ദുബൈയുടെ നിരത്തിലേക്ക്​  900 പുതിയ ടാക്​സികൾ കൂടി

ദുബൈ: ദുബൈയുടെ ടാക്​സി നിരയിലേക്ക്​ 900 വാഹനങ്ങൾ കൂടി ഉൾപ്പെടുത്താൻ റോഡ്​സ്​ ആൻറ്​ ട്രാൻസ്​പോർട്ട്​ അതോറിറ്റി ( ആർ.ടി.എ. അനുമതി നൽകി. ഇതിൽ 370 എണ്ണം പരിസ്​ഥിതി സൗഹൃദമായ ഹൈബ്രീഡ്​ വാഹനങ്ങളായിരിക്കും. ദുബൈയിലെ യാത്രക്കാർക്ക്​ നൽകുന്ന സേവനം മെച്ച​​െപ്പടുത്തുന്നതി​​​െൻറ ഭാഗമായാണ്​ ഇൗ നടപടിയെന്ന്​ ആർ.ടി.എ. ചെയർമാൻ മത്താർ അൽ തായർ പറഞ്ഞു. പുതിയ വാഹനങ്ങളിൽ 142 എണ്ണം ടൊയോട്ട കാംറികൾ ആണ്​. 193 ഇന്നോവ, 55 ലക്​സസ്​, ഒരു ഹയാസ്​ എന്നിവയും ടൊയോട്ടയുടേതായി ഉൾപ്പെടുത്തിയിട്ടുണ്ട്​. 

ഇവ കൂടാതെ 15 നിസാൻ അൾട്ടിമ, 123 ഹ്യുണ്ടായ്​ സൊണാറ്റ എന്നിവയും ഹ്യുണ്ടായി എച്ച്​ വണ്ണും ഉണ്ട്​. പരിസ്​ഥിതി സൗഹൃദ വാഹനങ്ങൾ കൂടുതൽ ഉൾപ്പെടുത്തുന്നതി​​​െൻറ ഭാഗമായി 370 ഹൈബ്രീഡ്​ ടൊയോട്ട കാംറികളാണ്​ ഉപയോഗിക്കുന്നത്​. പരമ്പരാഗത എഞ്ചിനൊപ്പം വൈദ്യുതി മോ​േട്ടാർ കൂടി ഉപയോഗിക്കുന്ന വാഹനങ്ങളാണ്​ ഇവ. ഇന്ധന​ച്ചെലവ്​ കുറയുന്നതിനൊപ്പം കാർബൺ ബഹിർഗമനം കുറക്കാനും ഹൈബ്രീഡ് വാഹനങ്ങൾ സഹായിക്കും.