എട്ടു നോമ്പാചരണം സെപ്റ്റംബര് ഒന്ന് മുതല്
text_fieldsറാസല്ഖൈമ: റാക് സെന്റ് മേരീസ് ഇന്ത്യന് ഓര്ത്തഡോക്സ് ഇടവകയിലെ എട്ടു നോമ്പ് പെരുന്നാള് സെപ്റ്റംബര് ഒന്ന് മുതല് വിവിധ പരിപാടികളോടെ ആഘോഷിക്കും. പെരുന്നാളിന് തുടക്കം കുറിച്ച് പള്ളിയങ്കണത്തില് ജബല്അലി ഇടവക വികാരി ഫാ. ഉമ്മന് മാത്യു പതാക ഉയര്ത്തി. ഇതോടനുബന്ധിച്ച് കുര്ബാന, ഗാന ശുശ്രൂഷ, വചന ശുശ്രൂഷ, ക്വിസ് മത്സരം, പ്രദക്ഷിണം, നേര്ച്ച വിളമ്പ് എന്നിവ നടക്കും.
ഒ.വി.ബി.എസ് ഡയറക്ടര് ഫാ. ടൈറ്റസ് ജോണ് തലവൂര് ധ്യാന പ്രസംഗത്തിന് നേതൃത്വം നല്കും. എട്ട് ദിവസം നീളുന്ന പരിപാടികളുടെ ക്രമീകരണം പൂര്ത്തിയായതായി ഫാ. സിറില് വര്ഗീസ് വടക്കടത്ത്, ട്രസ്റ്റി ജെറി ജോണ്, സെക്രട്ടറി ഗീര്വഗീസ് ടി. സാം, കണ്വീനര്മാരായ സജി വര്ഗീസ്, സ്റ്റാന്ലി തോംസണ് എന്നിവര് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.