ദുബൈ പൊലീസ്​ വിവരം നൽകി; കാനഡയിൽ 2486 കിലോ കറുപ്പ്​ പിടിച്ചെടുത്തു

ദു​ബൈ: കാ​ന​ഡ​യി​ലേ​ക്ക്​ ക​പ്പ​ലി​ൽ ക​ട​ത്തു​ക​യാ​യി​രു​ന്ന 2486 കി​ലോ ഗ്രാം ​ക​റു​പ്പ്​ പി​ടി​കൂ​ടി. ദു​ബൈ പൊ​ലീ​സ്​ ന​ൽ​കി​യ വി​വ​രം പി​ന്തു​ട​ർ​ന്ന്​ ക​നേ​ഡി​യ​ൻ അ​ധി​കൃ​ത​ർ ന​ട​ത്തി​യ തി​ര​ച്ചി​ലി​ലാ​ണ്​ വ​ൻ മ​യ​ക്കു​മ​രു​ന്ന്​ പി​ടി​കൂ​ടി​യ​ത്. കാ​ന​ഡ​യി​ലെ ബ്രി​ട്ടീ​ഷ്​ കൊ​ളം​ബി​യ​യി​ൽ​നി​ന്നാ​ണ്​ ക​റു​പ്പ്​ ക​ണ്ടെ​ടു​ത്ത​ത്ത്. 19 ഷി​പ്പി​ങ്​ ക​ണ്ടെ​യ്​​ന​റു​ക​ളി​ലാ​യി ഒ​ളി​പ്പി​ച്ച നി​ല​യി​ൽ മ​യ​ക്കു​മ​രു​ന്ന്​ ക​ട​ത്തു​ന്ന​താ​യ വി​വ​ര​മാ​ണ്​ ദു​ബൈ പൊ​ലീ​സ്​ കൈ​മാ​റി​യ​ത്.

കാ​ർ​ഗോ ക​പ്പ​ലി​ലെ 247 ഷി​പ്പി​ങ്​ പെ​ല്ല​റ്റു​ക​ളി​ൽ ഒ​ളി​പ്പി​ച്ച നി​ല​യി​ലാ​യി​രു​ന്നു മ​യ​ക്കു​മ​രു​ന്ന്​. ആ​കെ 2486 കി​ലോ ക​റു​പ്പാ​ണ്​ ക​ണ്ടെ​ടു​ത്ത​തെ​ന്ന്​ കാ​ന​ഡ ബോ​ർ​ഡ​ർ സ​ർ​വി​സ​സ്​ ഏ​ജ​ൻ​സി പ്ര​സ്താ​വ​ന​യി​ൽ അ​റി​യി​ച്ചു. ഏ​ക​ദേ​ശം 13.8 കോ​ടി ദി​ർ​ഹം (305.25 കോ​ടി രൂ​പ) വി​ല​മ​തി​ക്കു​ന്ന​താ​ണ്​ പി​ടി​കൂ​ടി​യ മ​യ​ക്കു​മ​രു​ന്ന്. രാ​ജ്യ​ത്തി​ന്‍റെ ച​രി​ത്ര​ത്തി​ലെ ഏ​റ്റ​വും വ​ലി​യ ക​റു​പ്പ് പി​ടി​ച്ചെ​ടു​ക്ക​ലാ​ണി​തെ​ന്ന്​ അ​ധി​കൃ​ത​ർ അ​റി​യി​ച്ചു. ലോ​ക​മെ​മ്പാ​ടു​മു​ള്ള നി​യ​മ നി​ർ​വ​ഹ​ണ ഏ​ജ​ൻ​സി​ക​ളു​മാ​യി യു.​എ.​ഇ ശ​ക്ത​മാ​യ സ​ഹ​ക​ര​ണം തു​ട​രു​ന്ന​തി​ന്‍റെ മ​റ്റൊ​രു ഉ​ദാ​ഹ​ര​ണ​മാ​ണ് മ​യ​ക്കു​മ​രു​ന്ന് വേ​ട്ട​യെ​ന്ന് ദു​ബൈ പൊ​ലീ​സ് പ​റ​ഞ്ഞു.

ലോ​ക​ത്തെ പൊ​ലീ​സ് ഏ​ജ​ൻ​സി​ക​ളു​മാ​യി സു​പ്ര​ധാ​ന ആ​ശ​യ​വി​നി​മ​യം നി​ല​നി​ർ​ത്തു​ന്ന​തി​നും രാ​ജ്യാ​ന്ത​ര സം​ഘ​ടി​ത കു​റ്റ​കൃ​ത്യ​ങ്ങ​ൾ​ക്കെ​തി​രാ​യ ആ​ഗോ​ള​പോ​രാ​ട്ട​ത്തെ സ​ഹാ​യി​ക്കു​ന്ന​തി​നും പൊ​ലീ​സ്​ പ്ര​തി​ജ്ഞാ​ബ​ദ്ധ​മാ​ണെ​ന്നും വാ​ർ​ത്ത​ക്കു​റി​പ്പി​ൽ കൂ​ട്ടി​ച്ചേ​ർ​ത്തു. മ​യ​ക്കു​മ​രു​ന്ന്​ വേ​ട്ട​ക്ക്​ സ​ഹാ​യി​ച്ച ദു​ബൈ പൊ​ലീ​സി​ലെ ജ​ന​റ​ൽ ഡി​പ്പാ​ർ​ട്ട്‌​മെ​ന്‍റ്​ ഓ​ഫ് ആ​ന്‍റി നാ​ർ​കോ​ട്ടി​ക്‌​സ് വി​ഭാ​ഗ​ത്തെ ക​നേ​ഡി​യ​ൻ വൃ​ത്ത​ങ്ങ​ൾ ന​ന്ദി അ​റി​യി​ച്ചു. അ​ന്താ​രാ​ഷ്​​ട്ര​ത​ല​ത്തി​ൽ ന​ട​ക്കു​ന്ന വി​വി​ധ മാ​ഫി​യ​ക​ളെ​യും കു​റ്റ​വാ​ളി​ക​ളെ​യും സ്ഥി​ര​മാ​യി പി​ന്തു​ട​ർ​ന്ന്​ പി​ടി​കൂ​ടു​ന്ന​തി​ൽ മു​മ്പും യു.​എ.​ഇ​യി​ലെ പൊ​ലീ​സ്​ സേ​ന​ക​ൾ ശ്ര​ദ്ധേ​യ​മാ​യ സം​ഭാ​വ​ന​ക​ള​ർ​പ്പി​ച്ചി​ട്ടു​ണ്ട്.

ദി​വ​സ​ങ്ങ​ൾ​ക്ക്​ മു​മ്പ്​ അ​ന്താ​രാ​ഷ്ട്ര മ​നു​ഷ്യ​ക്ക​ട​ത്ത്​ മാ​ഫി​യ ത​ല​വ​നെ സു​ഡാ​നി​ൽ പി​ടി​കൂ​ടു​ന്ന​തി​ന്​ യു.​എ.​ഇ ന​ൽ​കി​യ വി​വ​രം സ​ഹാ​യി​ച്ചി​ട്ടു​ണ്ട്.