഗതാഗതക്കുരുക്ക്​ അഴിക്കുന്നതിന്​ വേണ്ടിയാണിത്​. പൊലീസ്​ ഒാപറേഷൻസ്​ റൂമുമായാണ്​ ഇവയെ ബന്ധിപ്പിച്ചിരിക്കുന്നത്​. 

ഇതിലൂടെ ഗതാഗതം മാത്രമല്ല വിവിധ പരിപാടികൾ നിരീക്ഷിക്കാനും കഴിയും. ഫോർ ജി സാ​േങ്കതിക വിദ്യ ഉപയോഗിച്ചാണ്​ ഡ്രോണുകൾ പ്രവർത്തിക്കുന്നത്​. കമാൻഡ്​ റൂമിലിരുന്ന്​ ഉദ്യോഗസ്​ഥർക്ക്​ ഇവയെ നിയന്ത്രിക്കാൻ കഴിയും. അപകടങ്ങളും അത്യാഹിതങ്ങളുമൊക്കെ റെക്കോഡ്​ ചെയ്യുന്നതിനും ഇവ സഹായിക്കും. പെ​െട്ടന്ന്​ തീരുമാനങ്ങൾ എടുക്കുന്നതിന്​ സഹായകരമാകുന്ന ഇൗ ദൃശ്യങ്ങൾ ​ ഉദ്യോഗസ്​ഥരുടെ പരിശീലനത്തിനും ഉപയോഗിക്കുമെന്ന്​ ദുബൈ പൊലീസി​​െൻറ ഒാപറേഷണൽ കമ്മ്യൂണിക്കേഷൻ ഡെപ്യൂട്ടി ഡയറക്​ടർ ഡോ. ഖാലിദ്​ അൽ മെറി പറഞ്ഞു.

ഫോർ ജി സാ​േങ്കതിക വിദ്യയായതിനാൽ അതിവേഗത്തിൽ വിവരങ്ങൾ കൈമാറാനാവും.  തൽസമയ സംപ്രേക്ഷണത്തിനുള്ള സാ​േങ്കതികവിദ്യ 2008 മുതൽ പട്രോളിങ്​ വാഹനങ്ങളിൽ ഉപയോഗിക്കുന്നുണ്ട്​. ത്രീ ജി സാ​േങ്കതിക വിദ്യ 2012 മുതൽ മോ​േട്ടാർബൈക്ക്​ പട്രോളിലും ഉപയോഗിക്കുന്നുണ്ട്​. നഗരത്തി​​െൻറ വലിയൊരുഭാഗം ഒരുമിച്ച്​ നിരീക്ഷിക്കാമെന്നതാണ്​ ട്രോണുകൾകൊണ്ടുള്ള പ്രധാന ഗുണം.