ദു​ബൈ എ​ക്സ്പോ 2020: ന​ഗ​രി​യി​ലെ സു​സ്ഥി​ര​ത പ​വി​ലി​യ​ൻ പൊ​തു​ജ​ന​ങ്ങ​ൾ​ക്കാ​യി തു​റ​ക്കും

ദു​ബൈ: ദു​ബൈ എ​ക്സ്പോ 2020 മെ​ഗാ ഇ​വ​ൻ​റി​ന് മു​ന്നോ​ടി​യാ​യി പൊ​തു​ജ​ന​ങ്ങ​ൾ​ക്കും സ​ന്ദ​ർ​ശ​ക​ർ​ക്കും മു​ന്നി​ൽ എ​ക്സ്പോ വി​സ്മ​യ​വാ​തി​ലു​ക​ൾ തു​റ​ക്കു​ന്നു. എ​ക്സ്പോ ന​ഗ​രി​യി​ലെ പ​രി​സ്ഥി​തി സൗ​ഹൃ​ദ​ രൂപകൽപനക​ൾ നേ​രി​ട്ടു കാ​ണു​ന്ന​തി​നാ​യി സു​സ്ഥി​ര​ത പ​വി​ലി​യ​നു​ക​ളാ​ണ് ജ​നു​വ​രി 22 മു​ത​ൽ മൂ​ന്നു​മാ​സ​ത്തേ​ക്ക് തു​റ​ക്കു​ന്ന​ത്.

ക​ണ്ണ​ഞ്ചി​പ്പി​ക്കു​ന്ന അ​ത്ഭു​ത​ങ്ങ​ളും അ​തി​ശ​യ​ങ്ങ​ളും നി​റ​ച്ച ദു​ബൈ എ​ക്സ്പോ​യു​ടെ മൂ​ന്ന് ഉ​പ തീ​മു​ക​ളി​ലൊ​ന്നാ​ണ് സു​സ്ഥി​ര​ത. പ​രി​സ്ഥി​തി​യി​ൽ മ​നു​ഷ്യ​രു​ടെ സ്വാ​ധീ​ന​ത്തെ കു​റി​ച്ച് അ​വ​ബോ​ധം വ​ള​ർ​ത്തു​ന്ന​തി​നാ​യി ലോ​കം ഇ​ന്നേ​വ​രെ ക​ണ്ടി​ട്ടി​ല്ലാ​ത്ത നി​ർ​മാ​ണ​ങ്ങ​ളും ക​ലാ​ചാ​രു​ത​യും ഒ​ത്തു​ചേ​ർ​ന്നി​ട്ടു​ള്ള കാ​ഴ്ച​യാ​ണ് സു​സ്ഥി​ര​ത പ​വി​ലി​യ​നി​ൽ. ദു​ബൈ എ​ക്സ്പോ 2020 വ​രു​ന്ന ഒ​ക്ടോ​ബ​ർ മു​ത​ൽ ഒ​രു വ​ർ​ഷ​ക്കാ​ല​ത്തേ​ക്കാ​ണെ​ങ്കി​ലും ഔ​ദ്യോ​ഗി​ക ഉ​ദ്ഘാ​ട​ന​ത്തി​ന് മു​ന്നോ​ടി​യാ​യാ​ണ്​ പൊ​തു​ജ​ന​ങ്ങ​ൾ​ക്കും സ​ന്ദ​ർ​ശ​ക​ർ​ക്കു​മാ​യി 'പ​വി​ലി​യ​ൻ​സ് പ്രീ​മി​യ​ർ'​അ​ടു​ത്ത ആ​ഴ്ച മു​ത​ൽ ഒ​രു​ക്കു​ന്ന​ത്.

ടി​ക്ക​റ്റ് നി​ര​ക്ക്

വി​ശാ​ല​മാ​യ എ​ക്‌​സ്‌​പോ സൈ​റ്റി​ലെ പ​രി​സ്ഥി​തി സൗ​ഹൃ​ദ അ​ത്ഭു​തം കാ​ണാ​നു​ള്ള ടി​ക്ക​റ്റു​ക​ൾ​ക്ക് 25 ദി​ർ​ഹ​മാ​ണ് വി​ല. യു.​എ.​ഇ നി​വാ​സി​ക​ൾ​ക്കും വി​നോ​ദ​സ​ഞ്ചാ​രി​ക​ൾ​ക്കും ജ​നു​വ​രി 22 മു​ത​ൽ ഏ​പ്രി​ൽ 10 വ​രെ എ​ക്സ്പോ 2020 ദു​ബൈ​യു​ടെ ടെ​റ - സു​സ്ഥി​ര​ത പ​വി​ലി​യ​ൻ സ​ന്ദ​ർ​ശി​ക്കാം. https://expo2020dubai.com/en/pavilions-premiere എ​ന്ന ലി​ങ്ക് വ​ഴി ഓ​ൺ​ലൈ​നാ​യി ടി​ക്ക​െ​റ്റ​ടു​ക്കാം.

എ​ങ്ങ​നെ ബു​ക്ക് ചെ​യ്യാം

പ​വി​ലി​യ​നി​ൽ നേ​രി​ട്ട് എ​ത്തി​യാ​ൽ ടി​ക്ക​റ്റ്​ ല​ഭി​ക്കി​ല്ല. സ​ന്ദ​ർ​ശി​ക്കാ​ൻ ആ​ഗ്ര​ഹി​ക്കു​ന്ന​വ​ർ ഓ​ൺ​ലൈ​നാ​യി ബു​ക്ക് ചെ​യ്യ​ണം. കോ​വി​ഡ് നി​യ​ന്ത്ര​ണം തു​ട​രു​ന്ന​തി​നാ​ൽ ഘ​ട്ടം ഘ​ട്ട​മാ​യി​രി​ക്കും പ്ര​വേ​ശ​നം. ടി​ക്ക​റ്റ് ബു​ക്ക് ചെ​യ്യു​മ്പോ​ൾ ത​ന്നെ നി​ശ്ചി​ത സ​മ​യ​വും തീ​യ​തി​യും അ​റി​യി​ക്കും. ജ​നു​വ​രി 22 മു​ത​ൽ ഏ​പ്രി​ൽ 10 വ​രെ​യാ​ണ് സ​ന്ദ​ർ​ശ​ന സ​മ​യം. ചൊ​വ്വ മു​ത​ൽ വ്യാ​ഴം വ​രെ​യു​ള്ള ദി​വ​സ​ങ്ങ​ളി​ൽ ഉ​ച്ച​ക​ഴി​ഞ്ഞ് മൂ​ന്ന്​ മു​ത​ൽ ഒ​മ്പ​തു​വ​രെ​യാ​ണ് പ്ര​വേ​ശ​നം. വാ​രാ​ന്ത്യ​ങ്ങ​ളി​ൽ വൈ​കീ​ട്ട്​ നാ​ലു​മു​ത​ൽ 10 വ​രെ​യും പ​വി​ലി​യ​ൻ പ്ര​വ​ർ​ത്തി​ക്കും.

വ​രൂ അ​ത്ഭു​തം നേ​രി​ട്ട് അ​നു​ഭ​വി​ക്കാം

'പ്ലാ​ന​റ്റ് എ​ർ​ത്ത്'​എ​ന്ന പേ​രി​ൽ ത​യാ​റാ​ക്കി​യ ടെ​റ​യാ​ണ് പ​രി​സ്ഥി​തി സൗ​ഹൃ​ദ സു​സ്ഥി​ര​ത പ​വി​ലി​യ​ൻ. ലോ​ക​ത്തി​ലെ അ​ത്ഭു​ത​ങ്ങ​ളി​ലൂ​ടെ​യു​ള്ള യാ​ത്ര​യാ​ണ് സ​ന്ദ​ർ​ശ​ക​ർ​ക്കാ​യി ഒ​രു​ക്കി​യ​ത്. കാ​ടിെൻറ വേ​രു​ക​ളി​ലൂ​ടെ ഒ​രു സം​വേ​ദ​നാ​ത്മ​ക ന​ട​ത്തം. ഓ​രോ ചു​വ​ടി​ല​ും പ്ര​കൃ​തി​യെ അ​റി​ഞ്ഞും അ​നു​ഭ​വി​ച്ചു​മു​ള്ള അ​വി​സ്മ​ര​ണീ​യ അ​നു​ഭ​വ​മാ​ണ് സ​ന്ദ​ർ​ശ​ക​രെ കാ​ത്തി​രി​ക്കു​ന്ന​ത്. സൗ​രോ​ർ​ജ​ത്തി​ൽ​നി​ന്നും പു​ന​രു​പ​യോ​ഗം ചെ​യ്യു​ന്ന വെ​ള്ള​ത്തി​ൽ നി​ന്നു​മാ​ണ് എ​ക്സ്പോ സൈ​റ്റി​ലെ 6,300 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള സു​സ്ഥി​ര​ത പ​വി​ലി​യ​ൻ പ്ര​വ​ർ​ത്തി​ക്കു​ന്ന​ത്. പ​വി​ലി​യ​ന് ആ​വ​ശ്യ​മാ​യ ഉൗ​ർ​ജം ന​ൽ​കു​ന്ന​തി​ന് 1,055 ഫോ​ട്ടോ വോ​ൾ​ട്ടെ​യ്ക്ക് പാ​ന​ലു​ക​ൾ കൊ​ണ്ടാ​ണ് 130 മീ​റ്റ​ർ വീ​തി​യു​ള്ള മേ​ൽ​ക്കൂ​ര ത​യാ​റാ​ക്കി​യ​ത്.

വി​ട​ർ​ന്നു​നി​ൽ​ക്കു​ന്ന സൂ​ര്യ​കാ​ന്തി​പ്പൂ​വിെൻറ ആ​കൃ​തി​യി​ലു​ള്ള കൂ​റ്റ​ൻ 'എ​ന​ർ​ജി ട്രീ​ക​ൾ'​മു​ഖേ​ന​യാ​ണ് പ്ര​ദേ​ശ​ത്തു​ട​നീ​ളം സൗ​രോ​ർ​ജം വി​ത​ര​ണം ചെ​യ്യു​ന്ന​ത്. സൂ​ര്യ​പ്ര​കാ​ശം നേ​രി​ട്ട് ആ​ഗി​ര​ണം ചെ​യ്താ​ണ് ഉൗ​ർ​ജം സം​ഭ​രി​ക്കു​ന്ന​ത്. കെ​ട്ടി​ട​ത്തി​ൽ സ്ഥാ​പി​ച്ച സാ​ങ്കേ​തി​ക​വി​ദ്യ​യി​ലൂ​ടെ പ്ര​തി​വ​ർ​ഷം നാ​ലു ജി​ഗാ​വാ​ട്ട് വൈ​ദ്യു​തി ഉ​ൽ​പാ​ദി​പ്പി​ക്കാം. ജ​ല ഉ​പ​യോ​ഗ​ത്തി​നും മാ​തൃ​ക​ക​ളു​ണ്ട്. വെ​ള്ളം കു​റ​ക്കു​ന്ന​തി​നു​ള്ള ത​ന്ത്ര​ങ്ങ​ൾ, ജ​ല പു​ന​രു​പ​യോ​ഗം, ഇ​ത​ര ജ​ല​സ്രോ​ത​സ്സു​ക​ൾ എ​ന്നി​വ​യും പ​വി​ലി​യ​ൻ ഉ​പ​യോ​ഗി​ക്കു​ന്നു. വെ​ള്ളം ഉ​പ​യോ​ഗം 75 ശ​ത​മാ​നം കു​റ​യ്ക്കാ​ൻ പ​വി​ലി​യ​ൻ ഗ്രേ ​വാ​ട്ട​ർ റീ​സൈ​ക്ലി​ങ്​ സി​സ്​​റ്റ​വും പ്രാ​ദേ​ശി​ക സ​സ്യ​ങ്ങ​ളും ഉ​പ​യോ​ഗി​ക്കു​ന്നു.

മ​നു​ഷ്യ​രെ​ന്ന നി​ല​യി​ൽ നാ​മെ​ല്ലാ​വ​രും അ​ഭി​മു​ഖീ​ക​രി​ക്കു​ന്ന സു​സ്ഥി​ര​ത​യും പാ​രി​സ്ഥി​തി​ക പ്ര​ശ്ന​ങ്ങ​ളും തി​രി​ച്ച​റി​യു​ക എ​ന്ന​താ​ണ് ഈ ​തീം തെ​ര​ഞ്ഞെ​ടു​ത്ത​തി​െൻറ കാ​ര​ണ​മെ​ന്ന് എ​ക്സ്പോ​യി​ലെ മു​ഖ്യ ഓ​ഫി​സ​ർ മ​തൊ​ൻ ഫ​റൈ​ദൂ​നി പ​റ​ഞ്ഞു. പാ​രി​സ്ഥി​തി​ക പ്ര​ശ്‌​ന​ങ്ങ​ൾ ആ​ശ​യ​വി​നി​മ​യം ന​ട​ത്താ​നു​ള്ള ഉ​ത്ത​ര​വാ​ദി​ത്തം പൊ​തു​ജ​ന​ങ്ങ​ളു​ടേ​താ​ണ്. പ​രി​സ്ഥി​തി​യെ സ്വാ​ധീ​നി​ക്കു​ന്ന വ്യ​ക്തി​പ​ര​മാ​യ തി​ര​ഞ്ഞെ​ടു​പ്പു​ക​ൾ​ക്ക്​ ആ​ളു​ക​ളെ പ്ര​ചോ​ദി​പ്പി​ക്കു​ക​യാ​ണ് ല​ക്ഷ്യം -മ​ർ​ജാ​ൻ ഫ​റൈ​ദൂ​നി കൂ​ട്ടി​ച്ചേ​ർ​ത്തു.

പ്ര​ശ​സ്ത ആ​ർ​ക്കി​ടെ​ക്റ്റു​ക​ൾ രൂ​പ​ക​ൽ​പ​ന ചെ​യ്ത ഈ ​പ​വി​ലി​യ​ൻ സു​സ്ഥി​ര കെ​ട്ടി​ട രൂ​പ​ക​ൽ​പ​ന​ക്ക്​ മാ​തൃ​ക​യാ​ണ്. വ​രും ത​ല​മു​റ​ക്ക് സു​സ്ഥി​ര തി​ര​ഞ്ഞെ​ടു​പ്പു​ക​ൾ​ക്ക് പ്ര​ചോ​ദ​നം ന​ൽ​കു​ന്ന സ​യ​ൻ​സ് സെൻറ​ർ എ​ന്ന നി​ല​യി​ലാ​ണ് പ​വി​ലി​യ​ൻ രൂ​പ​ക​ൽ​പ​ന ചെ​യ്ത​ത്. മെ​ച്ച​പ്പെ​ട്ട ആ​രോ​ഗ്യ-​സു​ര​ക്ഷ ന​ട​പ​ടി​ക​ൾ കാ​ര​ണം പ​രി​മി​ത​മാ​യ പ്ര​വ​ർ​ത്ത​ന സ​മ​യ​വും ശേ​ഷി നി​യ​ന്ത്ര​ണ​ങ്ങ​ളും ഉ​ണ്ട്. ആ​ഴ്ച​യി​ൽ അ​ഞ്ചു ദി​വ​സ​മാ​യി​രി​ക്കും പ്ര​വ​ർ​ത്ത​നം. ബു​ക്ക് ചെ​യ്യു​ന്ന​വ​ർ​ക്ക് മാ​ത്ര​മാ​ണ് പ്ര​വേ​ശ​നം. മി​ഡി​ലീ​സ്​​റ്റ്, ആ​ഫ്രി​ക്ക, ദ​ക്ഷി​ണേ​ഷ്യ (മി​യാ​സ) മേ​ഖ​ല​ക​ളി​ൽ ന​ട​ക്കു​ന്ന ആ​ദ്യ ലോ​ക എ​ക്‌​സ്‌​പോ​യാ​യി​രി​ക്കും ഇ​ത്. ഈ ​വ​ർ​ഷം ഒ​ക്ടോ​ബ​ർ ഒ​ന്നു​മു​ത​ൽ 2022 മാ​ർ​ച്ച് 31 വ​രെ​യാ​ണ് ദു​ബൈ എ​ക്സ്പോ 2020.