തൊഴിലാളികൾക്ക് വെള്ളവും ജ്യൂസും നൽകി ദുബൈ പൊലീസ്​

ദുബൈ: എ​മി​റേ​റ്റി​ലെ 600ല​ധി​കം തൊ​ഴി​ലാ​ളി​ക​ൾ​ക്ക്​ ക​ന​ത്ത ചൂ​ടി​ൽ ആ​ശ്വാ​സം പ​ക​ർ​ന്ന്​ ദു​ബൈ പൊ​ലീ​സ്. ജ​ല​സ​ഹാ​യം എ​ന്ന​ർ​ഥ​മു​ള്ള ‘സ​ഖി​യ’ സം​രം​ഭ​ത്തി​ന്‍റെ ഭാ​ഗ​മാ​യി തൊ​ഴി​ലാ​ളി​ക​ൾ​ക്ക് വെ​ള്ള​വും ജ്യൂ​സു​മാ​ണ്​ പൊ​ലീ​സി​ന്‍റെ മ​നു​ഷ്യാ​വ​കാ​ശ വ​കു​പ്പ്​ വി​ത​ര​ണം ചെ​യ്ത​ത്. ​വേ​ന​ൽ​ച്ചൂ​ടി​ന്‍റെ ആ​ഘാ​തം ല​ഘൂ​ക​രി​ക്കാ​നും ദു​ബൈ സ​മൂ​ഹ​ത്തി​ൽ അ​നു​ക​മ്പ​യു​ടെ​യും ഉ​ദാ​ര​ത​യു​ടെ​യും മൂ​ല്യ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​നു​മാ​ണ്​ പൊ​ലീ​സി​ന്‍റെ സം​രം​ഭം ല​ക്ഷ്യ​മി​ടു​ന്ന​ത്. മ​റ്റു​ള്ള​വ​രെ സ​ഹാ​യി​ച്ചു​കൊ​ണ്ട്​ സാ​ഹോ​ദ​ര്യ​ത്തി​ന്‍റെ​യും മാ​ന​വി​ക​ത​യു​ടെ​യും മ​നോ​ഭാ​വം വ​ള​ർ​ത്തു​ന്ന​തി​നു​ള്ള ഉ​ത്ത​ര​വാ​ദി​ത്ത​ത്തി​ൽ നി​ന്ന് രൂ​പ​പ്പെ​ടു​ത്തി​യ ക​മ്യൂ​ണി​റ്റി പ​രി​പാ​ടി​ക​ളു​ടെ ഭാ​ഗ​മാ​ണ് സം​രം​ഭ​മെ​ന്ന് പൊ​ലീ​സ്​ മ​നു​ഷ്യാ​വ​കാ​ശ വി​ഭാ​ഗ​ത്തി​ലെ തൊ​ഴി​ലാ​ളി അ​വ​കാ​ശ വ​കു​പ്പ്​ മേ​ധാ​വി മേ​ജ​ർ ഹ​മ​ദ് അ​ൽ ശം​സി പ​റ​ഞ്ഞു. താ​പ​നി​ല ഉ​യ​രു​ന്ന സാ​ഹ​ച​ര്യ​ത്തി​ൽ പു​റ​ത്ത് ജോ​ലി ചെ​യ്യു​ന്ന​വ​ർ​ക്ക് ചൂ​ടി​ൽ നി​ന്ന് ആ​ശ്വാ​സം ല​ഭി​ക്കാ​ൻ യു.​എ.​ഇ നി​ര​വ​ധി സം​രം​ഭ​ങ്ങ​ൾ ആ​രം​ഭി​ച്ചി​ട്ടു​ണ്ട്. ആ​രോ​ഗ്യ പ​രി​ശോ​ധ​ന​ക​ൾ, വി​ശ്ര​മ കേ​ന്ദ്ര​ങ്ങ​ൾ, സൗ​ജ​ന്യ ഐ​സ്ക്രീം, ഉ​ച്ച​ഭ​ക്ഷ​ണം എ​ന്നി​വ ഇ​തി​ൽ ഉ​ൾ​പ്പെ​ടും. എ​മി​റേ​റ്റ്‌​സ് റെ​ഡ് ക്ര​സ​ന്‍റ് (ഇ.​ആ​ർ.​സി) ‘ദ ​വാ​ട്ട​ർ എ​യ്ഡ് ഇ​നി​ഷ്യേ​റ്റി​വ്’ എ​ന്ന പേ​രി​ൽ കാ​മ്പ​യി​നും ആ​രം​ഭി​ച്ചി​ട്ടു​ണ്ട്. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) ക​ഴി​ഞ്ഞ ദി​വ​സ​ങ്ങ​ളി​ൽ ചി​ല മെ​ട്രോ സ്റ്റേ​ഷ​നു​ക​ളി​ൽ യാ​ത്ര​ക്കാ​ർ​ക്ക്​ ഐ​സ്ക്രീം വി​ത​ര​ണ​വും ന​ട​ത്തി​യി​രു​ന്നു.