ന​വീ​ക​ര​ണം പൂ​ർ​ത്തീ​ക​രി​ച്ച്​ ദു​ബൈ മാ​രി ടൈം ​സി​റ്റി

ദു​ബൈ: ദു​ബൈ മാ​രി​ടൈം സി​റ്റി​യു​ടെ ശേ​ഷി വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട്​ ന​ട​ത്തി​വ​ന്ന അ​ടി​സ്ഥാ​ന സൗ​ക​ര്യ വി​ക​സ​ന പ്ര​വൃ​ത്തി​ക​ൾ പൂ​ർ​ത്തി​യാ​യി. പ്ര​തി​വ​ർ​ഷം 1000 ക​പ്പ​ലു​ക​ളെ വ​രെ ഉ​ൾ​ക്കൊ​ള്ളാ​ൻ ക​ഴി​യു​ന്ന രീ​തി​യി​ലാ​ണ്​ വി​ക​സ​നം പൂ​ർ​ത്തീ​ക​രി​ച്ച​ത്. പ്ര​തി​വ​ർ​ഷം 400 ക​പ്പ​ലു​ക​ളെ ഉ​ൾ​ക്കൊ​ള്ളാ​നു​ള്ള ശേ​ഷി​യാ​യി​രു​ന്നു നേ​ര​ത്തേ​യു​ണ്ടാ​യി​രു​ന്ന​ത്.

നി​ല​വി​ലെ ഷി​പ്പ്​ ലി​ഫ്​​റ്റു​ക​ളു​ടെ ശേ​ഷി കൂ​ട്ടു​ക, പു​തി​യ ക​പ്പ​ൽ ചാ​ലു​ക​ളു​ടെ നി​ർ​മാ​ണം, വൈ​ദ്യു​തി വി​ത​ര​ണം എ​ന്നീ മേ​ഖ​ല​ക​ളി​ലാ​ണ്​​ സ​മ​ഗ്ര​വി​ക​സ​നം പൂ​ർ​ത്തീ​ക​രി​ച്ച​ത്​. ന​വീ​ക​ര​ണം പൂ​ർ​ത്തി​യാ​യ​തോ​ടെ 3000 ട​ൺ ഷി​പ്പ്​ ലി​ഫ്​​റ്റ്​ ചെ​യ്തി​രു​ന്ന സ്ഥാ​ന​ത്ത്​ 6,000 ട​ൺ ആ​യി ഉ​യ​ർ​ത്താ​നും ദു​ബൈ മാ​രി​ടൈം സി​റ്റി​ക്ക്​ ക​ഴി​യും.

ആ​ഗോ​ള സ​മു​ദ്ര ഗ​താ​ഗ​ത രം​ഗ​ത്ത്​ ദു​ബൈ​യു​ടെ സ്ഥാ​നം ശ​ക്തി​പ്പെ​ടു​ത്തു​ക​യും എ​മി​റേ​റ്റി​ന്‍റെ സാ​മ്പ​ത്തി​ക വ​ള​ർ​ച്ച​യി​ൽ ന​ൽ​കി വ​രു​ന്ന സം​ഭാ​വ​ന​ക​ൾ വ​ർ​ധി​പ്പി​ക്കാ​ൻ ഇ​ത്​ സ​ഹാ​യ​ക​മാ​വും. ദു​ബൈ സാ​മ്പ​ത്തി​ക അ​ജ​ണ്ട​യാ​യ ഡി33​യോ​ട്​ ചേ​ർ​ന്നു നി​ൽ​ക്കു​ന്ന​താ​ണ്​ പു​തി​യ വി​ക​സ​ന പ​ദ്ധ​തി​ക​ൾ.

249 ഹെ​ക്ട​റി​ൽ വ്യാ​പി​ച്ചു കി​ട​ക്കു​ന്ന​താ​ണ്​ ദു​ബൈ മാ​രി​ടൈം സി​റ്റി​യു​ടെ ബെ​ർ​ത്ത്​ പ്ലാ​റ്റ്​​ഫോം. മേ​ഖ​ല​യി​ലെ ഏ​റ്റ​വും പ്ര​മു​ഖ സ​മു​ദ്ര ക്ല​സ്റ്റ​റാ​ണ്​ ദു​ബൈ മാ​രി​ടൈം സി​റ്റി​യു​ടേ​ത്. ആ​ഡം​ബ​ര യാ​ട്ടു​ക​ൾ, വാ​ണി​ജ്യ ക​പ്പ​ലു​ക​ളു​ടെ നി​ർ​മാ​ണം, അ​റ്റ​കു​റ്റ​പ്പ​ണി എ​ന്നി​വ​ക്കാ​യി ഏ​റ്റ​വും മി​ക​ച്ച സേ​വ​ന​ങ്ങ​ളാ​ണ്​ ദു​ബൈ മാ​രി​ടൈം സി​റ്റി വാ​ഗ്ദാ​നം ചെ​യ്യു​ന്ന​ത്.

ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ ബെ​ർ​ത്തി​ന്‍റെ ശേ​ഷി 16 ശ​ത​മാ​നം വ​ർ​ധി​പ്പി​ച്ച്​ 296 ക​പ്പ​ലു​ക​ൾ നി​ർ​ത്തി​യി​ടാ​ൻ മാ​രി​ടൈം സി​റ്റി​യി​ൽ ക​ഴി​യും. ക​പ്പ​ൽ ലി​ഫ്​​റ്റ്​ ന​വീ​ക​ര​ണ​ത്തി​ന്​ പു​റ​മെ നാ​ല്​ സെ​റ്റ്​ ക​പ്പ​ൽ കാ​ർ​ഡി​ലു​ക​ൾ നി​ർ​മി​ക്കു​ന്ന​തി​നാ​യി ഡി.​എം.​സി ഇ.​പി.​സി​യു​മാ​യി ക​രാ​റി​ലെ​ത്തി​യി​രു​ന്നു. ഇ​തി​ൽ ആ​ദ്യ ര​ണ്ട്​ സെ​റ്റു​ക​ളു​ടെ ഉ​ദ്​​ഘാ​ട​നം ന​ട​ത്തി​യി​രു​ന്നു. ഇ​തു വ​ഴി 140 മീ​റ്റ​ർ വ​രെ നീ​ള​മു​ള്ള 6000 ​ട​ൺ വ​രെ ഭാ​ര​മു​ള്ള ക​പ്പ​ലു​ക​ളെ ഉ​ൾ​ക്കൊ​ള്ളാ​നാ​വും.