രാ​ജ്യ​ത്ത്​ ആ​ദ്യ വെ​ർ​ട്ടി​പോ​ർ​ട്ടി​ന്‍റെ രൂ​പ​രേ​ഖ​ക്ക്​ അം​ഗീ​കാ​രം

ദു​ബൈ: എ​മി​റേ​റ്റി​ൽ പ​റ​ക്കും ടാ​ക്സി​ക​ൾ​ക്കാ​യി നി​ർ​മി​ക്കു​ന്ന ആ​ദ്യ വെ​ർ​ട്ടി​പോ​ർ​ട്ടി​ന്‍റെ രൂ​പ​രേ​ഖ​ക്ക്​ അം​ഗീ​കാ​രം. ജ​ന​റ​ൽ സി​വി​ൽ ഏ​വി​യേ​ഷ​ൻ അ​തോ​റി​റ്റി​യാ​ണ് (ജി.​സി.​എ.​എ)​ സാ​​ങ്കേ​തി​ക രൂ​പ​രേ​ഖ​ക്ക്​ അം​ഗീ​കാ​രം ന​ൽ​കി​യ​താ​യി വെ​ളി​പ്പെ​ടു​ത്തി​യ​ത്.

രാ​ജ്യ​ത്തെ മാ​ന​ദ​ണ്ഡ​ങ്ങ​ൾ​ക്ക്​ അ​നു​സ​രി​ച്ച്​ ആ​ദ്യ​മാ​യാ​ണ്​ ഒ​രു വെ​ർ​ട്ടി​പോ​ർ​ട്ടി​ന്‍റെ രൂ​പ​രേ​ഖ​ക്ക്​ അം​ഗീ​കാ​രം ന​ൽ​കു​ന്ന​ത്. യു.​എ.​ഇ​യി​ലെ ആ​ദ്യ വാ​ണി​ജ്യാ​ടി​സ്ഥാ​ന​ത്തി​ലു​ള്ള വെ​ർ​ട്ടി​പോ​ർ​ട്ട്​ ദു​ബൈ ഇ​ന്റ​ർ​നാ​ഷ​ന​ൽ വെ​ർ​ട്ടി​പോ​ർ​ട്ട് (ഡി.​എ​ക്സ്.​വി) എ​ന്നാ​ണ​റി​യ​പ്പെ​ടു​ക. ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന് (ഡി.​എ​ക്സ്.​ബി) സ​മീ​പ​മാ​ണ്​ ഡി.​എ​ക്സ്.​വി​യു​ടെ സ്ഥാ​നം. 2026ൽ ​പ്ര​വ​ർ​ത്ത​നം ആ​രം​ഭി​ക്കാ​ൻ ഉ​ദ്ദേ​ശി​ക്കു​ന്ന പ​റ​ക്കും ടാ​ക്‌​സി​ക​ളു​ടെ ടേ​ക്ക് ഓ​ഫ്, ലാ​ൻ​ഡി​ങ്, സ​ർ​വി​സ് എ​ന്നി​വ​ക്കാ​ണി​ത്​ ഉ​പ​യോ​ഗി​ക്കു​ക.

ദു​ബൈ റോ​ഡ്‌ ഗ​താ​ഗ​ത അ​തോ​റി​റ്റി (ആ​ർ.​ടി.​എ), ജോ​ബി ഏ​വി​യേ​ഷ​നു​മാ​യി സ​ഹ​ക​രി​ച്ച് സ്കൈ​പോ​ർ​ട്‌​സ് വി​ക​സി​പ്പി​ക്കു​ന്ന എ​യ​ർ​ടാ​ക്സി അ​ടി​സ്ഥാ​ന സൗ​ക​ര്യ​ങ്ങ​ളി​ലെ നാ​ല് സൈ​റ്റു​ക​ളി​ൽ ആ​ദ്യ​ത്തേ​താ​ണ് ഡി.​എ​ക്സ്.​വി. 3100 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള ഈ ​വെ​ർ​ട്ടി​പോ​ർ​ട്ടി​ൽ പ്ര​തി​വ​ർ​ഷം 42,000 ലാ​ൻ​ഡി​ങ്ങു​ക​ളും 1,70,000 യാ​ത്ര​ക്കാ​രെ​യും കൈ​കാ​ര്യം ചെ​യ്യാ​ൻ ശേ​ഷി​യു​ണ്ടാ​കും.

ആ​ദ്യ എ​യ​ർ ടാ​ക്സി സ്റ്റേ​ഷ​ന്‍റെ പ്ര​വ​ർ​ത്ത​നം 2026 ആ​ദ്യ പാ​ദ​ത്തി​ൽ ആ​രം​ഭി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യി അ​ധി​കൃ​ത​ർ നേ​ര​ത്തേ അ​റി​യി​ച്ചി​രു​ന്നു. ദു​ബൈ ഇ​ൻ​റ​ർ​നാ​ഷ​ന​ൽ എ​യ​ർ​പോ​ർ​ട്ട്, ഡൗ​ൺ​ടൗ​ൺ, ദു​ബൈ മ​റീ​ന, പാം ​ജു​മൈ​റ എ​ന്നി​വ​യു​ൾ​പ്പെ​ടെ ദു​ബൈ​യി​ലെ ത​ന്ത്ര​പ്ര​ധാ​ന​മാ​യ നാ​ല് ലാ​ൻ​ഡി​ങ്​ സൈ​റ്റു​ക​ളാ​ണ്​ ആ​ദ്യ ഘ​ട്ട​ത്തി​ൽ ഉ​ൾ​പ്പെ​ടു​ന്ന​ത്. സേ​വ​നം ന​ട​പ്പാ​ക്കു​ന്ന​തി​ന്​ ജോ​ബി ഏ​വി​യേ​ഷ​ൻ ആ​ർ.​ടി.​എ​യു​മാ​യി ക​ഴി​ഞ്ഞ വ​ർ​ഷാ​ദ്യ​ത്തി​ൽ ക​രാ​ർ ഒ​പ്പി​ട്ടി​രു​ന്നു. മ​ണി​ക്കൂ​റി​ൽ 200 മൈ​ൽ വ​രെ വേ​ഗ​ത്തി​ൽ ഒ​രു പൈ​ല​റ്റി​നെ​യും നാ​ല് യാ​ത്ര​ക്കാ​രെ​യും വ​ഹി​ക്കാ​ൻ ക​ഴി​യു​ന്ന​താ​ണ്​ ക​മ്പ​നി​യു​ടെ എ​യ​ർ ടാ​ക്സി​ക​ൾ.

കാ​റി​ൽ 45 മി​നി​റ്റ് യാ​ത്ര ചെ​യ്യു​ന്ന ദൂ​രം 10 മി​നി​റ്റി​ൽ പ​റ​ക്കും ടാ​ക്സി​യി​ൽ എ​ത്തി​ച്ചേ​രാ​നാ​കും. മ​ണി​ക്കൂ​റി​ൽ 321കി.​മീ​റ്റ​ർ വേ​ഗ​ത്തി​ൽ വ​രെ സ​ഞ്ച​രി​ക്കാ​നു​മാ​വും. 2027ഓ​ടെ യു.​എ.​ഇ​യി​ല്‍ത​ന്നെ നി​ർ​മി​ക്കു​ന്ന എ​യ​ര്‍ടാ​ക്‌​സി​ക​ളു​ടെ പ്ര​വ​ർ​ത്ത​നം തു​ട​ങ്ങു​മെ​ന്ന്​ നേ​ര​ത്തേ യു.​എ​സ് ക​മ്പ​നി​യാ​യ ഒ​ഡീ​സ് ഏ​വി​യേ​ഷ​ൻ വെ​ളി​പ്പെ​ടു​ത്തി​യി​രു​ന്നു. ഹ്ര​സ്വ​ദൂ​ര യാ​ത്ര​ക​ള്‍ക്കും ചെ​റി​യ തോ​തി​ലു​ള്ള ച​ര​ക്ക് നീ​ക്ക​ത്തി​നും അ​ടി​യ​ന്ത​ര സേ​വ​ന​ങ്ങ​ള്‍ക്കു​മാ​യി രൂ​പ​ക​ൽ​പ​ന ചെ​യ്ത ഹൈ​ബ്രി​ഡ് -ഇ​ല​ക്ട്രി​ക് വെ​ര്‍ട്ടി​ക്ക​ല്‍ ടേ​ക്ക് ഓ​ഫ് ആ​ന്‍ഡ് ലാ​ന്‍ഡി​ങ്​ വി​മാ​ന​ങ്ങ​ളാ​ണ് ക​മ്പ​നി പ്ര​ത്യേ​കം നി​ർ​മി​ക്കു​ക. നെ​ക്സ്റ്റ് ജെ​ന്‍ എ​ഫ്.​ഡി.​ഐ എ​ന്ന പേ​രി​ൽ യു.​എ.​ഇ​യു​ടെ നി​ക്ഷേ​പ സൗ​ഹാ​ര്‍ദ പ​ദ്ധ​തി​യി​ല്‍ ഒ​ഡീ​സ് ഏ​വി​യേ​ഷ​ന്‍ ഔ​ദ്യോ​ഗി​ക​മാ​യി ചേ​ര്‍ന്ന​താ​യും സാ​മ്പ​ത്തി​ക മ​ന്ത്രാ​ല​യം അ​റി​യി​ച്ചി​രു​ന്നു.

ഇ​ത് യു.​എ.​ഇ​യി​ല്‍ ര​ണ്ടാ​യി​ര​ത്തി​ലേ​റെ തൊ​ഴി​ല​സ​ര​ങ്ങ​ളു​ണ്ടാ​ക്കും. യു.​എ.​ഇ​യി​ല്‍ നി​ർ​മി​ച്ച ആ​ദ്യ എ​യ​ര്‍ടാ​ക്‌​സി​യു​ടെ ക​യ​റ്റു​മ​തി​യും ഇ​തി​ലൂ​ടെ സാ​ധ്യ​മാ​കും.