യൂനിയൻ കോപ്പിന്​ വീണ്ടും ദുബൈ ചേംബറി​െൻറ അംഗീകാരം

ദുബൈ: തുടർച്ചയായ എട്ടാം വർഷവും ദുബൈ ചേംബർ കോർപറേറ്റ്​ സോഷ്യൽ റെസ്​പോൺസിബിലിറ്റി (സി.എസ്​.ആർ) ലേബർ പുരസ്​കാരം സ്വന്തമാക്കി യൂനിയൻ കോപ്പ്​. കോവിഡ്​ വ്യാപനത്തെ തുടർന്ന്​ ഇക്കുറി ഓൺലൈനായാണ്​ അവാർഡ്​ ദാന ചടങ്ങ്​ സംഘടിപ്പിച്ചത്​. സ്​ഥാപനത്തി​െൻറ സാമൂഹിക പ്രതിബദ്ധതയും മറ്റ്​ മേഖലകളെ പിന്തുണക്കുന്ന നടപടികളും പരിസ്​ഥിത സൗഹൃദ പ്രവർത്തനങ്ങളും മുൻനിർത്തിയാണ്​ യു.എ.ഇയിലെ ഏറ്റവും വലിയ കൺസ്യൂമർ കോഓപറേറ്റിവ്​ സ്ഥാപനമായ യൂനിയൻ കോപ്പിന്​ പുരസ്​കാരം നൽകുന്നത്​.

സ്ഥാപനത്തെ പ്രതിനിധാനം ചെയ്​ത്​​ ഹാപിനസ്​ ആൻഡ്​ മാർക്കറ്റിങ്​ വിഭാഗം ഡയറക്​ടർ ഡോ. സുഹൈൽ അൽ ബസ്​തകി, സ്​ട്രാറ്റജി ആൻഡ്​ കോർപറേറ്റ്​ െഡവലപ്​മെൻറ്​ ഡയറക്​ടർ പ്രിയ ചോപ്ര, ഡെപ്യൂട്ടി ഡയറക്​ടർ ഡാരിൻ അവിദ എന്നിവർ ചേർന്ന്​ പുരസ്​കാരം ഏറ്റുവാങ്ങി. ദുബൈ ചേംബർ ചെയർമാൻ മാജിദ്​ സൈഫ്​ അൽ ഗുറൈർ അവാർഡ്​ കൈമാറി. സാമൂഹിക ഉത്തരവാദിത്തം നിറവേറ്റുന്നതിൽ സ്ഥാപനം എന്നും പ്രതിജ്ഞാബദ്ധമാണെന്നും മറ്റ്​ സ്ഥാപനങ്ങൾക്ക്​ മാ​തൃകയാവാനുള്ള കഠിന പരിമ്രത്തിലാണെന്നും അൽ ബസ്​തകി പറഞ്ഞു.