നൂറ്​ അതിഥികളിൽ നിന്ന്​ പന്തീരായിരത്തിലേക്ക്​, നിർവൃതിയോടെ എം.എസ്​.എസ്​ ഇഫ്​താർ സംഘം

ദുബൈ: പന്ത്രണ്ട്​ വർഷം മുൻപ്​ പ്രതിദിനം നൂറ്​ തൊഴിലാളികൾക്ക്​ നോമ്പുതുറ ഒരുക്കിയാണ്​ ദുബൈ സർക്കാറി​​​​​െൻറ കമ്യൂണിറ്റി ഡവലപ്​മ​​​​െൻറ്​ അതോറിറ്റി (സി.ഡി.എ) അംഗീകാരമുള്ള സേവന സന്നദ്ധ സംഘടനയായ മോഡൽ സർവീസ് സൊസൈറ്റി (എം.എസ്.എസ്) -സമൂഹ ഇഫ്​താർ പ്രവർത്തനം ആരംഭിക്കുന്നത്​. ഇക്കുറി അത്​   22 ക്യാമ്പുകളിലായി പ്രതിദിനം പന്ത്രണ്ടായിരത്തോളം അതിഥികൾ പങ്കെടുക്കുന്ന, ദുബൈയിലെ ഒരു സന്നദ്ധ സംഘടന സംഘടിപ്പിക്കുന്ന ഏറ്റവും വലിയ ഇഫ്താർ പരിപാടിയെന്ന നിലയിലേക്ക് വളർന്നിരിക്കുന്നു.   

വ്യവസായ പ്രമുഖർ, മാനേജർമാർ തുടങ്ങി സാധാരണ തൊഴിലാളികൾ വരെ സമൂഹത്തി​​​​​െൻറ നാനാതുറകളിൽ നിന്നായി 200 ലധികം അർപ്പണ മനസ്​കർ ഈ പ്രവർത്തനത്തിൽ നിത്യവും പങ്കുചേരുന്നു. ഓരോ ക്യാമ്പിലേക്കും നിയോഗിക്കപ്പെട്ടിട്ടുളള സംഘം വൈകുന്നേരം 5 മണിയോടെ വിതരണ കേന്ദ്രത്തിൽ നിന്ന് അന്നന്നത്തേക്ക് വേണ്ട പഴവർഗങ്ങൾ, വെള്ളം, ലഘു പാനീയങ്ങൾ, മറ്റു സാധന സാമഗ്രികൾ എന്നിവ ശേഖരിച്ച് തങ്ങളുടെ ക്യാമ്പിലെത്തുന്നു. 
അവിടെ അതിഥികൾക്ക് അരികിലിരുന്ന്​   വേണ്ടുന്ന സൗകര്യങ്ങളെല്ലാം ഒരുക്കുന്നു. അവരോടൊപ്പം നോമ്പ് തുറയും മഗ്​രിബ് നമസ്ക്കാരവും നിർവ്വഹിച്ച് അവശിഷ്ടങ്ങളെല്ലാം നീക്കം ചെയ്ത ശേഷം  മടങ്ങുന്നു.

നൽകുന്നതി​​​​​െൻറ സന്തോഷം അനുഭവിച്ചറിയാനും സഹാനുഭൂതിയും കരുണയും പരിശീലിക്കുവാനും മികച്ച  അവസരമാണ് എം.എസ്​.എസ്​ ഇഫ്​താർ എന്നാണ്​ ബർജീൽ ജിയോജിത്​ സെക്യൂരിറ്റീസ്​ മേധാവി കെ.വി. ഷംസുദ്ദീൻ അഭിപ്രായപ്പെട്ടത്​.    പട്ടിണി കൊണ്ട് പ്രയാസപ്പെടുന്നവരുടെ വേദനകൾക്ക് പരിഹാരം കണ്ടെത്താനുള്ള വഴി തേടാനും  മറ്റുള്ളവരോട് കൂടുതൽ സഹാനുഭൂതി പുലർത്താനും  ഇഫ്താർ പരിപാടി തനിക്ക്   പ്രചോദനമായതായിബിസ്മി ട്രേഡിങ്​ മേധാവി ഹാരിസ് പറയുന്നു. ലേബർ ക്യാമ്പിലെ ആളുകൾക്ക് ഭക്ഷണം വിളമ്പി അവരോടൊപ്പമിരുന്ന് നോമ്പ് തുറക്കുക എന്നത് അങ്ങേയറ്റം സംതൃപ്തി നൽകുന്ന അനുഭവമാണെന്ന്​ ഫ്രെയിറ്റ് കെയർ ഉടമ ഷബീർ അഭിപ്രായപ്പെടുന്നു. നൻമയുടെയും പങ്കുവെപ്പി​​​​​െൻറയും സന്ദേശം പുണ്യമാസത്തിൽ ആവോളം പ്രചരിപ്പിക്കാനും സമൂഹത്തി​​​​​െൻറ സമസ്​ത കോണുകളിൽ നിന്നും പങ്കാളിത്തം ഉറപ്പാക്കാനും കഴിയുന്നതി​​​​​െൻറ നിർവൃതിയിലാണ്​ എം.എസ്​.എസി​​​​​െൻറ അണിയറ പ്രവർത്തകർ.