അബൂദബിയിൽ നിന്ന് ദുബൈയിലേക്ക് 57 മിനിറ്റ്; ഇത്തിഹാദ് ട്രെയിൻ യാത്രാ സമയം പ്രഖ്യാപിച്ചു

അ​ബൂ​ദ​ബി: നി​ർ​ദി​ഷ്ട പാ​സ​ഞ്ച​ര്‍ ട്രെ​യി​നു​ക​ളു​ടെ യാ​ത്ര സ​മ​യ ദൈ​ര്‍ഘ്യം പ്ര​ഖ്യാ​പി​ച്ച് ഇ​ത്തി​ഹാ​ദ് റെ​യി​ല്‍. അ​ബൂ​ദ​ബി​യി​ൽ നി​ന്ന്​ ദു​ബൈ​യി​ലെ​ത്താ​ൻ 57 മി​നി​റ്റ്​ മ​തി. അ​ബൂ​ദ​ബി​യി​ല്‍ നി​ന്ന് അ​ല്‍ റു​വൈ​സി​ലേ​ക്ക് 70 മി​നി​റ്റും അ​ബൂ​ദ​ബി​യി​ല്‍ നി​ന്ന് ഫു​ജൈ​റ​യി​ലേ​ക്ക് 105 മി​നി​റ്റു​മാ​ണ് പാ​സ​ഞ്ച​ര്‍ ട്രെ​യി​ന്‍ എ​ത്തി​ച്ചേ​രാ​നെ​ടു​ക്കു​ന്ന സ​മ​യം. അ​ല്‍ സി​ല, ഫു​ജൈ​റ, റു​വൈ​സ്, അ​ല്‍ മി​ര്‍ഫ, ഷാ​ര്‍ജ, അ​ല്‍ ദൈ​ദ്, അ​ബൂ​ദ​ബി, ദു​ബൈ തു​ട​ങ്ങി യു.​എ.​ഇ​യി​ലെ 11 ന​ഗ​ര​ങ്ങ​ളെ​യാ​ണ് ഇ​ത്തി​ഹാ​ദ് റെ​യി​ല്‍ ശൃം​ഖ​ല ബ​ന്ധി​പ്പി​ക്കു​ന്ന​ത്.

ഫു​ജൈ​റ​യി​ലെ സ​കാം​കം, ഷാ​ര്‍ജ​യി​ലെ യൂ​നി​വേ​ഴ്‌​സി​റ്റി സി​റ്റി എ​ന്നി​വി​ട​ങ്ങ​ളി​ലാ​വും പാ​സ​ഞ്ച​ര്‍ സ്റ്റേ​ഷ​നു​ക​ള്‍ നി​ര്‍മി​ക്കു​ക​യെ​ന്ന് അ​ധി​കൃ​ത​ര്‍ ക​ഴി​ഞ്ഞ​ദി​വ​സം അ​റി​യി​ച്ചി​രു​ന്നു. മ​റ്റു സ്റ്റേ​ഷ​നു​ക​ളെ​ക്കു​റി​ച്ചു​ള്ള പ്ര​ഖ്യാ​പ​നം വൈ​കാ​തെ​യു​ണ്ടാ​കും. അ​തി​വേ​ഗം നി​ര്‍മാ​ണം പൂ​ര്‍ത്തി​യാ​വു​ന്ന ഇ​ത്തി​ഹാ​ദ് റെ​യി​ല്‍ ശൃം​ഖ​ല വൈ​കാ​തെ പൂ​ര്‍ണ​തോ​തി​ല്‍ പ്ര​വ​ര്‍ത്ത​ന സ​ജ്ജ​മാ​കു​മെ​ന്നാ​ണ് വി​വ​രം. എ​ന്നാ​ല്‍, എ​ന്നു തു​ട​ങ്ങു​മെ​ന്ന​തി​ന്റെ സ്ഥി​രീ​ക​ര​ണം ഇ​നി​യു​മു​ണ്ടാ​യി​ട്ടി​ല്ല.

പ്ര​വ​ര്‍ത്ത​നം പൂ​ര്‍ണ തോ​തി​ലെ​ത്തു​ന്ന​തോ​ടെ, പ്ര​തി​വ​ര്‍ഷം 3.65 കോ​ടി പേ​ര്‍ക്ക് ഇ​ത്തി​ഹാ​ദ് പാ​സ​ഞ്ച​ര്‍ ട്രെ​യി​നു​ക​ളി​ല്‍ യാ​ത്ര ചെ​യ്യാ​നാ​കു​മെ​ന്നാ​ണ് വി​ല​യി​രു​ത്തു​ന്ന​ത്. അ​ത്യാ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ പാ​സ​ഞ്ച​ര്‍ ട്രെ​യി​നി​ന്‍റെ ദൃ​ശ്യ​ങ്ങ​ള്‍ ഈ ​വ​ര്‍ഷ​മാ​ദ്യം അ​ധി​കൃ​ത​ര്‍ പു​റ​ത്തു​വി​ടു​ക​യും ചെ​യ്തി​രു​ന്നു. 2021 ഡി​സം​ബ​റി​ലാ​ണ് 5000 കോ​ടി ദി​ര്‍ഹം ചെ​ല​വു​വ​രു​ന്ന യു.​എ.​ഇ റെ​യി​ല്‍വേ പ​ദ്ധ​തി​യു​ടെ പ്ര​ഖ്യാ​പ​ന​മു​ണ്ടാ​യ​ത്. രാ​ജ്യ​ത്തു​ട​നീ​ള​മു​ള്ള യാ​ത്ര, ച​ര​ക്കു​നീ​ക്കം സം​യോ​ജി​പ്പി​ക്കു​ന്ന പ​ദ്ധ​തി​യാ​ണി​ത്.

പ​ദ്ധ​തി​യു​ടെ ഭാ​ഗ​മാ​യു​ള്ള നി​ര്‍മാ​ണ​ത്തി​ന്‍റെ ന​ല്ലൊ​രു ഭാ​ഗ​വും ഇ​തി​ന​കം പൂ​ര്‍ത്തി​യാ​വു​ക​യും 2023 മു​ത​ല്‍ ച​ര​ക്കു​നീ​ക്കം ന​ട​ത്തു​ക​യും ചെ​യ്യു​ന്നു​ണ്ട്. അ​ത്യാ​ധു​നി​ക ച​ര​ക്കു തീ​വ​ണ്ടി​ക​ളാ​ണ് ഇ​തി​നാ​യി ഉ​പ​യോ​ഗി​ക്കു​ന്ന​ത്. ആ​റു കോ​ടി ട​ണ്‍ ച​ര​ക്കു വ​ര്‍ഷ​ത്തി​ല്‍ യ​ഥാ​സ്ഥ​ല​ങ്ങ​ളി​ലെ​ത്തി​ക്കാ​ന്‍ ഗു​ഡ്‌​സ് ട്രെ​യി​ന്‍ സം​വി​ധാ​ന​ത്തി​ലൂ​ടെ ക​ഴി​യു​ന്നു​ണ്ട്.