10,000 സ്കൂ​ൾ കി​റ്റു​ക​ൾ സ​ജ്ജ​മാ​ക്കി ദു​​ബൈ കെ​യേ​ഴ്​​സ്​

അ​ബൂ​ദ​ബി: യു.​എ.​ഇ​യി​ലു​ട​നീ​ള​മു​ള്ള കു​റ​ഞ്ഞ​വ​രു​മാ​ന​ക്കാ​രാ​യ കു​ടും​ബ​ങ്ങ​ളി​ൽ നി​ന്നു​ള്ള പ​തി​നാ​യി​ര​ത്തി​ല​ധി​കം വി​ദ്യാ​ർ​ഥി​ക​ൾ​ക്കാ​യി വി​ത​ര​ണം ചെ​യ്യു​ന്ന​തി​നു​ള്ള പ​ഠ​നോ​പ​ക​ര​ണ​ങ്ങ​ൾ അ​ട​ങ്ങി​യ സ്കൂ​ൾ കി​റ്റു​ക​ൾ സ​ജ്ജ​മാ​ക്കി വ​ള​ണ്ടി​യ​ർ​മാ​ർ. അ​ൽ​ദാ​റി​ൽ നി​ന്നു​ള്ള 100 പേ​ർ അ​ട​ക്കം 400ലേ​റെ വ​ള​ണ്ടി​യ​ർ​മാ​രാ​ണ് ദൗ​ത്യ​ത്തി​ൽ പ​ങ്കാ​ളി​ക​ളാ​യ​ത്. അ​ൽ​ദാ​റും ദു​ബൈ കെ​യേ​ഴ്സു​മാ​യി സ​ഹ​ക​രി​ച്ചാ​ണ് ‘ബാ​ക് ടു ​സ്കൂ​ൾ​സ്’ കാം​പ​യി​നി​ന്‍റെ ഭാ​​ഗ​മാ​യി പ​ഠ​നോ​പ​ക​ര​ണ​ങ്ങ​ളൊ​രു​ക്കി​യ​ത്. അ​ബൂ​ദ​ബി​യി​ൽ ആ​​ദ്യ​മാ​യി ന​ട​ത്തി​യ ഈ ​പ​ദ്ധ​തി​യി​ൽ വ​ൻ പ​ങ്കാ​ളി​ത്ത​മാ​ണു​ണ്ടാ​യ​ത്. പു​തി​യ അ​ധ്യ​യ​ന വ​ർ​ഷ​ത്തി​ന്‍റെ തു​ട​ക്ക​ത്തി​ൽ ത​ന്നെ സ്കൂ​ൾ കി​റ്റു​ക​ൾ വി​ദ്യാ​ർ​ഥി​ക​ൾ​ക്ക് വി​ത​ര​ണം ചെ​യ്യും. ‌

ത​ങ്ങ​ളു​ടെ വ​ള​ണ്ടി​യ​​ർ​മാ​രു​ടെ​യും മു​ഖ്യ പ്രാ​യോ​ജ​ക​രാ​യ അ​ൽ​ദാ​റി​ന്‍റെ​യും അ​ക​മ​ഴി​ഞ്ഞ സ​ഹാ​യ​മാ​ണ്​​ണ് പ​ദ്ധ​തി​യു​ടെ വി​ജ​യ​ത്തി​നു കാ​ര​ണ​മെ​ന്ന് ദു​ബൈ കെ​യ​ഴ്സി​ന്‍റെ ചീ​ഫ് ഓ​പ​റേ​റ്റി​ങ് ഓ​ഫി​സ​ർ ആ​യ അ​ബ്ദു​ല്ല അ​ഹ​മ്മ​ദ് അ​ൽ​ഷെ​ഹി പ​റ​ഞ്ഞു. സ്കൂ​ളു​ക​ളി​ലെ​ത്തു​ന്ന എ​ല്ലാ കു​ട്ടി​ക​ൾ​ക്കും പ​ഠ​നോ​പ​ക​ര​ണ​ങ്ങ​ളു​ണ്ടെ​ന്ന് ഉ​റ​പ്പു​വ​രു​ത്തു​ന്ന​തി​നാ​യി അ​ൽ​ദാ​റി​നൊ​പ്പം സ​ഹ​ക​രി​ച്ച വ​ള​ണ്ടി​യ​​ർ​മാ​രെ​ക്കു​റി​ച്ചോ​ർ​ത്ത് അ​ഭി​മാ​ന​മു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

പു​തി​യ അ​ധ്യ​യ​ന വ​ർ​ഷം കു​ട്ടി​ക​ൾ​ക്ക് വി​ത​ര​ണം ചെ​യ്യാ​നാ​യി പ​ഠ​നോ​പ​ക​ര​ണ​ങ്ങ​ൾ സ​ജ്ജ​മാ​ക്കാ​ൻ സ​ന്ന​ദ്ധ​പ്ര​വ​ർ​ത്ത​ക​ർ കൂ​ട്ട​ത്തോ​ടെ എ​ത്തി​യ​ത് അ​ഭി​മാ​ന​ക​ര​മാ​ണെ​ന്നും അ​ൽ​ദാ​ർ ​ഗ്രൂ​പ്പി​ലെ ചീ​ഫ് ഫി​നാ​ൻ​ഷ്യ​ൽ, സ​സ്റ്റെ​യി​ന​ബി​ലി​റ്റി ഓ​ഫി​സ​റാ​യ ഫൈ​സ​ൽ ഫ​ലാ​ഖ്നാ​സ് പ​റ​ഞ്ഞു. ആ​ദ്യ​മാ​യാ​ണ് അ​ൽ​ദാ​ർ ഇ​ത്ത​ര​മൊ​രു പ​രി​പാ​ടി ന​ട​ത്തു​ന്ന​ത്. 2013 മു​ത​ൽ ദു​ബൈ കെ​യ​ഴ്സു​മാ​യി സ​ഹ​ക​രി​ച്ചു​വ​രു​ന്ന ഷാ​ലി​ൻ ​ക​ലാ​ധ​ര​ൻ ദൗ​ത്യ​ത്തി​ന്‍റെ ഭാ​​ഗ​മാ​യ​തി​ൽ സ​ന്തോ​ഷം പ്ര​ക​ടി​പ്പി​ച്ചു.