വെ​യ​ർ​ഹൗ​സു​ക​ളി​ൽ നേ​രി​ട്ട്​ ക​സ്റ്റം​സ്​ പ​രി​ശോ​ധ​ന​ക്ക്​ തു​ട​ക്കം

ദു​ബൈ: എ​മി​റേ​റ്റി​ലെ കോ​ർ​പ​റേ​റ്റ്​ ക​മ്പ​നി​ക​ൾ​ക്ക്​ വെ​യ​ർ​ഹൗ​സു​ക​ളി​ൽ വെ​ച്ചു​ത​ന്നെ ക​സ്റ്റം​സ്​ പ​രി​​ശോ​ധ​ന​ക​ൾ പൂ​ർ​ത്തീ​ക​രി​ക്കാ​നു​ള്ള സം​രം​ഭ​ത്തി​ന്​ തു​ട​ക്ക​മി​ട്ട്​ പോ​ർ​ട്ട്, ക​സ്റ്റം​സ്, ഫ്രീ ​സോ​ൺ കോ​ർ​പ​റേ​ഷ​ൻ (പി.​സി.​എ​ഫ്.​സി). തി​ങ്ക​ളാ​ഴ്ച അ​രാ​മ​ക്സി​ന്‍റെ​ വെ​യ​ർ ഹൗ​സി​ൽ സം​രം​ഭം ഉ​ദ്​​ഘാ​ട​നം ചെ​യ്തു.

പു​തി​യ സം​രം​ഭ​ത്തി​ലൂ​ടെ ക​സ്റ്റം​സ്​ ന​ട​പ​ടി​ക്ര​മ​ങ്ങ​ൾ​ക്കു​ള്ള സ​മ​യം 50 ശ​ത​മാ​നം വ​രെ കു​റ​ക്കു​ന്ന​തി​നൊ​പ്പം പ്ര​വ​ർ​ത്ത​ന​ങ്ങ​ൾ കാ​ര്യ​ക്ഷ​മ​മാ​ക്കു​ക​യും വി​ത​ര​ണ ശൃം​ഖ​ല​യു​ടെ കാ​ര്യ​ക്ഷ​മ​ത ത്വ​രി​ത​പ്പെ​ടു​ത്തു​ക​യും ചെ​യ്യു​മെ​ന്ന്​ അ​ധി​കൃ​ത​ർ അ​റി​യി​ച്ചു. കോ​ർ​പ​റേ​റ്റ്​ ആ​വ​ശ്യ​ങ്ങ​ൾ അ​ഭി​മു​ഖീ​ക​രി​ക്കു​ന്ന​തി​നാ​യി ഇ​ഷ്​​ടാ​നു​സ​ര​ണം തി​ര​ഞ്ഞെ​ടു​ക്കാ​വു​ന്ന ര​ണ്ട്​ രീ​തി​യി​ലു​ള്ള പ​രി​ശോ​ധ​ന സം​വി​ധാ​ന​ങ്ങ​ളാ​ണ്​​ ന​ട​പ്പാ​ക്കു​ക.

പ​തി​വ്​ പ​രി​ശോ​ധ​ന ആ​വ​ശ്യ​മാ​യ, ഉ​യ​ർ​ന്ന അ​ള​വി​ൽ സാ​ധ​ന​ങ്ങ​ൾ സൂ​ക്ഷി​ക്കു​ന്ന വെ​യ​ർ​ഹൗ​സു​ക​ളെ പി​ന്തു​ണ​ക്കു​ന്ന​തി​നാ​യി പ​രി​സ​ര​ങ്ങ​ളി​ൽ ഉ​ദ്യോ​ഗ​സ്ഥ​ർ സ്ഥി​ര​മാ​യി നി​ല​യു​റ​പ്പി​ക്കു​ന്ന​താ​ണ്​ ഒ​രു രീ​തി. സ്ഥാ​പ​ന​ത്തി​ന്‍റെ ആ​വ​ശ്യം അ​നു​സ​രി​ച്ച്​ ക​സ്റ്റം​സ്​ ഉ​ദ്യോ​ഗ​സ്ഥ​ർ വെ​യ​ർ ഹൗ​സി​ലെ​ത്തി പ​രി​ശോ​ധ​ന പൂ​ർ​ത്തി​യാ​ക്കു​ന്ന​താ​ണ്​ മ​റ്റൊ​രു രീ​തി.

ഷി​പ്പ്​​മെ​ന്‍റ്​ ന​ട​പ​ടി​ക​ളു​ടെ സ​മ​യ​വും കാ​ല​താ​മ​സ​വും ഇ​തു വ​ഴി 50 ശ​ത​മാ​നം വ​രെ കു​റ​ക്കാ​ൻ സ​ഹാ​യ​ക​മാ​വും. കൂ​ടാ​തെ ഒ​രു ഷി​പ്പ്​​മെ​ന്‍റി​ൽ ക​സ്റ്റം​സ്​ ന​ട​പ​ടി​ക​ൾ​ക്കാ​യി എ​ടു​ത്തി​രു​ന്ന ന​ട​പ​ടി​ക​ളു​ടെ സ​മ​യം അ​ഞ്ച്​ മ​ണി​ക്കൂ​ർ വ​രെ ലാ​ഭി​ക്കാ​നും ക​ഴി​യു​മെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.