ജൂലൈ ആറ് വരെ ഇന്ത്യയിൽ നിന്ന് ദുബൈ സർവീസ് ഉണ്ടാവില്ലെന്ന് എമിറേറ്റ്സ്
text_fieldsദുബൈ: ജൂലൈ ആറ് വരെ ഇന്ത്യയിൽ നിന്ന് യു.എ.ഇയിലേക്ക് വിമാന സർവീസ് ഉണ്ടാവില്ലെന്ന് എമിറേറ്റ്സ് എയർലൈൻ. ട്വിറ്ററിലൂടെ യാത്രക്കാരുടെ സംശയങ്ങൾക്ക് നൽകിയ മറുപടിയിലാണ് ഇക്കാര്യം അറിയിച്ചത്. വ്യക്തമായ പ്രോട്ടോക്കോൾ വന്നാൽ മാറ്റം വന്നേക്കാമെന്നും എമിറേറ്റ്സ് അറിയിച്ചു.
ജൂൺ 23 മുതൽ സർവീസ് തുടങ്ങുമെന്ന് എമിറേറ്റ്സ് നേരത്തെ അറിയിച്ചിരുന്നു. എന്നാൽ, രണ്ട് ദിവസമായിട്ടും സർവീസ് തുടങ്ങാത്തതിനെ തുടർന്ന് യാത്രക്കാർ ട്വിറ്റർ വഴി ചോദ്യമുന്നയിച്ചപ്പോഴാണ് എമിറേറ്റ്സ് മറുപടി നൽകിയത്. യാത്രയുമായി ബന്ധപ്പെട്ട കൂടുതൽ വിവരങ്ങൾ പിന്നീട് അറിയിക്കാമെന്നും എമിറേറ്റ്സിെൻറ മറുപടിയിൽ പറയുന്നു.
ദുബൈയുടെ ഔദ്യോഗിക എയർലൈനായ എമിറേറ്റ്സും നയം വ്യക്തമാക്കിയതോടെ ജൂലൈ ആറ് വരെ ഇന്ത്യയിൽ നിന്ന് ദുബൈ വിമാനങ്ങൾ ഉണ്ടാവില്ലെന്ന് ഏറെക്കുറെ ഉറപ്പായി. ജൂലൈ ആറ് വരെ യു.എ.ഇയിലേക്ക് സർവീസുണ്ടാവില്ലെന്ന് എയർ ഇന്ത്യയും അറിയിച്ചിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.