ദുബൈ മറീനയിൽ തീപിടിത്തം; ആളപായമില്ല

ദുബൈ: ശനിയാഴ്​ച പുലർച്ചെ ദുബൈ മറീനയിലെ റെസിഡൻഷ്യൽ ടവറിൽ തീപിടിത്തം. പുലർച്ചെ നാലുമണിയോടെ മറീന ഡയമണ്ട്​ ടവർ-2ലാണ്​ സംഭവം. അൽ മറസ സ്​റ്റേഷനിൽനിന്ന്​ അഗ്​നിശമന സേനാംഗങ്ങളെത്തി തീ നിയന്ത്രണവിധേയമാക്കി. സംഭവത്തിൽ ആർക്കും പരിക്കില്ലെന്ന്​ ദുബൈ സിവിൽ ഡിഫൻസ്​ വിഭാഗം അറിയിച്ചു. അപകടമുണ്ടായ ഉടൻ കെട്ടിടത്തിലെ മുഴുവൻ താമസക്കാരെയും ഒഴിപ്പിച്ചു.

കെട്ടിടത്തി​െൻറ 11ാം നിലയിലെ തീപിടിത്തം ഒമ്പത്​ മുതൽ 15 വരെ നിലകളിലേക്ക്​ വ്യാപിച്ചു. മറ്റു സ്​റ്റേഷനുകളിൽനിന്ന്​ അഗ്​നിശമനസേനാംഗങ്ങൾ രക്ഷാപ്രവർത്തനത്തിന്​ എത്തി. രാവിലെ 5.24ഓ​ടെ തീ നിയന്ത്രണവിധേയമായി. അപകടകാരണം തേടി പരിശോധന ആരംഭിച്ചു. ദുബൈ പൊലീസി​െൻറ ദുരന്തനിവാരണ കേന്ദ്രവുമായി സഹകരിച്ച്​ അപകടമുണ്ടായ അപാർട്ട്​മെൻറുകളിലെ താമസക്കാർക്ക്​ താൽക്കാലിക സൗകര്യം ഒരുക്കിനൽകി.