ദുബൈ മെട്രോക്ക്​ 50 പുതിയ ട്രെയിനുകൾ കൂടി

ദുബൈ: ദുബൈ മെട്രോയുടെ പ്രവർത്തനം വിപുലീകരിക്കുന്നതി​െൻറ ഭാഗമായി 50 പുതിയ ട്രെയിനുകൾ കൂടി വരുന്നു.ഇതിൽ 15 എണ്ണം എക്​സ്​പോ നഗരിയിലേക്കുള്ള യാത്രക്കായിരിക്കും ഉപയോഗിക്കുക. ആർ.ടി.എ ഡയറക്​ടർ ജനറൽ മത്താർ അൽതായറാണ്​ ഇക്കാര്യം പ്രഖ്യാപിച്ചത്​.നിലവിലുള്ളവയെ അപേക്ഷിച്ച്​ സവിശേഷതകളോടെയാണ്​ പുതിയ ട്രെയിൻ എത്തുന്നത്​.

ഇൻറീരിയർ ഡിസൈനിൽ ഉൾപ്പെടെ മാറ്റമുണ്ട്​. നിലവിലുള്ള ട്രെയിനുകളെക്കാൾ വിസ്​താരം ഉൾഭാഗത്തിനുണ്ട്​​.അവസാന കാബിൻ​ വനിതകൾക്കും കുട്ടികൾക്കുമായി നീക്കിവെച്ചിരിക്കുന്നു. ഗോൾഡ്​ കാർഡ്​ ഉപഭോക്താക്കൾക്കായാണ്​ ആദ്യ കാബിൻ​. മറ്റു​ ​കാബിനുകൾ സിൽവർ ഉപഭോക്താക്കൾക്കായി തുടരും. ഗോൾഡ്​ കാബിനുകളിലെ സീറ്റുകൾ വ്യത്യസ്​തമായിരിക്കും. എല്ലാ കാബിനുകളിലെയും സീറ്റുകൾക്ക്​ നീളം കൂട്ടിയിട്ടുണ്ട്​. ഇതോടെ എട്ടു ശതമാനം കൂടുതൽ ആളുകളെ ഉൾക്കൊള്ളാൻ കഴിയും. നിലവിൽ 643 യാത്രക്കാരെ വഹിക്കാനാണ്​ ഓരോ ട്രെയിനുകൾക്കും ശേഷിയുള്ളത്​. ഇത്​ 696 ആയി ഉയരും.

ഡിജിറ്റൽ പരസ്യങ്ങൾ നൽകാൻ താൽപര്യമുള്ളവർക്ക്​ കൂടുതൽ അവസരം ലഭിക്കുന്നതിനുള്ള സജ്ജീകരണം പുതിയ ട്രെയിനിലുണ്ട്​.ലൈറ്റുകളിലും സ്​ക്രീനുകളിലും എൽ.ഇ.ഡി സാ​ങ്കേതികവിദ്യ ഉപയോഗിച്ചിരിക്കുന്നതിനാൽ വൈദ്യുതി ലാഭിക്കാനാവും.യാത്രക്കാർക്ക്​ ഉപകാരപ്പെടുന്നവിധം ലഗേജ്​ വെക്കാനുള്ള സൗകര്യം വർധിപ്പിച്ചിട്ടുണ്ട്​. നിശ്ചയദാർഢ്യക്കാർക്ക്​ അനായാസം ട്രെയിനിനുള്ളിൽ പ്രവേശിക്കാൻ കഴിയും.എന്നാൽ, പുറമെയുള്ള കാഴ്​ചയിൽ പുതിയ ട്രെയിനി​െൻറ രൂപത്തിൽ മാറ്റംവരുത്തിയിട്ടില്ല. ദുബൈ മെട്രോയുടെ എല്ലാ ​​ട്രെയിനുകൾക്കും ഏകരൂപം നൽകുന്നതി​െൻറ ഭാഗമായാണിത്​.

റാഷിദീയയിലെയും ജബൽ അലിയിലെയും മെട്രോ ഡിപ്പോകളിലാണ്​ ട്രെയിനുകൾ നിലവിൽ നിർത്തിയിട്ടിരിക്കുന്നത്​. മൂന്നു​ ഘട്ടങ്ങളിലായി നടക്കുന്ന പരിശോധനകൾക്കു ശേഷമായിരിക്കും ട്രെയിനുകൾ എക്​സ്​പോ 2020 റൂട്ടിൽ സർവിസ്​ നടത്തുക. മൂന്നാം ഘട്ടത്തിൽ 14 തവണ യാത്രക്കാരില്ലാ​െത ​മെട്രോ സർവിസ്​ നടത്തും.