വയോധികർക്ക്​ സേവനവുമായി വീട്ടുപടിക്കൽ ദുബൈ പൊലീസ്​

ദു​ൈ​ബ: വയോധികർക്കും പ്രത്യേക ആവശ്യമുള്ളവർക്കും സേവനം വീട്ടുപടിക്കൽ എത്തി നൽകി ദുബൈ പൊലീസ്​ ജനസേവന പ്രവർത്തനം കൂടുതൽ കാര്യക്ഷമമാക്കുന്നു. പൊലീസി​​​െൻറ സേവനം, സഹായം, പൊലീസ്​ സ്​റ്റേഷനുമായി ബന്ധപ്പെട്ട ഇടപാടുകൾ എന്നിവ എന്തെങ്കിലും വേണ്ടി വന്നാൽ 901എന്ന നമ്പറിൽ വിളിക്കുക മാത്രമേ വേണ്ടതുള്ളൂ.രണ്ട്​ ഒഫീസർമാർ ആ വീടുകളിൽ എത്തും.

സേവനം പൂർത്തീകരിക്കാൻ ആവശ്യമായ ഉപകരണവും അവർ കൊണ്ടുവരും. ദുബൈ പൊലീസ്​ മേധാവി മേജർ ജനറൽ അബ്​ദുല്ല ഖലീഫ അൽ മറിയുടെ നിർദേശാനുസരണമാണ്​ പുതിയ സംവിധാനമെന്ന്​ റാശിദീയ പൊലീസ്​ സ്​റ്റേഷൻ ഡയറക്​ടർ ​ബ്രിഗേഡിയർ സഇൗദ്​ ഹമദ്​ ബിൻ സുലൈമാൻ പറഞ്ഞു. ഒൗനാക്ക്​ (നിങ്ങളുടെ സഹായത്തിന്​) എന്ന പേരിൽ തുടക്കമിട്ട പദ്ധതി നിലവിൽ റാശിദിയ മേഖലയിൽ മാത്രമാണ്​.

ഒൗദ്യോഗികമായി നടപ്പാക്കുന്നതിനു മുൻപ്​ സേവനം പരീക്ഷണാടിസ്​ഥാനത്തിൽ ഏർപ്പെടുത്തിയിരുന്നു. ആ കാലയളവിൽ 110 പേർ സേവനം പ്രയോജനപ്പെടുത്തി. വിജയകരമെന്ന്​ കണ്ടതോടെയാണ്​ ചൊവ്വാഴ്​ച മുതൽ ഒൗനാക്ക്​ ആരംഭിച്ചത്​്. എളുപ്പം സേവനം എത്തിക്കാൻ ലക്ഷ്യമിട്ട്​ പ്രത്യേക പരിഗണന ആവശ്യമുള്ള ജനങ്ങളുടെ പട്ടികയും ​െപാലീസ്​ തയ്യാറാക്കിയിട്ടുണ്ട്​. 2020 ഒാടെ ദുബൈയെ സമ്പൂർണ സൗഹൃദ നഗരം ആക്കുന്നത്​ ലക്ഷ്യമിട്ടാണ്​ ഇൗ സേവനമെന്നും ​ബ്രിഗേഡിയർ സഇൗദ്​ വ്യക്​തമാക്കി.