ദുബൈയിലെ സർവകലാശാലകളുടെ റേറ്റിങ്​​ പ്രസിദ്ധീകരിച്ചു

ദുബൈ: ദുബൈയിലെ 17 അന്താരാഷ്​ട്ര സർവകലാശാല ശാഖകളുടെ റേറ്റിങ്​ വൈജ്ഞാനിക^മാനവ വികസന അതോറിറ്റി (കെ.എച്ച്​.ഡി.എ) ബു ധനാഴ്​ച പ്രസിദ്ധീകരിച്ചു. ഗുണമേന്മ റാങ്കിനെ അടിസ്​ഥാനമാക്കി ദുബൈ ഉന്നത വിദ്യാഭ്യാസ വർഗീകരണ സംവിധാനം ആരംഭിച് ചതായി ചൊവ്വാഴ്​ച കെ.എച്ച്​.ഡി.എ പ്രഖ്യാപിച്ചതിന്​ പിന്നാലെയാണിത്​. ആദ്യമായാണ്​ ദുബൈയിലെ സർവകലാശാല ശാഖകൾക്ക്​ റേറ്റിങ്​ ഏർപ്പെടുത്തുന്നത്​. ആദ്യ ഘട്ടത്തിൽ എമിറേറ്റിലെ 25 സർവകലാശാല കാമ്പസുകളിൽ 17 എണ്ണമാണ്​ റേറ്റിങ്​ സംവിധാനത്തിൽ ഉൾപ്പെടുത്തിയത്​. അധ്യാപനം, തൊഴിൽ, ഗവേഷണം, അന്താരാഷ്​ട്രവത്​കരണം, സൗകര്യങ്ങൾ, സമ്പൂർണ പ്രോഗ്രാം ശേഷി, ക്ഷേമം, സാമൂഹിക ഉത്തരവാദിത്തം എന്നിങ്ങനെ എട്ട്​ ഗുണമേന്മ സൂചകങ്ങളെ ആധാരമാക്കി ഒന്ന്​ മുതൽ അഞ്ച്​ വരെ സ്​റ്റാറുകളാണ്​ കാമ്പസുകൾക്ക്​ നൽകിയത്​.

മൂന്ന്​ സ്​ഥാപനങ്ങൾക്ക്​ അഞ്ച്​​ സ്​റ്റാർ റേറ്റിങ്ങും എ​െട്ടണ്ണത്തിന്​ നാല്​ സ്​റ്റാറും മൂന്നെണ്ണത്തിന്​ മൂന്ന്​ സ്​റ്റാറും രണ്ടെണ്ണത്തിന്​ രണ്ട്​ സ്​റ്റാറും ഒന്നിന്​ ഒരു സ്​റ്റാറുമാണ്​ ലഭിച്ചത്​. മാഞ്ചസ്​റ്റർ വേൾഡ്​വൈഡ്​ സർവകലാശാല, ലണ്ടൻ ബിസിനസ്​ സ്​കൂൾ, ഹെരിയട്ട്​^വാട്ട്​ സർവകലാശാല എന്നിവയാണ്​ അഞ്ച്​ സ്​റ്റാർ നേടിയത്​. എസ്​.പി ജെയ്​ൻ സ്​കൂൾ ഒാഫ്​ ഗ്ലോബൽ മാനേജ്​മ​െൻറ്​, ദുബൈ അമിറ്റി സർവകലാശാല, മണിപ്പാൽ സർവകലാശാല, ഹൾട്ട്​ ഇൻറർനാഷനൽ ബിസിനസ്​ സ്​കൂൾ, ലണ്ടൻ സിറ്റി സർവകലാശാല, ബിറ്റ്​സ്​ പിലാനി ദുബൈ കാമ്പസ്​, ബ്രാഡ്​​േഫാർഡ്​ സർവകലാശാല, ദുബൈ മിഡിൽസെക്​സ്​ സർവകലാശാല എന്നിവക്കാണ്​ നാല്​ സ്​റ്റാർ. എസ്​.എ.ഇ ഇൻസ്​റ്റിറ്റ്യൂട്ട്​, എക്​സെറ്റർ സർവകലാശാല, ദുബൈ മർഡോക്​ സർവകലാശാല എന്നിവ മൂന്ന്​ സ്​റ്റാർ നേടി. എസ്​മോദ്​ ഫ്രഞ്ച്​ ഫാഷൻ ഇൻസ്​റ്റിറ്റ്യൂട്ട്​, ഇസ്​ലാമിക്​ ആസാദ്​ സർവകലാശാല എന്നിവ രണ്ട്​ സ്​റ്റാറും ശഹീദ്​ സുൽഫിക്കർ അലി ഭൂ​േട്ടാ ഇൻസ്​റ്റിറ്റ്യൂട്ട്​ ഒാഫ്​ സയൻസ്​ ആൻഡ്​ ടെക്​നോളജി ഒരു സ്​റ്റാറും കരസ്​ഥമാക്കി.