രക്തദാന ക്യാമ്പ് സംഘടിപ്പിച്ചു

അബൂദബി: ​അങ്കമാലി എൻ.ആർ.ഐ അസോസിയേഷൻ അബൂദബി ചാപ്റ്റർ അബൂദബി രക്​ത ബാങ്ക്​ ആശുപത്രിയിൽ രക്തദാന ക്യാമ്പ് സംഘടിപ്പിച്ചു. അബൂദബി ഇന്ത്യൻ മീഡിയ സെക്രട്ടറി സമീർ കല്ലറ ഉദ്​ഘാടനം ചെയ്​തു. ആൻറിയ പ്രസിഡൻറ്​ ആൻറണി ഐയ്ക്കനാടൻ അധ്യക്ഷത വഹിച്ചു.
രക്​ത ബാങ്ക് പ്രതിനിധി ഡോ. പ്രതുഷ് രജനി റംല ഗ്രൂപ്പ് ഓപറേഷൻസ് മാനേജർ അബ്‌ദുൽ മജീദ്, ആൻറിയ സെക്രട്ടറി റോയ് സേവ്യർ എന്നിവർ സംസാരിച്ചു. രക്തദാന ക്യാമ്പ് കൺവീനർ ജോയ് ജോസഫ്, ആൻറിയ കെയർ കൺവീനർ ജസ്​റ്റിൻ പോൾ, വിദ്യ സിൽസൺ എന്നിവർ നേതൃത്വം നൽകി.
തുടർച്ചയായ അഞ്ചാം വർഷമാണ് ആൻറിയ അബൂദബി രക്​തദാന ക്യാമ്പ് സംഘടിപ്പിച്ചത്. ഏകദേശം 120 യൂനിറ്റ് രക്തം ശേഖരിക്കാൻ കഴിഞ്ഞതായി സംഘാടകർ അറിയിച്ചു.