പരിസ്​ഥിതി ദിനത്തിൽ നട്ടത്​ 2000 കണ്ടൽ ചെടികൾ

ദുബൈ: ജബൽ അലി മറൈൻ സ​േങ്കതത്തിലെ കണ്ടൽക്കാട്​ വിപുലീകരിക്കാൻ ലോക പരിസ്​ഥിതി ദിനത്തോടനുബന്ധിച്ച്​ നട്ടത്​ 2000 കണ്ടൽ ചെടികൾ. ദുബൈ നഗരസഭ പരിസ്​ഥിതി വിഭാഗത്തി​​​െൻറ നേതൃത്വത്തിൽ സംഘടിപ്പിച്ച നടീൽ യജ്​ഞത്തിന്​ കുട്ടികളും കുടുംബങ്ങളുമുൾപ്പെടെ നൂറുകണക്കിനു പേരാണെത്തിയത്​. പരിസ്​ഥിതി സന്തുലനത്തിനും ദേശാടനക്കിളികളുടെ ഭക്ഷണത്തിനും ഏറെ വലിയ പങ്കുവഹിക്കുന്ന കണ്ടലുകൾ തീരമേഖലയിൽ നിന്നുള്ള മണ്ണൊലിപ്പ്​ തടയാനും അത്യാവശ്യമാണ്​. മറ്റു സസ്യവർഗങ്ങളെക്കാൾ അഞ്ചിരട്ടി കാർബൺ ഡൈ ഒാക്​സൈഡ്​ പിടിച്ചെടുക്കുന്ന കണ്ടലുകൾ വായു ശുദ്ധീകരണത്തിന്​ മഹത്തായ സഹായമാണ്​ ചെയ്യുന്നതെന്നും നഗരസഭയുടെ പരിസ്​ഥിതി അവബോധ വിഭാഗം മേധാവി തസ്​നിം അൽ ഫലാസി ചൂണ്ടിക്കാട്ടി. 

ദാന വർഷാചരണം പ്രമാണിച്ച്​ പ്രകൃതിയുടെ സംരക്ഷണത്തിന്​ അധ്വാനം ദാനം ചെയ്യാനുള്ള അവസരം കൂടിയായിരുന്നു നടീൽ യജ്​ഞമെന്ന്​ പരിസ്​ഥിതി വിഭാഗം ഡയറക്​ടർ ആലിയ ഹർമൂദി പറഞ്ഞു. സംരക്ഷിത വിഭാഗത്തിൽപ്പെട്ട കടലാമ കുഞ്ഞുങ്ങളെ രക്ഷിച്ച്​ പുനരധിവസിപ്പിക്കുന്ന പ്രവർത്തനവും ഇതി​​​െൻറ ഭാഗമായി നടന്നു. 70 ആമ കുഞ്ഞുങ്ങളെ ജബൽ അലി സ​േങ്കതത്തിലെ നഴ്​സറിയിലേക്ക്​ മാറ്റി. മ​ൃഗങ്ങൾ പിടിച്ചു തിന്നുന്നതും കടൽ തിരയിൽ ​െപട്ട്​ മുറിവേൽക്കുന്നതും തടയാനാണ്​ ഇൗ നടപടി.