ഗ്ലോ​ബ​ൽ വി​ല്ലേ​ജി​ൽ സം​രം​ഭ​ക ര​ജി​സ്​​ട്രേ​ഷ​ൻ 25 മു​ത​ൽ

ദു​ബൈ: ദു​ബൈ​യി​ലെ ഏ​റ്റ​വും വ​ലി​യ വി​നോ​ദ കേ​ന്ദ്ര​മാ​യ ഗ്ലോ​ബ​ൽ വി​ല്ലേ​ജി​ന്‍റെ 29ാമ​ത്​ സീ​സ​ണി​ലേ​ക്ക്​ സം​രം​ഭ​ക​രെ ക്ഷ​ണി​ച്ചു. ചെ​റു​കി​ട ഔ​ട്ട്​​ല​റ്റു​ക​ൾ, ഗ​സ്റ്റ്​ സ​ർ​വി​സ്, കി​യോ​സ്കു​ക​ൾ, ട്രോ​ളി സ​ർ​വി​സ്​ എ​ന്നി​വ തു​ട​ങ്ങാ​ൻ ആ​ഗ്ര​ഹി​ക്കു​ന്ന സം​രം​ഭ​ക​ർ​ ഈ ​മാ​സം 25 മു​ത​ൽ ര​ജി​സ്റ്റ​ർ ചെ​യ്യ​ണം.

ആ​ഗ​സ്റ്റ്​ ര​ണ്ടാ​ണ്​ അ​വ​സാ​ന തീ​യ​തി. ചെ​റു​കി​ട വ്യ​വ​സാ​യ രം​ഗ​ത്ത്​ വ്യ​ത്യ​സ്ത​മാ​യ ആ​ശ​യ​ങ്ങ​ൾ പ്ര​ദ​ർ​ശി​പ്പി​ക്കാ​ൻ ആ​ഗ്ര​ഹി​ക്കു​ന്ന സം​രം​ഭ​ക​ർ​ക്ക്​ ക​സ്റ്റ​മൈ​സ്​​ഡ്​ കി​യോ​സ്കു​ക​ൾ മു​ത​ൽ ജീ​വ​ന​ക്കാ​ർ​ക്ക്​ വി​സ നേ​ടാ​നു​ള്ള സ​ഹാ​യം വ​രെ മി​ക​ച്ച അ​ടി​സ്ഥാ​ന സൗ​ക​ര്യ​ങ്ങ​ളാ​ണ്​ ഗ്ലോ​ബ​ൽ വി​ല്ലേ​ജ്​ വാ​ഗ്ദാ​നം ചെ​യ്യു​ന്ന​ത്. 1997ൽ ​ആ​ഗോ​ള ഗ്രാ​മം ദു​ബൈ​യി​ൽ തു​ട​ക്ക​മി​ട്ട​തു മു​ത​ൽ ഇ​തു​വ​രെ 10 കോ​ടി പേ​ർ സ​ന്ദ​ർ​ശി​ച്ചു​വെ​ന്നാ​ണ്​ ക​ണ​ക്ക്.

28ാമ​ത്​ സീ​സ​ണി​ൽ മാ​ത്രം സ​ന്ദ​ർ​ശി​ച്ച​ത്​ ഒ​രു കോ​ടി ​പേ​രാ​ണ്. ലോ​ക​മെ​മ്പാ​ടു​മു​ള്ള 90 സം​സ്കാ​ര​ങ്ങ​ളെ പ്ര​തി​നി​ധീ​ക​രി​ക്കു​ന്ന 27 പ​വി​ലി​യ​നു​ക​ളും 3,500ല​ധി​കം ഷോ​പ്പി​ങ്​ ഔ​ട്ട്‌​ല​റ്റു​ക​ളും 250ല​ധി​കം ഡൈ​നി​ങ്​ ഒ​പ്ഷ​നു​ക​ളും സീ​സ​ൺ 28 ആ​തി​ഥേ​യ​ത്വം വ​ഹി​ച്ചു. ലോ​ക​ത്തെ പ്ര​ശ​സ്ത​രാ​യ 400ല​ധി​കം ക​ലാ​കാ​ര​ന്മാ​രു​ടെ പ്ര​ക​ട​ന​ങ്ങ​ൾ​ക്കും ഗ്ലോ​ബ​ൽ വി​ല്ലേ​ജ്​ വേ​ദി​യാ​യി​രു​ന്നു. കൂ​ടാ​തെ ഓ​രോ രാ​ത്രി​യി​ലും 200ല​ധി​കം പ്ര​ക​ട​ന​ങ്ങ​ൾ പ്ര​ദ​ർ​ശി​പ്പി​ക്കു​ക​യും ചെ​യ്തു.