ലോ​ക​ത്തെ തി​ര​ക്കേ​റി​യ വി​മാ​ന​ത്താ​വ​ളം; ഒ​മ്പ​താം ത​വ​ണ​യും ദു​ബൈ ഒ​ന്നാ​മ​ത്​

ദു​ബൈ: തു​ട​ർ​ച്ച​യാ​യ ഒ​മ്പ​താം വ​ർ​ഷ​വും അ​ന്താ​രാ​ഷ്ട്ര യാ​ത്ര​ക്കാ​രു​ടെ എ​ണ്ണ​ത്തി​ൽ ഏ​റ്റ​വും തി​ര​ക്കു​ള്ള വി​മാ​ന​ത്താ​വ​ള​മെ​ന്ന നേ​ട്ടം നി​ല​നി​ർ​ത്തി ദു​ബൈ. 2022ലെ ​ക​ണ​ക്കു​ക​ൾ വി​ല​യി​രു​ത്തി എ​യ​ർ​പോ​ർ​ട്​​സ്​ കൗ​ൺ​സി​ൽ ഇ​ന്‍റ​ർ​നാ​ഷ​ന​ൽ (എ.​സി.​ഐ) പു​റ​ത്തു​വി​ട്ട റി​പ്പോ​ർ​ട്ടി​ലാ​ണ്​ ഇ​ക്കാ​ര്യം വ്യ​ക്ത​മാ​ക്കി​യി​ട്ടു​ള്ള​ത്. ദു​ബൈ വി​മാ​ന​ത്താ​വ​ള​ത്തി​ന്‍റെ യാ​ത്ര​ക്കാ​രു​ടെ എ​ണ്ണം മു​ൻ​വ​ർ​ഷ​ത്തേ​ക്കാ​ൾ ഇ​ര​ട്ടി​യാ​യി 6.6 കോ​ടി പി​ന്നി​ട്ടു. കോ​വി​ഡി​ന്​ ശേ​ഷം അ​ന്താ​രാ​ഷ്​​ട്ര, പ്രാ​ദേ​ശി​ക ത​ല​ങ്ങ​ളി​ൽ വ​മ്പി​ച്ച തി​രി​ച്ചു​വ​ര​വാ​ണ്​ വി​മാ​ന​ത്താ​വ​ളം​ അ​ട​യാ​ള​പ്പെ​ടു​ത്തി​യ​ത്. മാ​ത്ര​മ​ല്ല, 2023ൽ ​യാ​ത്ര​ക്കാ​രു​ടെ എ​ണ്ണം 7.8 കോ​ടി​യി​ലെ​ത്തു​മെ​ന്നും പ്ര​വ​ചി​ക്ക​പ്പെ​ടു​ന്നു​ണ്ട്.

2021നെ ​അ​പേ​ക്ഷി​ച്ച്​ യാ​ത്ര​ക്കാ​രു​ടെ എ​ണ്ണ​ത്തി​ൽ 127 ശ​ത​മാ​ന​ത്തി​ന്‍റെ വ​ർ​ധ​ന​യാ​ണ്​ ദു​ബൈ വി​മാ​ന​ത്താ​വ​ള​ത്തി​ലു​ണ്ടാ​യ​ത്. വ​ർ​ഷ​ത്തി​ന്‍റെ നാ​ലാം പാ​ദ​ത്തി​ൽ കോ​വി​ഡി​ന്​ മു​മ്പു​ണ്ടാ​യി​രു​ന്ന സാ​ഹ​ച​ര്യ​ത്തി​ലേ​ക്ക്​ പൂ​ർ​ണ​മാ​യും സേ​വ​ന​ങ്ങ​ൾ എ​ത്തു​ക​യും ചെ​യ്തി​ട്ടു​ണ്ട്. തി​ര​ക്കേ​റി​യ വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ൽ ദു​ബൈ​യെ ഒ​ന്നാം സ്ഥാ​ന​ത്ത് നി​ല​നി​ർ​ത്തു​ന്ന​തി​ൽ തു​ട​ർ​ന്നും ശ്ര​ദ്ധ കേ​ന്ദ്രീ​ക​രി​ക്കു​മെ​ന്ന്​ എ​യ​ർ​പോ​ർ​ട്ട് സി.​ഇ.​ഒ പോ​ൾ ഗ്രി​ഫി​ത്ത്​ പ​റ​ഞ്ഞു. 2022ൽ ​വി​മാ​ന​യാ​ത്ര​ക്കാ​രു​ടെ ആ​വ​ശ്യം ലോ​ക​ത്ത്​ എ​ല്ലാ​യി​ട​ത്തും വ​ർ​ധി​ച്ചി​ട്ടു​ണ്ട്. എ​ന്നാ​ൽ, ദു​ബൈ​യെ വേ​റി​ട്ടു നി​ർ​ത്തി​യ​ത് ആ​ളു​ക​ളു​ടെ അ​ർ​പ്പ​ണ​ബോ​ധ​വും ഓ​രോ സേ​വ​ന പ​ങ്കാ​ളി​യു​ടെ​യും കൃ​ത്യ​മാ​യ ആ​സൂ​ത്ര​ണ​വും ത​യാ​റെ​ടു​പ്പു​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

എ.​സി.​ഐ​യു​ടെ റി​പ്പോ​ർ​ട്ട്​ അ​നു​സ​രി​ച്ച് ല​ണ്ട​നി​ലെ ഹീ​ത്രൂ (5.8 കോ​ടി), ആം​സ്റ്റ​ർ​ഡാം (5.2 കോ​ടി), പാ​രി​സ് (5.1 കോ​ടി), ഇ​സ്തം​ബു​ൾ (4.8 കോ​ടി) തു​ട​ങ്ങി​യ​വ​യാ​ണ്​ തി​ര​ക്കു​ള്ള മ​റ്റ് മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ലു​ള്ള​ത്. ഏ​റ്റ​വും പു​തി​യ ഇ​ന്‍റ​ർ​നാ​ഷ​ന​ൽ എ​യ​ർ ട്രാ​ൻ​സ്‌​പോ​ർ​ട്ട് അ​സോ​സി​യേ​ഷ​ൻ(​അ​യാ​ട്ട) ഡാ​റ്റ പ്ര​കാ​രം ക​ഴി​ഞ്ഞ വ​ർ​ഷം ഇ​തേ മാ​സ​ത്തെ അ​പേ​ക്ഷി​ച്ച് 2023 ഫെ​ബ്രു​വ​രി​യി​ൽ 89.7 ശ​ത​മാ​നം വ​ള​ർ​ച്ച കാ​ണി​ച്ചി​ട്ടു​ണ്ട്. ഇ​ത​നു​സ​രി​ച്ച്​ ഈ ​വ​ർ​ഷം അ​ന്താ​രാ​ഷ്ട്ര യാ​ത്ര​ക്കാ​രു​ടെ തി​ര​ക്ക് പ്ര​വ​ചി​ക്ക​പ്പെ​ട്ട​തി​നേ​ക്കാ​ൾ വ​ർ​ധി​ക്കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.