കുപ്പ തൊട്ടിയിലിട്ടാൽ  കി​ട്ടിയേക്കും മാണിക്യം

ദുബൈ: മാലിന്യം എല്ലായിടത്തും പ്രശ്നമാണ്. എന്നാല്‍, യു.എ.ഇയില്‍ മാലിന്യം ചിലപ്പോള്‍ നിങ്ങള്‍ക്ക് ഭാഗ്യം സമ്മാനിച്ചേക്കും. പ്ലാസ്റ്റിക് കുപ്പികളും മറ്റും വലിച്ചെറിയാതെ റീ സൈക്കിളിങ്ങിന് നല്‍കിയാല്‍ വിദേശയാത്രയടക്കം വമ്പന്‍ സമ്മാനങ്ങളാണ് തേടിയെത്തുക. യു എ ഇ നഗരങ്ങളിലെ വേസ്റ്റ് മാനേജ്മെന്റ് ഏറ്റെടുത്ത ബീആ കന്പനിയാണ് യു റീസൈക്കിള്‍, വീ റിവാര്‍ഡ് എന്ന പേരില്‍ സമ്മാനപദ്ധതി നടപ്പാക്കുന്നത്. ഇതിന്​ പലയിടത്തും റിവേഴ്സ് വെന്‍ഡിങ് മെഷീനുകള്‍ സ്ഥാപിച്ചിട്ടുണ്ട്. മാലിന്യങ്ങള്‍ ഇതില്‍ നിക്ഷേപിച്ചാല്‍ മെഷീന്‍ ഒരു കൂപ്പണ്‍ പകരം നല്‍കും.

കൂപ്പണ്‍ ബിആയുടെ മൊബൈല്‍ ആപ്ലിക്കേഷനില്‍ സ്കാന്‍ ചെയ്താല്‍ നറുക്കെടുപ്പില്‍ പങ്കാളിയാകാം. കുടുംബത്തിന്​ സകല ചെലവുമുൾക്കൊള്ളുന്ന വിദേശയാത്ര, കാനോൺ കാമറ, കാരിഫോറി​​െൻറ വൗച്ചറുകൾ തുടങ്ങിയ അടിപൊളി സമ്മാനങ്ങളാണ്​ നൽകുകയെന്ന്​ ബീആ സീനിയർ സൂപ്പർവൈസർ ഹാസിം ഖത്തിരി പറഞ്ഞു.കൂടുതല്‍ മാലിന്യം നിക്ഷേപിക്കുന്നവര്‍ക്ക് പ്രശംസാപത്രം ലഭിക്കും. വിമാനത്താവളങ്ങളിലും വിദ്യാഭ്യാസ സ്ഥാപനങ്ങളിലും ബിആ റിവേഴ്സ് വെന്‍ഡിങ് മെഷീന്‍ സ്ഥാപിച്ചിട്ടുണ്ട്. വന്‍ ജനകൂട്ടം പങ്കെടുക്കുന്ന പരിപാടികളും ഈ ഉപകരണം മാലിന്യം സ്വീകരിച്ച് ഭാഗ്യം പകരം നല്‍കും.