അളവുതൂക്കങ്ങൾക്ക്​ ഇനി മാനദണ്ഡം  എമിറേറ്റ്​സ്​ മെട്രോളജി ഇൻസ്​റ്റിറ്റ്യൂട്ട്​

അബൂദബി: യു.എ.ഇയിലെ അളവുതൂക്കത്തിനുള്ള ദേശീയ സ്​ഥാപനമായി എമിറേറ്റ്​സ്​ മെട്രോളജി ഇൻസ്​റ്റിറ്റ്യൂട്ടിനെ ചുമത​ലപ്പെടുത്തുന്ന കരാറിൽ എമിറേറ്റ്​സ്​ അളവുതൂക്ക അതോറിറ്റിയും (എസ്​മ) അബൂദബി ഗുണ​മേന്മ^സംയോജ്യത സമിതിയും (ക്യു.സി.സി) കരാറിൽ ഒപ്പുവെച്ചു.

കരാർ പ്രകാരം ഭാരം, വ്യാപ്​തം, സാന്ദ്രത, താപം, ഇൗർപ്പം, നീളം, കോൺ, ബലം, മർദം, ടോർക്​, വൈദ്യുതി അളവ്​, സമയാവൃത്തി തുടങ്ങിയവയുടെ അളവിനുള്ള ദേശീയ മാനദണ്ഡമായി അംഗീകരിക്കുക എമിറേറ്റ്​സ്​ മെട്രോളജി ഇൻസ്​റ്റിറ്റ്യൂട്ടി​​​​െൻറ മാനദണ്ഡങ്ങളായിരിക്കും. ഉൽപാദന, ഗവേഷണ മേഖലകളിൽ കൃത്യമായ അളവ്​ സാധ്യമാക്കാൻ രാജ്യത്തെ പര്യാപ്​തമാക്കുന്നതാണ്​ ഇൗ നടപടി. എല്ലാ സർക്കാർ വകുപ്പുകൾക്കുമിടയിൽ സംയോജിത സഹകരണം സാധ്യമാക്കുന്നതിനുള്ള യു.എ.ഇ സർക്കാറി​​​​െൻറ യത്​നങ്ങളുടെ ഭാഗമായാണ്​ കരാർ. എസ്​മ ചെയർമാനും സഹമന്ത്രിയുമായ ഡോ. റാശിദ്​ അഹ്​മദ്​ ബിൻ ഫഹദും ക്യു.സി.സി ചെയർമാൻ ഖലീഫ മുഹമ്മദ്​ ഫാരിസ്​ ആൽ മസ്​റൂഇയുമാണ്​ കരാറിൽ ഒപ്പുവെച്ചത്​. 

തദ്ദേശ സർക്കാർ സ്​ഥാപനങ്ങൾക്കും ഫെഡറൽ സർക്കാർ സ്​ഥാപനങ്ങൾക്കുമിടയിൽ സഹകരണവും ഏകോപനവും വർധിപ്പിക്കുന്നതിന്​ യു.എ.ഇ നേതൃത്വത്തി​​​​െൻറ നിർദേശ പ്രകാരമാണ്​ കരാർ നടപ്പാക്കുന്നതെന്ന്​ ഡോ. റാശിദ്​ അഹ്​മദ്​ ബിൻ ഫഹദ്​ പറഞ്ഞു. തദ്ദേശീയമായ അളവുശാസ്​ത്രത്തി​​​​െൻറ വികസനത്തിന്​ പിന്തുണയാകാനും വൈവിധ്യവത്​കൃതവും ഉൽപാദനക്ഷമതയുള്ളവും ഭാവിയിലധിഷ്​ടിതവുമായ സമ്പദ്​വ്യവസ്​ഥ ഉറപ്പാക്കുന്നതിനും ഇത്​ സഹായിക്കുമെന്നും അദ്ദേഹം കൂട്ടിച്ചേർത്തു. 

തദ്ദേശീയ-അന്താരാഷ്​ട്ര വിപണിയിൽ രാജ്യത്ത്​ നിർമിക്കുന്ന ഉൽപന്നങ്ങളുടെ ഗുണമേന്മയും മത്സരക്ഷമതയും വർധിപ്പിക്കുന്നതിനും വ്യവസായ വികസനത്തെ പിന്തുണക്കുന്നതിനും ഗുണമേന്മ^അളവുതൂക്ക ഘടനയെ പര്യാപ്​തമാക്കുകയെന്ന രാഷ്​ട്ര നേതൃത്വത്തി​​​​െൻറ കാഴ്​ചപ്പാടി​​​​െൻറ ഭാഗമായാണ്​ എമിറേറ്റ്​സ്​ മെട്രോളജി ഇൻസ്​റ്റിറ്റ്യൂട്ട്​ സ്​ഥാപിച്ചതെന്ന്​ ഖലീഫ മുഹമ്മദ്​ ഫാരിസ്​ ആൽ മസ്​റൂഇ അഭിപ്രായപ്പെട്ടു.