ദു​ബൈ ഫൂഡ്​ ഫെ​സ്റ്റി​വ​ൽ മെ​യ്​ ര​ണ്ടു​മു​ത​ൽ

ദു​ബൈ: ഭ​ക്ഷ്യ​പ്രേ​മി​ക​ൾ​ക്ക്​ ആ​വേ​ശം പ​ക​ർ​ന്ന്​ രു​ചി വൈ​വി​ധ്യ​ങ്ങ​ളു​ടെ മ​ഹാ​മേ​ള​യാ​യ ദു​ബൈ ഫു​ഡ്​ ഫെ​സ്റ്റി​വ​ൽ തി​രി​ച്ചെ​ത്തു​ന്നു. 13ദി​വ​സം നീ​ണ്ടു​നി​ൽ​ക്കു​ന്ന ഈ ​വ​ർ​ഷ​ത്തെ ഫെ​സ്റ്റി​വ​ൽ മെ​യ്​ ര​ണ്ടി​ന്​ ആ​രം​ഭി​ക്കും. മേ​ള​യു​ടെ 9ാമ​ത്​ എ​ഡി​ഷ​നാ​ണ്​ കോ​വി​ഡ്​ ഇ​ട​വേ​ള​ക്ക്​ ശേ​ഷം തി​രി​ച്ചെ​ത്തു​ന്ന​ത്. ലോ​ക​ത്തി​ന്‍റെ വ്യ​ത്യ​സ്ത ഭാ​ഗ​ങ്ങ​ളി​ൽ നി​ന്നു​ള്ള രു​ചി​വൈ​വി​ധ്യ​ങ്ങ​ളെ ആ​സ്വ​ദി​ക്കാ​ൻ ഫെ​സ്റ്റി​വ​ൽ അ​വ​സ​ര​മൊ​രു​ക്കും. അ​തോ​ടൊ​പ്പം ദു​ബൈ​യി​ലെ പ്രാ​ദേ​ശി​ക പാ​ച​ക​വി​ദ​ഗ്​​ധ​രു​ടെ മി​ക​വു​റ്റ​തും ആ​ധി​കാ​രി​ക​വു​മാ​യ പാ​ച​ക​രീ​തി​യും ആ​ശ​യ​ങ്ങ​ളും പ്ര​ദ​ർ​ശി​ക്ക​പ്പെ​ടു​ന്ന പ​രി​പാ​ടി കൂ​ടി​യാ​യി​രി​ക്കു​മി​ത്.

ലോ​ക​പ്ര​ശ​സ്ത​മാ​യ ഫൈ​ൻ ഡൈ​നി​ങ്​ റെ​സ്റ്റോ​റ​ന്‍റു​ക​ൾ ഭാ​ഗ​വാ​ക്കാ​വു​ന്ന ഫെ​സ്റ്റി​വ​ലി​ൽ പ്ര​മു​ഖ ഷെ​ഫു​മാ​രു​ടെ മാ​സ്റ്റ​ർ ക്ലാ​സ്സു​ക​ളും ന​ട​ക്കും. മേ​ള​യു​ടെ ഭാ​ഗ​മാ​യി ദു​ബൈ റെ​സ്റ്റ​റ​ന്‍റ്​ വീ​ക്ക് മെ​യ് 6 മു​ത​ൽ 15 അ​ര​ങ്ങേ​റും. ഈ ​ദി​വ​സ​ങ്ങ​ളി​ൽ ന​ഗ​ര​ത്തി​ലെ ഏ​റ്റ​വും അ​റി​യ​പ്പെ​ടു​ന്ന റെ​സ്റ്റോ​റ​ന്‍റു​ക​ൾ -ലോ​വെ, റെ​യ്ഫ് ജാ​പ്പ​നീ​സ് കു​ഷി​യാ​ക്കി, ഇ​ൻ​ഡോ​ചൈ​ൻ, വു​ഡ്ഫ​യ​ർ, ത​മോ​ക്ക എ​ന്നി​വ​യു​ൾ​പ്പെ​ടെ- പ്ര​ത്യേ​കം ക്യൂ​റേ​റ്റു​ചെ​യ്‌​ത ഡി​ന്ന​ർ മെ​നു​ക​ൾ ആ​ക​ർ​ഷ​ക​മാ​യ വി​ല​യി​ൽ ല​ഭ്യ​മാ​ക്കും. എ​ക്സ്​​പോ 2020ദു​ബൈ​യി​ൽ ഒ​രു​ക്കി​യ ഭ​ക്ഷ്യ വൈ​വി​ധ്യ​ങ്ങ​ളു​ടെ നി​ര​വ​ധി പ​രി​പാ​ടി​ക​ൾ​ക്ക്​ ശേ​ഷം എ​മി​റേ​റ്റി​ലെ താ​മ​സ​ക്കാ​ർ​ക്കും വി​നോ​ദ സ​ഞ്ചാ​രി​ക​ൾ​ക്കും ഈ​ദു​ൽ ഫി​ത്വ​റി​നൊ​പ്പം വ​ന്നു​ചേ​രു​ന്ന ഭ​ക്ഷ്യാ​ഘോ​ഷ​മാ​കും ദു​ബൈ ഫു​ഡ്​ ഫെ​സ്റ്റി​വ​ൽ.