ദുബൈ എക്​സ്​പോ 2020 മെട്രോ സ്​റ്റേഷൻ തുറന്നു

ദുബൈ: അറബ്​ ലോക​ത്തെ ഏറ്റവും വലിയ ഉത്സവമാകാനൊരുങ്ങുന്ന എക്​സ്​പോ 2020യിലേക്ക്​​ ദുബൈ മെട്രോ കുതിപ്പ്​ തുടങ്ങി. കോടിക്കണക്കിന്​ സന്ദർകരെ വരവേൽകാനൊരുങ്ങുന്ന 'എക്​പോ മെട്രോ സ്​റ്റേഷൻ' ചൊവ്വാഴ്​ച തുറന്നു. ഇതോടൊപ്പം ദുബൈ ഇൻവസ്​റ്റ്​മെൻറ്​ പാർക്ക്​ സ്​റ്റേഷനും തുറന്നിട്ടുണ്ട്​. ഇതോടെ എക്​സ്​പോ വേദിയിലേക്ക്​ നിർമിച്ച ആറ്​ സ്​റ്റേഷനുകളിൽ അഞ്ചെണ്ണവും പ്രവർത്തനം തുടങ്ങി. ജുമൈറ ഗോൾഫ്​ എസ്​റ്റേറ്റ്​ സ്​റ്റേഷൻ മാത്രമാണ്​ ഇനി തുറക്കാനുള്ളത്​.

അതേസമയം, നിലവിൽ എല്ലാ യാത്രികർക്കും എക്​സ്​പോ സ്​റ്റേഷനിലേക്ക്​ യാത്ര ചെയ്യാൻ അനുവാദമില്ല. എക്​സ്​പോയുമായി ബന്ധപ്പെട്ട്​ പ്രവർത്തിക്കുന്നവർക്ക്​ മാത്രമാണ്​ അനുമതി. മറ്റുള്ളവർക്ക്​ എക്​സ്​പോ തുടങ്ങുന്ന ഒക്​ടോബർ ഒന്ന്​ മുതൽ ഈ സ്​റ്റേഷനിലെത്താം.

യു.എ.ഇ എക്​സ്​ചേഞ്ചിന്​ പകരം എക്​സ്​പോ സ്​റ്റേഷൻ

വർഷങ്ങളായി മെട്രോ യാ​ത്രികർ സ്​ഥിരം കേൾക്കുന്ന രണ്ട്​ പേരുകളാണ്​ റാശിദിയയും യു.എ.ഇ എക്​സ്​ചേഞ്ചും. മെട്രോ റെഡ്​ ലൈൻ തുടങ്ങുന്നതും സമാപിക്കുന്നതും ഈ സ്​റ്റേഷനുകളിലാണ്​. എന്നാൽ, ഇനിമുതൽ യു.എ.ഇ എക്​സ്​​േചഞ്ചി​െൻറ സ്​ഥാനത്ത്​ എക്​സ്​പോ 2020 ഇടംപിടിക്കും. റാശിദീയയിൽ നിന്ന്​ എക്​സ്​പോ സ്​റ്റേഷനിലേക്കായിരിക്കും മെട്രോയുടെ നേരിട്ടുള്ള യാത്ര. സ്​ക്രീനുകളിൽ യു.എ.ഇ എക്​സ്​​േചഞ്ച്​ എന്നതിന്​ പകരം തെളിയുന്നത്​ എക്​സ്​പോ 2020 എന്നായിരിക്കും. യു.എ.ഇ എക്​സ്ചേഞ്ചിലേക്കുള്ള യാത്രികർ ജബൽ അലി സ്​റ്റേഷനിൽ ഇറങ്ങിയ ശേഷം മാറിക്കയറണം. ജബൽ അലി സ്​റ്റേഷനായിരിക്കും ഇൻറർചേഞ്ച്​ സ്​റ്റേഷൻ.

ഗ്രീൻ ലൈനി​ലെ സർവീസ്​ തുടങ്ങുന്ന സമയം 5.30ൽ നിന്ന്​ അഞ്ച്​ മണിയായി മാറ്റിയിട്ടുണ്ട്​. വെള്ളിയാഴ്​ചകളിൽ രാവിലെ പത്ത്​ മുതലായിരിക്കും സർവീസ്​. റെഡ്​ ലൈനുകളിലും രാവിലെ അഞ്ച്​ മുതൽ രാത്രി 12 വരെ സർവീസുണ്ടാവും. വെള്ളിയാഴ്​ചകളിൽ രാവിലെ പത്ത്​ മുതലായിരിക്കും സർവീസ്