സാന്ത്വനം യൂത്ത്​ ഫെസ്​റ്റിവലിൽ ഇക്കുറി 

ദുബൈ: സാമൂഹിക സാംസ്കാരിക സംഘടനയായ സാന്ത്വനം നടത്തുന്ന യുവജനോത്സവത്തിൽ ഇക്കുറി നിശ്​ചയദാർഢ്യ വിഭാഗത്തിൽപ്പെട്ട കുഞ്ഞുങ്ങളെയും പ​െങ്കടുപ്പിക്കും. ഭിന്ന ശേഷി വിഭാഗ കുട്ടികൾക്കായി നടത്തുന്ന ആദ്യ കലോത്സവമാണിതെന്ന്​ സംഘാടകർ വാർത്താ സമ്മേളനത്തിൽ അറിയിച്ചു.നിശ്​ചയദാർഢ്യ വിഭാഗത്തിലെ കുഞ്ഞുങ്ങളെ മുഖ്യധാരയിലെത്തിക്കാനുള്ള ശ്രമങ്ങളുടെ ഭാഗമായാണിത്​.  പൊതു സ്​കൂളുകളിലെ കുട്ടികൾക്ക്​ 27 ഇനങ്ങളിലും സ്​പെഷ്യൽ സ്​കൂൾ കുട്ടികൾക്ക്​ ഏഴ്​ ഇനങ്ങളിലുമാണ്​ മത്സരം. 

സ്​കൂളിൽ പഠിക്കാത്ത കുട്ടികൾക്കും ഇൗ വിഭാഗത്തിൽ പ​െങ്കടുക്കാം. നവംബർ 24,25 തീയതികളിൽ ഖിസൈസ്​ ഗൾഫ്​ മോഡൽ സ്​കൂളിലാണ്​ മത്സരങ്ങൾ. 
  യുവ ചിത്രകാരൻ ശ്രീകുമാർ കാമിയൊയുടെ ചിത്രപ്രദർശനവും,   പുസ്തക പ്രദർശനവും കലോൽസവത്തോടനുബന്ധിച്ച്‌ നടക്കും. പത്രസമ്മേളനത്തിൽ സാന്ത്വനം ഭാരവാഹികളായ റജി കെ.പാപ്പച്ചൻ, റജി ജോർജ്ജ്‌,ബിനു മാത്യൂ, മാത്യൂ വർഗ്ഗീസ്‌, റജി ഗ്രീൻലാൻഡ്‌ എന്നിവർ പങ്കെടുത്തു.