ദു​ബൈ​യി​ലെ ആ​കെ ജ​ന​സം​ഖ്യ 36 ല​ക്ഷം ക​ട​ന്നു

ദു​ബൈ: ഈ ​വ​ർ​ഷ​ത്തെ ആ​ദ്യ​പാ​ദം അ​വ​സാ​നി​ച്ച​​പ്പോ​ൾ ദു​ബൈ എ​മി​റേ​റ്റി​ലെ ആ​കെ ജ​ന​സം​ഖ്യ ഒ​രു ശ​ത​മാ​നം വ​ർ​ധി​ച്ച്​ ഇ​താ​ദ്യ​മാ​യി 36 ല​ക്ഷം ക​ട​ന്നു. ഇ​തി​ൽ എ​ട്ട്​ ശ​ത​മാ​ന​മാ​ണ്​ ഇ​മാ​റാ​ത്തി​ക​ൾ.

അ​താ​യ​ത്​ 11.1 ല​ക്ഷം പേ​ർ. ആ​കെ ജ​ന​സം​ഖ്യ​യു​ടെ 92 ശ​ത​മാ​നം പേ​രും പ്ര​വാ​സി​ക​ളാ​ണ്. 2040ൽ ദു​ബൈ​യി​ലെ ജ​ന​സം​ഖ്യ 5.8 ദ​ശ​ല​ക്ഷ​മാ​യി ഉ​യ​രു​മെ​ന്നാ​ണ് ദു​ബൈ ന​ഗ​ര​വി​ക​ന പ​ദ്ധ​തി​യു​ടെ അ​നു​മാ​നം.

ക​ഴി​ഞ്ഞ ദി​വ​സം ദു​ബൈ സ്റ്റാ​റ്റി​സ്റ്റി​ക്സ്​ സെ​ന്‍റ​റാ​ണ്​ ഇ​തു​സം​ബ​ന്ധി​ച്ച ഏ​റ്റ​വും പു​തി​യ വി​വ​ര​ങ്ങ​ൾ പു​റ​ത്തു​വി​ട്ട​ത്. ആ​കെ ജ​ന​സം​ഖ്യ​യി​ൽ 69 ശ​ത​മാ​നം പു​രു​ഷ​ൻ​മാ​രും 31 ശ​ത​മാ​നം വ​നി​ത​ക​ളു​മാ​ണ്.ലോ​കോ​ത്ത​ര നി​ല​വാ​ര​മു​ള്ള അ​ടി​സ്ഥാ​ന വി​ക​സ​നം, സു​സ്ഥി​ര​മാ​യി നി​യ​മ​നി​ർ​മാ​ണം, നി​യ​മ​പ​ര​മാ​യ അ​ന്ത​രീ​ക്ഷം, അ​ഭി​വൃ​ദ്ധി പ്രാ​പി​ക്കു​ന്ന സ​മ്പ​ദ്​ വ്യ​വ​സ്ഥ എ​ന്നി​വ​യാ​ണ്​ ജ​ന​സം​ഖ്യ​വ​ർ​ധ​ന​വി​ന്​ കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

തൊ​ഴി​ല​വ​സ​ര​ങ്ങ​ളും നി​ക്ഷേ​പ​ങ്ങ​ളും തേ​ടു​ന്ന പ​തി​നാ​യി​ര​ക്ക​ണ​ക്കി​ന്​​ പു​തി​യ താ​മ​സ​ക്കാ​രെ ന​ഗ​രം ആ​ക​ർ​ഷി​ക്കു​ന്നു​ണ്ട്​. കോ​വി​ഡ്​ വ്യാ​പ​നം ആ​രം​ഭി​ച്ച 2020 മു​ത​ൽ ദു​ബൈ​യി​ലെ ജ​ന​സം​ഖ്യ​യി​ൽ 6.3 ശ​ത​മാ​ന​ത്തി​ന്‍റെ വ​ർ​ധ​ന​വാ​ണ്​ രേ​ഖ​പ്പെ​ടു​ത്തി​യ​ത്.