നേ​തൃ​പ​രി​ശീ​ല​ന പ​ദ്ധ​തി പ്ര​ഖ്യാ​പി​ച്ച്​ ദു​ബൈ കി​രീ​ടാ​വ​കാ​ശി

ദു​ബൈ: യു​വ​ത​ല​മു​റ​യെ സു​പ്ര​ധാ​ന​മാ​യ മേ​ഖ​ല​ക​ൾ ന​യി​ക്കു​ന്ന​തി​ന്​ പ്രാ​പ്​​ത​രാ​ക്കാ​ൻ ല​ക്ഷ്യ​മി​ടു​ന്ന ‘ദു​ബൈ ഇ​ക്ക​ണോ​മി​ക്​ ലീ​ഡേ​ഴ്സ്​ പ്രോ​ഗ്രാം’ പ്ര​ഖ്യാ​പി​ച്ചു. യു.​എ.​ഇ എ​ക്സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നും ദു​ബൈ കി​രീ​ടാ​വ​കാ​ശി​യു​മാ​യ ശൈ​ഖ്​ ഹം​ദാ​ൻ ബി​ൻ റാ​ശി​ദ്​ ആ​ൽ മ​ക്​​തൂ​മാ​ണ്​ ഒ​രു വ​ർ​ഷം നീ​ളു​ന്ന ദു​ബൈ സാ​മ്പ​ത്തി​ക നേ​തൃ​പ​രി​ശീ​ല​ന പ്രോ​ഗ്രാം പ്ര​ഖ്യാ​പി​ച്ച​ത്. യു​വാ​ക്ക​ൾ​ക്ക്​ സാ​മ്പ​ത്തി​ക​രം​ഗ​ത്തെ പു​തി​യ പ്ര​വ​ണ​ത​ക​ളെ​ക്കു​റി​ച്ചു​ള്ള അ​റി​വു​ക​ൾ പ​ക​ർ​ന്നു​ന​ൽ​കി അ​വ​രെ അ​ത​ത്​ മേ​ഖ​ല​ക​ളി​ൽ വി​ദ​ഗ്​​ധ​രാ​ക്കി മാ​റ്റു​ക​യാ​ണ്​ ല​ക്ഷ്യം.

സാ​മ്പ​ത്തി​ക​രം​ഗ​ത്ത്​ പ്ര​വ​ർ​ത്തി​ക്കു​ന്ന ലോ​ക​ത്തെ പ്ര​മു​ഖ ക​മ്പ​നി​ക​ളു​മാ​യി സ​ഹ​ക​രി​ച്ച്​ മു​ഹ​മ്മ​ദ്​ ബി​ൻ റാ​ശി​ദ്​ സെ​ന്‍റ​ർ ഫോ​ർ ലീ​ഡ​ർ​ഷി​പ്​ ഡെ​വ​ല​പ്​​മെ​ന്‍റ്​ (എം.​ബി.​ആ​ർ.​സി.​എ​ൽ.​ഡി) ആ​ണ് പ​രി​പാ​ടി​ക​ൾ സം​ഘ​ടി​പ്പി​ക്കു​ക. മി​ക​ച്ച വി​ദ്യാ​ഭ്യാ​സ​ത്തി​ലൂ​ടെ​യും മ​റ്റു​ പ്ര​വ​ർ​ത്ത​ന​ങ്ങ​ളി​ലൂ​ടെ​യും യു​വ​ത​ല​മു​റ​ക്ക്​ അ​നി​വാ​ര്യ​മാ​യ ഭാ​വി നേ​തൃ​ഗു​ണ​ങ്ങ​ൾ സ്വായ​ത്ത​മാ​ക്കാ​നും അ​വ​രെ നേ​തൃ​പ​ദ​വി​ക​ളി​ലേ​ക്ക്​ ഒ​രു​ക്കാ​നും ല​ക്ഷ്യ​മി​ടു​ന്ന പ​ദ്ധ​തി​ക​ളാ​ണ്​ ന​ട​പ്പാ​ക്കു​ക.

ദു​ബൈ​യു​ടെ സ​മ്പ​ദ്‌​വ്യ​വ​സ്ഥ​യും ഭാ​വി​യും ഉ​യ​ർ​ത്താ​നും സാ​മ്പ​ത്തി​ക അ​ജ​ണ്ട​യാ​യ ഡി 33 ​നി​റ​വേ​റ്റാ​നും സു​സ്ഥി​ര വ​ള​ർ​ച്ച ഉ​റ​പ്പാ​ക്കാ​നു​മു​ള്ള ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ന്ന ഇ​മാ​റാ​ത്തി പ്ര​തി​ഭ​ക​ളെ ക​ണ്ടെ​ത്തു​ക​യാ​ണ്​ ദു​ബൈ ഇ​ക്ക​ണോ​മി​ക്​ ലീ​ഡേ​ഴ്​​സ്​ പ്രോ​ഗ്രാ​മി​ലൂ​ടെ​ ല​ക്ഷ്യ​മി​ടു​ന്ന​തെ​ന്ന്​​ ശൈ​ഖ്​ ഹം​ദാ​ൻ പ​റ​ഞ്ഞു. ഒ​രു വ​ർ​ഷം നീ​ളു​ന്ന പ്രോ​ഗ്രാ​മു​ക​ളു​ടെ പു​രോ​ഗ​തി​​ക്ക്​ വ്യ​ക്തി​പ​ര​മാ​യി മേ​ൽ​നോ​ട്ടം വ​ഹി​ക്കു​മെ​ന്നും ശൈ​ഖ്​ ഹം​ദാ​ൻ പ​റ​ഞ്ഞു.