യു.എ.ഇയിലുള്ളത്​ 4100 ഡ്രോൺ ഉപയോക്​താക്കൾ നിയമം ലംഘിച്ചാൽ മൂന്ന്​ വർഷം ജയിൽ

ദുബൈ: യു.എ.ഇയിൽ നിയമാനുസൃതം ഡ്രോൺ ഉപയോഗിക്കാൻ അനുമതിയുള്ളത്​ 4100 പേർക്ക്​. ജനറൽ സിവിൽ ഏവിയേഷൻ അതോറിറ്റിയിൽ രജിസ്​റ്റർ ചെയ്​തിരിക്കുന്നവരുടെ കണക്കാണിത്​. ഡ്രോൺ ഉപയോഗിക്കുന്നതിന്​ നിശ്​യിച്ചിട്ടുള്ള മാനദണ്​ഡങ്ങൾ ലംഘിക്കുന്നവർക്ക്​ അമ്പതിനായിരം ദിർഹം പിഴയോ മൂന്ന്​ വർഷം തടവോ ശിക്ഷ ലഭിക്കുമെന്നും അധികൃതർ അറിയിച്ചു.  ഡ്രോൺ ഉപയോത്തെക്കുറിച്ച്​​ ആഭ്യന്ത​ര മന്ത്രാലയം രണ്ടാം വട്ട ബോധവൽക്കരണം തുടങ്ങി.

കഴിഞ്ഞ വർഷം ആദ്യ ഘട്ട ബോധവത്​ക്കരണം നടക്കുന്നതിന്​ മുമ്പ്​ 561 പേർ മാത്രമാണ്​ രജിസ്​റ്റർ ചെയ്​തിരുന്നത്​. ജനങ്ങൾക്ക്​ അപകടമുണ്ടാകാതെ സുരക്ഷിതമായി ഡ്രോണുകൾ ഉപയോഗിക്കുന്നതിന്​ വേണ്ടിയാണ്​ മാനദണ്​ഡങ്ങൾ നിശ്​ചയിച്ചിരിക്കുന്നത്​. ഇതെക്കുറിച്ച്​ ജനങ്ങളെ ബോധവത്​ക്കരിക്കാനാണ്​ ഉദ്ദേശിക്കുന്നതെന്ന്​ മന്ത്രാലയത്തിൽ ഇൻസ്​പെക്​ടർ ജനറൽ പദവി വഹിക്കുന്ന മേജർ ജനറൽ ഡോ. അഹമ്മദ്​ നാസർ അൽ റൈസി പറഞ്ഞു.