ദുബൈ ഐ.എം.ജി വേൾഡ് താത്കാലികമായി അടച്ചു

ദുബൈ: റമദാൻ പ്രമാണിച്ച് മെയ് 6 വരെ ഐ.‌എം.‌ജി വേൾഡ് താത്കാലികമായി അടച്ചതായി മാനേജ്മെൻറ് അറിയിച്ചു. എങ്കിലും ഈ കാലയളവിൽ നോവോ സിനിമാസ് അടക്കില്ല.

പാർക്കുകളും സവാരികളും സുരക്ഷിതമായി സൂക്ഷിക്കുന്നതിനുള്ള നവീകരണ പദ്ധതികൾ ഇക്കാലത്ത് നടക്കും. എല്ലാവരേയും പരിരക്ഷിക്കുന്നതിനും പാർക്ക് സന്ദർശിക്കുമ്പോൾ അതിഥികൾക്ക് ലോകോത്തര അനുഭവം നൽകുന്നതിനുമാണ് ഈ മുൻകരുതൽ നടപടികൾ നടപ്പിലാക്കുന്നതെന്ന് ഐ.‌എം.‌ജി വേൾഡ് അധികൃതർ അറിയിച്ചു​ . ഇൗദിന് ഏതാനും ദിവസങ്ങൾക്ക് മുമ്പ് മെയ് 7 മുതൽ അതിഥികൾക്കായി പാർക്ക് വീണ്ടും തുറക്കും.