തൊഴിലാളികൾക്ക്​ തണലൊരുക്കി അബൂദബി മാർത്തോമ്മാ യുവജനസഖ്യം

അബൂദബി: ‘തണൽ, പദ്ധതിയുടെ ഭാഗമായി മാർത്തോമ്മാ യുവജനസഖ്യം ലേബർ ക്യാമ്പ് മിനിസ്ട്രിയുടെ ഭാഗമായി വി വിധ ക്യാമ്പുകളിൽ ഭക്ഷ്യവിഭവങ്ങൾ, ദൈനംദിന ആവിശ്യങ്ങൾക്കുള്ള വിവിധ ഉൽപന്നങ്ങൾ എന്നിവ അടങ്ങിയ കിറ്റ്​ വിതരണം ചെയ്തു. സംഹയിലെ ലേബർ ക്യാമ്പിലുള്ളവർക്കും വത്ബ മേഖലയിൽ ആടുകളെ പരിപാലിക്കുന്ന തൊഴിലാളികൾക്കുമാണ് കിറ്റു്​ വിതരണം ചെയ്തത്.

‘തണൽ’ പദ്ധതി ഒരു വർഷം നീണ്ടുനിൽക്കും. നാട്ടിലേക്ക് പോകാൻ ബുദ്ധിമുട്ടുന്നവർക്ക്​ വിമാന ടിക്കറ്റുകൾ നൽകുമെന്നും  ഭാരവാഹികൾ അറിയിച്ചു. 
 സഖ്യം പ്രസിഡൻറും മാർത്തോമ്മാ ഇടവക വികാരിയുമായ ബാബു പി. കുലത്താക്കൽ, സഹ വികാരി സി.പി. ബിജു,  സഖ്യം  സെക്രട്ടറി ഷെറിൻ ജോർജ്​തെക്കേമല, ട്രസ്​റ്റി സാംസൺ മത്തായി, കൺവീനർ ബിജോയ് സാം ടോം തുടങ്ങിയവർ നേതൃത്വം നൽകി.