ദുബൈയിലും ഷാർജയിലും അജ്​മാനിലും മഴ

ദുബൈ: കടുത്തവേനൽ ചൂടിൽ ഉരുകുന്നതിനിടെ ആശ്വാസം പെയ്​ത്​ ദു​ൈബ, ഷാർജ എമിറേറ്റുകളുടെ വിവിധ ഭാഗങ്ങളിൽ വെള്ളിയാഴ്​ച മഴ ലഭിച്ചു. ചിലയിടങ്ങളിൽ മിതമായ മഴയും ചിലയിടങ്ങളിൽ ശക്​തമായ മഴയുമാണ്​ പെയ്​തത്​. ഷാർജയിലെ അൽ മദാം, നസ്​വ, ദുബൈയിലെ മർഗാം, ലെഹ്​ബാബ്​ പ്രദേശങ്ങളിൽ കനത്ത മഴ പെയ്​തു.

വെള്ളിയാഴ്ച ഉച്ചതിരിഞ്ഞ് അജ്മാൻ എമിറേറ്റ് എല്ലാ പ്രദേശങ്ങളിലും കനത്ത മഴയും കാറ്റുമുണ്ടായി. ചിലയിടങ്ങളിൽ മിതമായ തോതിലായിരുന്നു മഴയെങ്കിലും ഒരു മണിക്കൂറോളം തുടർന്നു, ഇത് താപനില കുറയാനും അന്തരീക്ഷത്തെ മയപ്പെടുത്താനും കാരണമായി.