കാർബൺ മോണോക്സൈഡ് ശ്വസിച്ച് വീട്ടുജോലിക്കാർ മരിച്ചു

ദു​ബൈ: മു​റി ചൂ​ടാ​ക്കാ​നാ​യി രാ​ത്രി​യി​ൽ ചാ​ർ​ക്കോ​ൾ ക​ത്തി​ച്ചു​വെ​ച്ച ര​ണ്ടു വീ​ട്ടു​ജോ​ലി​ക്കാ​ർ വി​ഷ​വാ​ത​കം ശ്വ​സി​ച്ചു മ​രി​ച്ചു. സ​മീ​പ ദി​വ​സ​ങ്ങ​ളി​ലാ​ണ്​ അ​പ​ക​ട​മു​ണ്ടാ​യ​തെ​ന്ന്​ വ്യ​ക്ത​മാ​ക്കി​യ ദു​ബൈ പൊ​ലീ​സ് അ​ധി​കൃ​ത​ർ സം​ഭ​വ​ത്തി​ന്‍റെ മ​റ്റു വി​ശ​ദാം​ശ​ങ്ങ​ൾ വെ​ളി​പ്പെ​ടു​ത്തി​യി​ട്ടി​ല്ല. ഈ ​സാ​ഹ​ച​ര്യ​ത്തി​ൽ ആ​ക​സ്മി​ക​മാ​യി കാ​ർ​ബ​ൺ മോ​ണോ​ക്സൈ​ഡ് ശ്വ​സി​ക്കു​ന്ന സാ​ഹ​ച​ര്യം ഒ​ഴി​വാ​ക്കാ​ൻ ജാ​ഗ്ര​ത വേ​ണ​മെ​ന്ന്​ അ​ധി​കൃ​ത​ർ താ​മ​സ​ക്കാ​രോ​ട്​ ആ​വ​ശ്യ​പ്പെ​ട്ടു.

സ്റ്റൗ, ​ഓ​വ​നു​ക​ൾ, ഫ​യ​ർ​പ്ലേ​സു​ക​ൾ, ചൂ​ടാ​കാ​ൻ ഉ​പ​യോ​ഗി​ക്കു​ന്ന മ​റ്റു സം​വി​ധാ​ന​ങ്ങ​ൾ തു​ട​ങ്ങി​യ ഉ​പ​ക​ര​ണ​ങ്ങ​ൾ കാ​ർ​ബ​ൺ മോ​ണോ​ക്സൈ​ഡ് ഉ​ൽ​പാ​ദി​പ്പി​ക്കാ​ൻ സാ​ധ്യ​ത​യു​ണ്ട്. ത​ണു​പ്പു​കാ​ല​ത്ത്​ നേ​ര​ത്തേ​യും ഇ​ത്ത​രം അ​പ​ക​ട​ങ്ങ​ൾ റി​പ്പോ​ർ​ട്ട്​ ചെ​യ്യ​പ്പെ​ട്ടി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ ചാ​ർ​ക്കോ​ൾ വീ​ട്ടി​ന​ക​ത്തോ ബേ​സ്​​മെ​ന്‍റി​ലോ ടെൻറു​ക​ളി​യോ ഗാ​രേ​ജി​ലോ ജ​ന​ലു​ക​ൾ​ക്കു​ സ​മീ​പ​മോ ക​ത്തി​ച്ചു​വെ​ക്ക​രു​തെ​ന്ന്​ അ​ധി​കൃ​​ത​ർ നി​ർ​ദേ​ശി​ച്ചു.

വാ​ഹ​ന​ത്തി​ന്‍റെ എ.​സി ഓ​ണാ​യി​രി​ക്കു​മ്പോ​ൾ അ​ട​ച്ച ഗാ​രേ​ജി​ലോ ശ​രി​യാ​യ വാ​യു​സ​ഞ്ചാ​ര​മി​ല്ലാ​ത്ത സ്ഥ​ല​ത്തോ നി​ർ​ത്തി​യി​ടു​ന്ന​തും പ​വ​ർ ജ​ന​റേ​റ്റ​റു​ക​ൾ വീ​ടി​ന്​ അ​ക​ത്തു​വെ​ക്കു​ന്ന​തും അ​പ​ക​ട​ക​ര​മാ​ണെ​ന്ന്​ അ​ധി​കൃ​ത​ർ മു​ന്ന​റി​യി​പ്പി​ൽ പ​റ​യു​ന്നു.