കൈരളി വാർഷികവും ദേശീയ ആഘോഷവും

ഫുജൈറ:  കൈരളി കൾച്ചറൽ അസോസിയേഷൻ ഫുജൈറ,ദിബ്ബ യൂണിറ്റ്​ ദശവാർഷികവും യു.എ.ഇ ദേശീയ ദിനവും ആഘോഷിച്ചു. 
 ദേശീയ അവാർഡ്​ ജേതാവ്​ സുരഭി ലക്ഷ്​മിയും വിനോദ്​ കോവൂരും അവതരിപ്പിച്ച കോമഡി ഷോ,  നൃത്തങ്ങൾ, ഗാനമേള തുടങ്ങി നിരവധി കലാപരിപാടികൾ അരങ്ങേറി. കൈരളി യൂണിറ്റ്​ പ്രസിഡൻറ്​ രാജേന്ദ്രൻ നല്ലപ്പള്ളി അധ്യക്ഷത വഹിച്ചു. റഷീദ്സുലൈമാൻ സൂദി ഉത്ഘാടനം ചെയ്തു.
എസ്.എഫ്.ഐ സംസ്ഥാന സെക്രട്ടറി എം. വിജിൻ മുഖ്യാതിഥിയായിരുന്നു .കൈരളിസെൻട്രൽകമ്മറ്റിസെക്രട്ടറി സുഭാഷ്​ വി.എസ്​,പ്രസിഡൻറ്​ കെ.പി. സുകുമാരൻ,സെൻട്രൽ കമ്മിറ്റി അംഗം സൈമൺ സാമുവേൽ , സ്വാഗതസംഘം രക്ഷാധികാരി ശിവശങ്കരൻ എന്നിവർ  സംസാരിച്ചു.  സ്വാഗതസംഘം കൺവീനർ അനിൽകുമാർ സ്വാഗതം പറഞ്ഞു.ലിയാക്കത് അലി,ഉമ്മർ എന്നിവരും  സന്നിഹിതരായിരുന്നു.സത്യൻ മാടക്കരയെയും സുരഭി ലക്ഷ്മിയെയും കൈരളി ആദരിച്ചു.