ദു​ബൈ ആ​രോ​ഗ്യ വ​കു​പ്പി​ന്​ പു​തി​യ രൂ​പം

ദു​ബൈ: ആ​രോ​ഗ്യ രം​ഗ​ത്തെ പ്ര​വ​ർ​ത്ത​ന​ങ്ങ​ൾ സം​യോ​ജി​പ്പി​ക്കു​ന്ന​തി​ന്‍റെ ഭാ​ഗ​മാ​യി ദു​ബൈ അ​ക്കാ​ദ​മി​ക്​ ഹെ​ൽ​ത്ത്​ കോ​ർ​പ​റേ​ഷ​ൻ ഇ​നി മു​ത​ൽ ‘ദു​ബൈ ഹെ​ൽ​ത്ത്​’ എ​ന്ന പേ​രി​ലാ​യി​രി​ക്കും പ്ര​വ​ർ​ത്തി​ക്കു​ക.​ യു.​എ.​ഇ എ​ക്സി​ക്യൂ​ട്ടി​വ്​ ചെ​യ​ർ​മാ​നും ദു​ബൈ കി​രീ​ടാ​വ​കാ​ശി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂ​മാ​ണ്​ ഇ​ക്കാ​ര്യം പ്ര​ഖ്യാ​പി​ച്ച​ത്. ആ​രോ​ഗ്യം, വി​ദ്യാ​ഭ്യാ​സം, ഗ​വേ​ഷ​ണം എ​ന്നീ മേ​ഖ​ല​ക​ളി​ലു​ട​നീ​ള​മു​ള്ള ആ​രോ​ഗ്യ സം​ര​ക്ഷ​ണ മി​ക​വ്​ നി​ല​നി​ർ​ത്തു​ന്ന​തി​ൽ ദു​ബൈ നേ​തൃ​ത്വ​ത്തെ ഏ​കീ​ക​രി​ക്കാ​ൻ ല​ക്ഷ്യ​മി​ട്ടാ​ണ്​ പു​തി​യ മാ​റ്റ​മെ​ന്ന്​ അ​ദ്ദേ​ഹം എ​ക്സി​ൽ കു​റി​ച്ചു.

ആ​രോ​ഗ്യ മേ​ഖ​ല​ക​ളി​ൽ കൂ​ടു​ത​ൽ സ​ഹ​ക​ര​ണം ഉ​റ​പ്പു​വ​രു​ത്താ​ൻ പു​തി​യ തീ​രു​മാ​നം​ സ​ഹാ​യി​ക്കും. രോ​ഗി പ​രി​ച​ര​ണ​ത്തി​ന്‍റെ ഗു​ണ​നി​ല​വാ​രം വ​ർ​ധി​പ്പി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ്​ എ​മി​റേ​റ്റി​ലെ ആ​ദ്യ സം​യോ​ജി​ത അ​ക്കാ​ദ​മി​ക് ഹെ​ൽ​ത്ത് സി​സ്റ്റ​ത്തി​ന്​ സ​മാ​രം​ഭം കു​റി​ച്ച​തെ​ന്ന്​ ഹം​ദാ​ൻ പ​റ​ഞ്ഞു. പു​തി​യ ബ്രാ​ന്‍ഡ്​ ലോ​ഗോ​യും അ​ദ്ദേ​ഹം അ​വ​ത​രി​പ്പി​ച്ചി​ട്ടു​ണ്ട്. ​ പ​രി​ച​ര​ണം, പ​ഠ​നം, ക​ണ്ടു​പി​ടി​ത്തം എ​ന്നി​വ​യെ ​പ്ര​തി​നി​ധാ​നം ചെ​യ്യു​ന്ന​താ​ണ്​ ലോ​ഗോ​യു​ടെ രൂ​പ​ക​ൽ​പ​ന. മൂ​ന്ന്​ ക​മാ​ന​ങ്ങ​ൾ അ​ട​ങ്ങി​യ​ ​ലോ​ഗോ​യാ​ണ്​ സ്ഥാ​പി​ച്ചി​രി​ക്കു​ന്ന​ത്​.

കേ​ന്ദ്ര ക​മാ​നം രോ​ഗീ പ​രി​ച​ര​ണ​ത്തെ പ്ര​തി​നി​ധാ​നം ചെ​യ്യു​ന്നു. ദ്വി​തീ​യ​ ക​മാ​ന​ങ്ങ​ൾ പ​ഠ​ന​ത്തെ​യും ക​ണ്ടെ​ത്ത​ലി​നെ​യു​മാ​ണ്​ സൂ​ചി​പ്പി​ക്കു​ന്ന​ത്​. ഈ ​മൂ​ന്ന്​ ദൗ​ത്യ​ങ്ങ​ളു​ടെ സം​യോ​ജ​ന​ത്തി​ലൂ​ടെ ലോ​ക​ത്തെ മു​ൻ​നി​ര​യി​ലു​ള്ള അ​ക്കാ​ദ​മി​ക്​ ഹെ​ൽ​ത്ത്​ സം​വി​ധാ​ന​ങ്ങ​ളോ​ട്​ ചേ​ർ​ന്നു​നി​ൽ​ക്കാ​ൻ ദു​ബൈ​യി​ലെ ആ​രോ​ഗ്യ സം​വി​ധാ​ന​ങ്ങ​ൾ​ക്ക്​ ക​ഴി​യും.

ആ​റു ആ​ശു​പ​ത്രി​ക​ൾ, 26 ഔ​ട്ട്​​പേ​ഷ്യ​ന്‍റ്​ സ​ർ​വി​സ്​ സെ​ന്‍റ​റു​ക​ൾ, 20 മെ​ഡി​ക്ക​ൽ ഫി​റ്റ്​​ന​സ്​ സെ​ന്‍റ​റു​ക​ൾ എ​ന്നി​വ ഉ​ൾ​പ്പെ​ടെ സ​മ​ഗ്ര​മാ​യ ശൃം​ഖ​ല​ക​ളി​ൽ വ്യാ​പ​രി​ച്ചു കി​ട​ക്കു​ന്ന​താ​ണ്​ ദു​ബൈ ഹെ​ൽ​ത്ത്. മു​ഹ​മ്മ​ദ്​ ബി​ൻ റാ​ശി​ദ്​ യൂ​നി​വേ​ഴ്​​സി​റ്റി ഓ​ഫ്​ മെ​ഡി​സി​ൻ, ഹെ​ൽ​ത്ത്​ സ​യ​ൻ​സ​സ്, അ​ൽ ജാ​ലി​ല ഫൗ​ണ്ടേ​ഷ​ൻ തു​ട​ങ്ങി​യ സ്ഥാ​പ​ന​ങ്ങ​ളു​മാ​യു​ള്ള സ​ഹ​ക​ര​ണ​ത്തോ​ടെ ആ​രോ​ഗ്യ​ സം​വി​ധാ​ന​ങ്ങ​ൾ കൂ​ടു​ത​ൽ വി​പു​ല​പ്പെ​ടു​ത്താ​നാ​ണ്​ തീ​രു​മാ​നം.

പൊ​തു​ജ​ന​ങ്ങ​ൾ​ക്ക്​ ബ​ന്ധ​പ്പെ​ടാ​നു​ള്ള സൗ​ക​ര്യ​ങ്ങ​ൾ വി​പു​ല​പ്പെ​ടു​ത്തു​ന്ന​തി​നാ​യി ആ​ഴ്ച​യി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ടോ​ൾ ഫ്രീ ​ന​മ്പ​റോ​ട്​ കൂ​ടി​യ കാ​ൾ​സെ​ന്‍റ​റു​ക​ളും ഉ​പ​ഭോ​ക്​​തൃ സൗ​ഹൃ​ദ​പ​ര​മാ​യ ആ​പ്പും ദു​ബൈ ആ​രോ​ഗ്യ വ​കു​പ്പ്​ നേ​ര​ത്തേ അ​വ​ത​രി​പ്പി​ച്ചി​രു​ന്നു. ‘പേ​ഷ്യ​ന്‍റ്​ ഫ​സ്റ്റ്​’​എ​ന്ന​താ​ണ്​ ദു​ബൈ ഹെ​ൽ​ത്തി​ന്‍റെ മു​ദ്രാ​വാ​ക്യം.